Раёсати БДА ВКД ҶТ мегӯяд, ки овозаҳо дар бораи беэътибор шудани рақамҳои қайди давлатии чоррақама асос надошта, бинобар норасоии рақамҳои бақайдгирии давлатӣ барои автомобилҳои сабукрав, боркаш, мусофиркаш ва автобусҳои шахсони воқеӣ, Раёсати бозрасии давлатии автомобили Вазорати корҳои дохилӣ мутобиқи моддаи 11, Қонуни Ҷумҳурии Тоҷикистон «Дар бораи стандартонӣ» аз 29 декабри соли 2010, №668 ба унвони Агентии стандартизатсия, метрология, сертификатсия ва нозироти савдои назди Ҳукумати ҶТ пешниҳод дар бораи илова ба СТ ҶТ 1020-2013 «Аломатҳои қайди давлатии воситаҳои нақлиёт», «Намуд ва андозаи асосӣ», ва «Талаботи техникӣ»-ро таҳия намуда, пешниҳод кардааст.
Чуноне ки ба мухбири мо дар маркази матбуоти ВКД ҶТ хабар доданд, айни замон дар воҳидҳои бақайдгирию имтиҳонотии Бозрасии давлатии автомобилии ВКД Ҷумҳурии Тоҷикистон ба воситаҳои нақлиёт рақамҳои бақайдгирии давлатии намуди «1А» (чоррақама), ки пештар дода мешуд, дода шуда истодааст. Рақамҳои қайди давлатии намуди нав ҳоло ҷорӣ нашудаанд. Новобаста дар оянда ҷорӣ гардидани рақамҳои қайди давлатии намуди «1А/1», (серақама) эътиборнокии рақамҳои қайди давлатии амалкунанда идома меёбад.
28.12.2018 дар ш.Исфара 2 иншооти муҳими стратегӣ - Дидбонгоҳи сарҳадии «Хоҷаи Аъло» ва Гузаргоҳи сарҳадии «Сурх» ба истифода дода шуданд.
Дар маросими ботантанаи расмӣ раиси вилояти Суғд Раҷаббой Аҳмадзода якҷоя бо сардори сарраёсати Қӯшунҳои сарҳадии Кумитаи давлатии амнияти миллии ҶТ генерал-майор Назар Аслам Тӯра ва раиси ш.Исфара Саломзода Сиҷоуддин бо буридани 1 лентаи рамзӣ ин иншооти муҳимро мавриди истифодаи сарҳадбонон қарор доданд.
Бино ба иттилои маркази матбуоти раиси ш.Исфара, иншооти мазкур дорои хобгоҳ, ошхона ва дигар инфрасохторҳои зарурии низомию хоҷагидорӣ буда, дар шафати он бинои истиқоматӣ, иборат аз хонаҳои 2 ҳуҷрадор барои 4 оилаи афсарон низ бунёд гардидааст. Дидбонгоҳро тибқи фармоиши раёсати сохтмони асосии Мақомоти иҷроияи ҳокимияти в.Суғд сохтмончиёни Ширкати сохтмонии «Исфара» бунёд намудаанд, ки арзиши лоиҳавии он 5 миллиону 800 ҳазор сомониро ташкил медиҳад.
Раиси вилояти Суғд Раҷаббой Аҳмадзода дар ин рӯз ҳамчунон Гузаргоҳи сарҳадии «Сурх»-ро ифтитоҳ бахшид, ки низ тибқи фармоиши раёсати сохтмони асосии Мақомоти иҷроияи ҳокимияти вилояти Суғд бунёд гардида аст ва арзиши корҳои анҷомдодашуда 1 миллиону 400 ҳазор сомониро ташкил медиҳад.
Ҳамин зайл, дар арафаи Соли нави милодии 2019 шароити хизматӣ ва зисти сарҳадбонон дар Исфара ба таври назаррас беҳбудӣ ёфт.
Раҳимзода Рамазон Ҳамро, вазири корҳои дохилии ҶТ зимни сафари кории хеш ба ВМБК субҳи рӯзи 13.12.2018 аз бозори марказии ш.Хоруғ дидан намуда, бо вазъи фаъолияти бозор ва фурӯшандагони он аз наздик ошно гашт.
Шоми 30.11.2018 ба қисми навбатдории Раёсати ВКД дар ш.Душанбе оид ба сар задани ҷинояти роҳзанӣ дар к.Н.Қарабоеви н.Фирдавсии ш.Душанбе хабари телефонӣ аз Чекушина Гулнора Бегматовна дар мавриди ҳамлаи роҳзанӣ бо истифода аз электрошокер ворид гардид. Ҳангоми азназаргузаронии ҷои ҳодиса муайян карда шуд, ки 2 нафар ҷавони ниқобпӯш бо таҷҳизоти электрикии «электрошок» мусаллаҳ гардида, ба манзили истиқоматии шаҳрванд Чекушина Гулнора Бегматовна, соли таваллудаш 1959, ғайриқонунӣ ворид гардида, шавҳар ва духтарашро зери лату кӯб қарор дода, ҳамзамон бо скотч пойҳояшонро бастаанд.
