С.Н. (мавсуф нахост номашро ифшо созад), сокини ш.Бохтар ба идора занг зада (тел: 935007006), гуфт, ки ҳам пешниҳод ва ҳам шикоят дорад.

   - 1. Ифлосиҳои гирду атрофи бозори «Фаровон» то пеши ошхонаи миллии «Шоми Хатлон» ва кӯчаҳои Норинов, ки аз бӯи ғализ ва партов пур шудаанд, бояд зудтар тоза карда шаванд. Зеро бо гарм шудани ҳаво магасҳо, ки паҳнкунандаи асосии бемориҳои сироятианд, ба маротиб афзуда, мардумро бемор месозанд.

2. Нақлиёти ҷамъиятӣ танзим ва мусиқии дохили онҳо назорат карда шавад. Чун аз кор хаста бармегардӣ, мехоҳӣ ягон чизи гушнавоз шунавӣ, лек дар нақлиёти самти Леваканд - Бохтар якбора асабат хароб мегардад. Ронандагон мусиқиҳоеро мемонанд, ки гӯшхарошу нофаҳмоанд. Хуб мешуд агар дар терминалҳо радиои ватанӣ садо медод.