4 бар 0...
Ин ҳисоби бозӣ нест. Ин теъдоди бозиҳои пайдарҳамист, ки Равшани Кӯлоб бар дастаи маъруфтарини Тоҷикистон ва қораи Осиё, дастболо мешавад. Офарин, шерони Кӯлоб. Мо Метавонем!
28.05.2023. Соат ба вақти Душанбе 18:00 дақиқа. Варзишгоҳи марказии пойтахт.
Ин варзишгоҳ дерҳо ин бозӣ ва ин таҷаммуъи мухлисинро дар ёд хоҳад дошт. Зеро ин шом 2 ҳарифи азалӣ, 2 рақиби оштинопазир, ба масале Реал ва Барселонаи Тоҷикистон, Истиқлол ва Равшан бо ҳам сабқат карданд.
Кӯлобиҳо бо талоши бевоситаи Амирҷон Сафарови нозанин ва зарбаи Фатҳулло Олимзода бо рикошети Табрез - муҳофизатгари Истиқлол, тавонистанд, ба дарвозаи рақиб 2 гол зананд. Дар дақиқаи 62 довар барои бозии хеле дағалона ба ҳимоятгари Равшан корти Сурх нишон дода, ӯро аз майдон ронд.
Душанбегиҳо тавонистанд оҷилан 1 голро ба самар расонанд. Воқеан ҳам ин нахустин гол ба дарвозаи Равшан дар тӯли ним соли ахир буд. Зеро дарвозаашро Равшан то ин дам мӯҳри сурғучӣ зада буд. Боқии бозӣ бо ҳамлаҳои бенатиҷаи Истиқлол хатм шуд. Бозӣ бо ҳисоби 1:2 ва пирӯзии Равшани Кӯлоб ба охир расид.
Хотиррас мешавем, ки тӯли 1 моҳи тақвимӣ ин барои бори 3-ум аст, ки КФ Равшан бар Истиқлоли бузург ва шикастнопазир пирӯз меояд. 2 бор дар бозиҳои даврӣ ва 1 бори дигар дар Супер-Ҷоми ҶТ. Дар охири даври мавсими гузашта низ Равшан бар Истиқлол дастболо шуда буд. Ва инак 4 бор пайопай аст, ки Равшан Истиқлолро шикаст медиҳад.
Тавре ба СССР аз садорати Равшан хабар доданд, ин даста барои пирӯзӣ дар чемпионат дар ин мавсим талош хоҳад кард. Хотиррас мешавем, ФК Равшан бо касби 20 хол дар ҷои 2 қарор дорад. Ҷои 1 аз Истиқлол аст, бо 23 имтиёз....
Офаринашон! Зеро зуҳури Равшани Кӯлоб бо дастгирии бевоситаи Зафар Ҳақназаров - президенти ФК Равшан, сарпарастии молии Бозори Ҳоҷӣ Шариф ва ғамхории Маҳмадзоир Соҳибов дар чемпионати Тоҷикистон рақобати солиму созанда ва фазои позитив ба бор овардааст. Бовар кун, хонанда, танҳо дар сурати рақобати оштинопазири ин 2 даста, футболи Тоҷик ба пирӯзиҳои байнулмилалӣ хоҳад расид. Мо метавонем!
Чемпионҳо, чемпионҳо...
Ва дар мавриде, ки чемпионати Тоҷикистон нав шуруъ шуд (даври 11), дар қораи Аврупо ва бузургтарин чемпионатҳо, ки маҳз тавассути онҳо мо футболро дӯст медорем, чемпионҳо аллакай муайян шудаанд. Дар аксари маврид, ЯГОН навигарие қариб, ки дар ин қора нест, ба истиснои Италия...
Зенит - пантакемпион!!!
Зенити Санкт-Петербург, ки 28 май 98 сола шуд (муборакбодаҳо!!!) пеш аз мӯҳлат вале ин бор барои 5-ум бор пайдарҳам қаҳрамони Россия шуд! Хотиррас мешавем, Зенит, ки дар ҳайати он Далер Кузяеви душанбегӣ бозӣ мекунад, чемпиони 10-каратаи СССР + Россия шудааст. Вале дар 1825 рӯз ё худ 5 сол касе бо ӯ рақиби солим нашуд, ки нашуд. Спартак-хоби хушшш...
МанСити ё Хосеп???
Ба таҳқиқ ин чемпионии Манчестер Сити моли ҳалоли Хосеп Гвардиолаи нозанин аст, ки новобаста ба фораи бузурги доштаи Арсенали Лондон «тӯпчиён»-ро аввал дарёб кардаву сипас паси сар гузошт: 3 бор пайдарҳам ва 3 бор бо Хосепи нозанин, ки гумони ғолиб ӯ ҳатман Лигаи Чемпионҳоро низ хоҳад гирифт. Қаҳрамониҳои Ман Сити: 1936/1937, 1967/1968, 2011/2012, 2013/2014, 2017/2018, 2018/2019, 2020/2021, 2021/2022 ва 2022/2023. Белиссимо, Гвардиола!