Чуноне ки ба мухбири СССР Мӯҳсинҷон Муҳаммадӣ, сардори маркази матбуотии РВКД дар ш.Душанбе хабар дод, зимни амалинамоии чорабиниҳои оперативӣ-ҷустуҷӯӣ ҳамчун гумонбар дар содир намудани ҷинояти роҳзании мазкур шаҳрвандон: Садиров Ҳувайдо Ҷаҳонгирович, соли таваллудаш 1983 ва Файзиев Рустам Ғуломалиевич, соли таваллудаш 1997, донишҷӯи бахши 4-уми Донишгоҳи молия ва иқтисоди Тоҷикистон дастгир шуданд. Ҳангоми пешбурди корҳои оперативӣ-тафтишотӣ муайян карда шуд, ки номбурдагон бо маслиҳати пешакӣ баҳри ба даст овардани маблағи калони пулӣ, дар рӯй ниқоб пӯшида, бо таҷҳизоти техникии «электрошок» мусаллаҳ шуда, ба манзили истиқоматии шаҳрванд Чекушина Гулнора, воқеъ дар кӯчаи Н.Қарабоеви н.Фирдавсӣ ворид гардида, шавҳараш Чекушин Шавкат Кашафович, соли таваллудаш 1955 ва духтараш Чекушина Юлия, соли таваллудаш 1981-ро бо таҷҳизоти техникии «электрошок» ба сару рӯяшон зарба зада, ҳамзамон бо скотч дастҳояшонро бастаанд.
Гумонбаршудагон баҳри дарёфти маблағи пулӣ манзили истиқоматиро кофтуков намуда, аз онҷо 1200-сомонӣ маблағи пулӣ ва як миқдор ҷавоҳироти биҷутериро рабудаанд, ки бо ин амалашон ба ҷабрдидагон дар баробари зарари ҷисмониву маънавӣ расонидан, ба маблағи 1600-сомонӣ зарари пулӣ низ расонидаанд. Бо дастрасии далелҳои зикргардида, айни ҳол нисбати ҳодисаи мазкур тибқи талаботи моддаи 249 (Роҳзанӣ) Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шуда, гумонбарон дар ҳабси пешакӣ қарор доранд.
Имрӯз, 13:25-дақиқа, дар назди мағозаи қисмҳои эҳтиётии автомашинаҳои навъи “Хенкук”, воқеъ дар маҳаллаи 61-уми н.Фирдавсии ш.Душанбе, ки ба шаҳрванд Фозилов Дониёр Аҳмадхоҷаевич, соли таваллудаш 1979, истиқоматкунандаи ш.Душанбе, маҳаллаи Яккачинор, хонаи 159 тааллуқ дорад, бар асари ихроҷ аз балони газ таркиши кӯтоҳ ба амал омад.
Чуноне ки ба мухбири СССР дар маркази матбуоти ВКД ҶТ хабар доданд, дар натиҷа, шаҳрвандон: Бедилов Хуҷа, соли таваллудаш 1990, истиқоматкунандаи ш. Душанбе, кӯчаи Бухоро, бинои 29, хонаи 4, Шарипов Аҳлиддин, соли таваллудаш 1989, истиқоматкунандаи ш.Душанбе, кӯчаи Заҳматобод, хонаи 367,
Шоев Сабзалӣ, соли таваллудаш 1980, истиқоматкунандаи ш.Душанбе, кӯчаи Сурхоб, хонаи 372, Ёраков Парвиз, соли таваллудаш 1990, истиқоматкунандаи н.Рӯдакӣ, ҷамоати Чимтеппа, деҳаи Пахтакор осеби сабуки ҷисмонӣ бардоштаанд. Ҳолати саломатии номбурдагон муътадил буда, зери назорати табибон қарор доранд.
Рӯзи 3.12.2018 Президенти ҶТ Эмомалӣ Раҳмон бо 1 қатор кадрҳое, ки ба вазифаҳои роҳбарикунанда дар сохтору воҳидҳои Вазорати корҳои дохилии Ҷумҳурии Тоҷикистон таъин гардиданд, сӯҳбат намуданд. Ҳамин тавр сардорони шуъбаҳои ВКД дар 23 шаҳру ноҳияҳои мамлакат иваз карда шуданд.
Аз ҷумла, сардорони шуъбаҳои ВКД дар ш.Норак, ноҳияҳои Кушониён, Дӯстӣ, Шамсиддини Шоҳин, Данғара, Панҷ, Восеъ ва Муминободи вилояти Хатлон аз ҳисоби кадрҳои ҷавону ботаҷриба ва дорои дараҷаи тахассуси баланд таъин гардиданд. Сардорони шуъбаи ВКД дар ш.Хуҷанд, шуъбаҳои №1 ва 2-и ВКД дар ш.Исфара, шуъбаҳои Вазорати корҳои дохилӣ дар шаҳрҳои Конибодом ва Истаравшан, ноҳияҳои Шаҳристон, Кӯҳистони Мастчоҳ, Айнӣ ва Деваштичи вилояти Суғд низ иваз карда шуданд.
