Гулпарӣ Ҳайдарова, сокини деҳаи Кабудсанги ҷамоати деҳоти Халифа Ҳасани ш.Панҷакент бо редаксия тамос гирифта (тел: 927089890), гуфт, ки ниёз ба кӯмак дорад, вале касе аз масъулини шаҳр ба додаш намерасанд.
- Соли 2019 шавҳарам Тиллоев Абдушафеъ вафот карду ман бо 3 кӯдакам ба хонаи падарам баргаштам. Оилаи шавҳарам камбизоат аст, оилаи мо низ. Шароити зиндагӣ хуб нест. Бо 3 кӯдаки ноболиғ саргардонам. Борҳо барои ҷудо намудани қитъаи замини наздиҳавлигӣ ба масъулини шаҳр муроҷиат намудам, аммо хабаре нест. Дигар намедонам оянда бо ин кӯдаконам дар куҷо сарпаноҳ ёбам?