ПСЖ ё Месси?
Пари Сен Жермен дар бозӣ бо Страсбург мусовӣ намудаву чемпион шуд. Фақат напурсед, ки голи чемпиониро кӣ зад? Кӣ ҳам мезад!!! Аълоҳазрат Лео Мессиииии. ПСЖ бо ин гол маротибаи 11-ум қаҳрамони Ла Лигаи Фаронса шуд. Брависсимо, Месси. Вале 1 савол, кай ту пир мешавӣ, бузургвор???
Бавария, бачаҳо, Бавария аст!
Бавария ва Боруссия бо касби 71 хол Бундес Лигаро хатм карданд, вале бо бартарии голҳои задашуда Мюнхен боз чемпион шуд. 11-ум бор пайиҳам ва 34-ум бор дар таърихи Бундес Лига.
Белиссимооооо Бавария. Брависсимо машинаи германӣ...
Наполи ё Спалетти?
Ва агар Бавария то ин рӯз 33 бор шаҳди чемпионӣ чашидааст, пас ин рӯзи некро Наполи расо 33 сол интизор буд! Бори охир дар соли 1990, бо кӯмаки Дасти Худо-худи аълоҳазрат Диего Армандо Марадона неополитаниҳо шаҳди пирӯзӣ чашида буданд. Ин сол Наполи Марадона надошт, АММО Спалетти-тренери хуб дошт. Муборакбодаҳо Лучано!!!
Барселона ё Хавӣ?
Ба таҳқиқ Барса бо реҳлати Месси фавтида буд ва ин дастаро на Фатии ҷавон наҷот дода метавонисту на Роберт Левандовскийи пир, вале голзан. Барселонаро Хавйер Эрнандес Креус маъруфтар бо исми гӯшнавози Хави наҷот дод. Ин бор на ба ҳайси капитани солдида, ки чун мураббии ҷавон! Барса баъди 4 соли нокомӣ ва гегемонияи Мадрид, 4 давр қабл аз хатми чемпионат барои 27-ум бор чемпиони Испания шуд, ки басо рамзист. Муборакбодаҳооо!!!
Мардакчаҳо VS СССР
7:4
Ва акнун дар хатми матлаб 1 бозии хушбинкунанда ё позитив аз ва дар СССР:
29.05.2023. Соат ба вақти Душанбе 08:00 дақиқа. Ба варзишгоҳи СССР воқеъ дар ш. Кӯлоб, дастаи маъруфи «Мардакчаҳо»-и Муҳаммадсиддиқ Саидзода аз Хонаободи Даҳана ташриф овард.
М. Саидов дар сӯҳбат бо СССР қайд кард, ки «Мардакчаҳои ман, ки бо ташаббуси бевоситаи газетаи мардумӣ, 15 сол пеш таъсис ёфтааст, бо шиори Мо Метавонем дар деҳаву қасабаҳои ноҳия баромад мекунанд. Ин рӯз мо хостем, бо дастаи асосии СССР панҷа нарм кунем. Зеро дар деҳот барои мо ҳарифи боқуввате намондааст!!!».
Баҳодур Рамазонзода мураббии дастаи кӯдаконаи то 14 солаи СССР ва ҳамзамон тренери дубли Равшани Кӯлоб, даъвати Мардакчаҳоро пазируфта, эълон дошт, ки ба задухӯрд бо ҳарифони Даҳанаи худ омодааст...
Бозӣ басо тезутунд ва хеле баландсуръат шуруъ шуд. Ҳар 2 даста кушиш мекард, бартарияти худро нишон диҳад. Вале «Мардакчаҳо» воқеан ҳам доди бозиро дода, аз нимаи дуввум бозиро таҳти контрол гирифта, бо ҳисоби бузурги 7:4 бар дастаи наврасони СССР пирӯз омаданд. Брависсимо, «Мардакчаҳооо».
Аз ҳисоби сарпарасти ин бозии рафиқона - Садорати редаксияи СССР ба иштирокчиён 5 тӯби футболбозӣ тақдим гардид.
3 тӯб бар ғолибон. 2 тӯб бар дастаи СССР. Ва табиист, 1 тӯб бар Эмом Карамзода - довари бозӣ.
Қарор шуд, чунин бозиҳои рафиқона дар тӯли таътили тобистона моҳе 1 бор миёни ин ҳарифон баргузор шавад. Мо Метавонем!