Ҳамчунин сардорони шуъбаҳои ВКД дар шаҳрҳои Турсунзода ва Ваҳдат, шуъбаи №1-и Вазорати корҳои дохилӣ дар ноҳияи Синои ш.Душанбе, н.Шаҳринав, сардори Муассисаи давлатии таълимии “Коллеҷи милитсия”-и Вазорати корҳои дохилӣ дар ш.Кӯлоб ва сардори шуъбаи Вазорати корҳои дохилӣ дар хатти фурудгоҳи ш.Душанбеи раёсати вазорат дар нақлиёт таъин гардиданд.
Чуноне ки ба мухбири мо дар маркази матбуоти ВКД ҶТ хабар доданд, пас аз таъинот ва мулоқот бо президенти кишвар дар толори ВКД дар назди вазири корҳои дохилӣ генерал-полковники милитсия Раҳимзода Рамазон Ҳамро ҷаласаи селекторӣ баргузор гардида, дар рафти он кадрҳои навтаъиншуда бо ҳайати шахсии мақомот шиносонида шуданд.
Тибқи тағийроти охирин подполковники милитсия Умари Хайём Амиршо - сардори Муассисаи давлатии таълимии «Коллеҷи милитсия»-и ВКД Ҷумҳурии Тоҷикистон (бо қароргоҳ дар шаҳри Кӯлоб), полковники милитсия Баротзода Тоҳир Барот – сардори Шуъбаи ВКД дар хатти фурудгоҳи ш.Душанбеи Раёсати Вазорат дар нақлиёт, полковники милитсия Ҳамдамзода Валихон Ҳамдам - сардори ШВКД-1 дар ноҳияи Синои ш.Душанбе, подполковники милитсия Сафарзода Фахриддин Холмумин - сардори ШВКД дар ноҳияи Шаҳринав;
- полковники милитсия Маҳмадзода Алимардон Маҳмад – сардори ШВКД дар ш.Ваҳдат, подполковники милитсия Алихон Рустам - сардори ШВКД дар ш.Турсунзода, полковники милитсия Одиназода Фирӯз Саттор – сардори ШВКД дар ш.Истаравшан, подполковники милитсия Олимов Исохуҷа Асрорович – сардори ШВКД дар н.Шаҳристон, подполковники милитсия Насимзода Қосим Наимӣ – сардори ШВКД дар н.Кӯҳистони Мастчоҳ, подполковники милитсия Одиназода Сайдаҳтам Сироҷ – сардори ШВКД дар н.Айнӣ, полковники милитсия Эмомзода Раҷабалӣ Эмом – сардори ШВКД дар н.Деваштич, подполковники милитсия Пирзода Сафар Қузратулло – сардори ШВКД дар ш.Конибодом ва полковники милитсия Ҷалилзода Эмин Карим – сардори ШВКД дар н.Мастчоҳ таъин гаштанд.
Инчунин, подполковники милитсия Бурҳониён Олим Полвон – сардори ШВКД дар шаҳри Хуҷанд, генерал-майори милитсия Искандарзода Муҳаммадшоҳ Амиршо – сардори ШВКД-1 дар ш.Исфара, подполковники милитсия Сайфуллозода Рустам Сайфулло – сардори ШВКД дар н.Муминобод, полковники милитсия Иброҳимзода Хуршед Икром – сардори ШВКД дар н.Шамсиддин Шоҳин, полковники милитсия Маҳмудзода Шамсулло Хайрулло – сардори ШВКД дар н.Панҷ, полковники милитсия Воҳидзода Темур Сафар – сардори ШВКД дар н. Восеъ, подполковники милитсия Раҳимзода Ҷамшед Расул – сардори ШВКД дар н.Дӯстӣ, полковники милитсия Мирзозода Абдураҳим Қурбон – сардори ШВКД дар н.Кушониён, полковники милитсия Раҷабзода Рустам Сафаралӣ – сардори ШВКД дар н.Данғара, полковники милитсия Файзуллозода Илҳомҷон Файзулло – сардори ШВКД дар ш.Норак ва полковники милитсия Шомадзода Фирдавс Маҳмад – сардори ШВКД-2 дар шаҳри Исфара таъин гардиданд.
ХАБАРҲОИ ОХИРИН
- Деваштич: об нест, барқ проблема, картошка сӯхт... Назар
- Асрори мадрасаи Хоҷа Сарбоз Назар
- “Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030” Назар
- Резаахбор Назар
- Бародар қарори судро иҷро намекунад… Назар
- Таъминот кори мактаб нест Назар
- Абуҳанифа: таоруфи миллӣ ва Ислом Назар
- Беадолатӣ дар футболи тоҷик Назар
- Редаксия супориш дод: Чилучорчашма рав! Назар
- «Мардон» - мушкили №1 дар Душанбе Назар
- Дар як сатр Назар
- Адвокати хайрхоҳ меҷӯям… Назар
