Ҷумаъбой Яҳёев, сокини н. Деваштич ва ҳамзамон хонандаи ҳамешагии газетаи мардумии СССР ба идораи СССР занг зада (тел: 92 888 75 06), аз воридоти маводи тарканда (хлопушка) изҳори нигаронӣ кард.
- Ҳар сол дар арафаи Соли нави мелодӣ маводи тарканда ба мисли «хлопушка» бо ҳар роҳ, чӣ дар шаҳру чӣ дар деҳот дастраси ҷавонону кӯдакон мегардаду онҳо дар кӯчаву зери биноҳои истиқоматӣ метарконанд. Боиси қайд аст, ки он оташангез ва садои баланди гӯшхарош дошта, боиси халали оромии одамон мешавад. Баъзан дар ҳолати таркиш ҷароҳати ҷисмонию рӯҳӣ гирифтани наврасону калонсолон ҳам дида мешавад.
