Ҳабиба Каримова, омӯзгор, сокини ш.Душанбе ба идора занг зада (тел: 2385556), гуфт, ки нархи хонаҳои иҷоравӣ дар пойтахт назар ба чанд соли охир якбора афзудааст.

   - Аз моҳи август мавсими омодагӣ ба соли хониши нав низ оғоз меёбад. Бинобар ин бештари донишҷӯён дар суроғу ҷустуҷӯйи хонаҳои иҷора меуфтанд. Аммо ҳоло, ки бештари донишҷӯён бо тамом шудани соли хониш ба деҳаву музофоти хеш рафтаанд ва аксар хонаҳо холист, нарх заррае поён нарафтааст. Баръакс, гарон шудааст! Хонаи иҷораи дорои ҳамагӣ 1 ҳуҷра чун моҳе қабл аз 2000 сомонӣ боло меистад. Ҳол он ки хонаҳо ба шароити имрӯз қариб, ки ҷавобгӯ набуда, хонаҳои 2500 сомонӣ арзишдошта низ тибқи гуфтаи худашон бе ҳеҷ чиз, яъне ба қавле “коробка” ҳасту халос!