Оламгули Мазлум, журналист, муаллиф ва хонандаи доимии газетаи мардумӣ ба редаксия занг зада (тел: 2385556), гуфт, ки дар ноҳияи Дӯстӣ бояд 1 ҳашари калони ободонӣ гузаронида шавад.

   - Тавассути газетаи мардумии СССР ба раиси н.Ҷайҳун Абдулҳафиз Одиназода муроҷиат намуда, аз эшон тақозо дорам, ки 1 маротиба дар ноҳия ҳашар – шанбегии умумихалқӣ гузаронанд. Ҳоло мегӯям, чаро. Бозори ноҳия дар ҳолати бади санитарӣ қарор дорад, кӯчаҳо ҳама пури ахлоту ифлосӣ.

Дар тамоми шаҳру ноҳияҳо ба хотири ободӣ ҳашарҳо ташкил карда, барои тозагии муҳит ва кӯчаву бозор саҳм мегузоранд. Муҳтарам раис Одиназода, чӣ мешуд, ки Шумо ҳам рӯзи шанберо рӯзи ҳашар эълон карда, тамоми сокинони ноҳияи Ҷайҳунро барои тоза кардани дару девору кӯчаву макони зисти худ даъват намоед? Кори намешуданӣ нест!