23.11.1942. Анҷоми муҳосираи армия 6-и Паулюс дар Сталинград. Дар ин рӯз нерӯҳои Артиши Сурх дар рафти “амалиёти Уран” гурӯҳи 330.000-нафараи немисҳоро дар Сталинград пурра ба муҳосира гирифтанд.
25.11.1926. КМ ВКП(б) қарори сохтмони Днепрогэсро ба имзо расонид. Днепрогэс яке аз бузургтарин иншоотҳои Иттиҳоди Шӯравӣ ба шумор рафта, зимни ҳуҷуми немисҳо хароб карда шуд. Пас аз ҷанг сохтмончиёни шӯравӣ онро дубора барқарор намуданд.
26.11.1924. Таъсиси Ҷумҳурии Халқии Муғулистон. Дар ин рӯз хурду бузурги мардуми муғул Сарқонуни кишвари навтаъсисашро низ қабул кард ва Муғулистони нав ба лагери сотсиалистӣ ҳамроҳ шуд. Бо ҳамроҳшавии Муғуслистон ин лагер ду баробар афзоиш ёфт.
26.11.1948. Раёсати Шӯрои Олии СССР қарори муҳоҷир кардани немисҳо, чеченҳо, ингушҳо, қалмикҳо, балкарҳо ва тоторҳои Қримро ба навоҳии алоҳидаи СССР ба имзо расонд. Дар ин қарор гуфта мешуд, ки ин халқҳо барои ҳамеша муҳоҷир мешаванд.
26.11.1971. Бо қонуни ҳукумати Шӯравӣ дар аввалин кишвари Шӯроҳо камтарин миқдори музди меҳнати коргарон ва хизматчиён ҷорӣ карда шуд. Ин миқдор 70 рублро ташкил менамуд ва дар зарфи 20 сол бе тағйир боқӣ монд.
26.11.1970. Александр Солженитсин аз сафар ба Шветсия барои гирифтани ҷоизаи Нобел худдорӣ кард. Ӯ дар риштаи адабиёт сазовори ин ҷоизаи баланд шуда буд, лек аз тарси он, ки ҳукумати шӯравӣ ба ӯ иҷозаи баргаштан ба ватанро намедиҳад, аз рафтан ба Стокголм ва дарёфти ҷоиза худдорӣ кард.
26.11.1990. Конгресси халқи чечен истиқлолияти Чеченистон ва баромадани ин ҷумҳуриро аз ҳайъати Руссия эълон намуд.
28.11.1943. Дар Теҳрон конфронси роҳбарони СССР, ИМА ва Бритониё доир шуд. Немисҳо бошанд кӯшиданд аз фурсат истифода бурда, амалиёти вежаеро алайҳи ин сегона пиёда созанд. Аммо муваффақ нашуданд ва амалиёташон ба нокомӣ анҷом ёфт.
29.11.1941.Сарбозони олмонӣ партизандухтари маъруф Зоя Космодемянскаяро ба қатл расониданд.

М.Салимшо