Аз Анҷумани 4 то амалиёти Рур

Чоршанбе, Апр 24 2019

Смесители для душа и ванны
Детские игрушки, развивающие игры

Принт

18.04.1922.Дар ш.Маскав аввалин хатсайри автобусӣ роҳандозӣ шуд.
18.04.1923. Бо ташаббуси Ф.Э.Дзержинский-роҳбари дастгоҳи амниятии Шӯравӣ (ГПУ) дар кишвар Ҷамъияти варзишии "Динамо" ба роҳ монда шуд.
18.04.1927.Дар ш.Маскав Анҷумани IV-и Шӯроҳои СССР баргузор шуд. Дар аввалин кишвари шӯроҳо Анҷуман аз лаҳзаи таъсиси СССР дар с.1922 ва то қабули Сарқонуни сталинӣ дар с.1936, олитарин ниҳоди ҳокимияти давлатӣ маҳсуб меёфт. Анҷуман аз намояндагони Шӯроҳои ҳамаи ҷамоҳири иттиҳодӣ иборат буд ва дар он масоили бисёр муҳим, мисли ворид кардани тағйиру иловаҳо ба Сарқонуни СССР, қабули ҷумҳуриҳои нав ба ҳайъати СССР, муайян кардани нақшаҳои рушди хоҷагии халқи СССР, буҷаи давлатии СССР ва масоили марбут ба қонунгузорӣ баррасӣ ва ҳал мешуданд.

18.04.1942. Аввалин ҳуҷуми ҳавоии амрикоиҳо ба Токио, ки бо рейди Дулиттл дар таърихнигорӣ маъруф асту ба пойтахти Япония, аз болои нови ҳавопаймобарии "Хорнет" амалӣ шуд. Худи ҳуҷум бо муваффақият анҷомид, лек амрикоиҳо дубора наметавонистанд болои нов фуруд оянд. Тибқи нақша бомбаандозон мебоист дар навоҳии шарқии Чин ба замин менишастанд. Аз 16 тайёра 15-тоаш то ҳудуди Чин расиданд. 4 тайёра ба садама дучор шуд, сарнишинони 11 тайёраи дигар худро аз парашут ба замин партофтанд. Японҳо тавонистанд 8 амрикоиро асир гиранду 3 касро баъдан ба қатл расонданд. Сарнишинони тайёраи 16-ум бошад, дар фурудгоҳҳои шӯравии "Унаши" дар Шарқи Дур ба замин фаромад. СССР аз бими японҳо тайёраро мусодира ва сарнишинонро асир кард. Аслан амрикоиҳо аз аввал мехостанд, тамоми тайёраҳояшон дар Владивосток ба зимин фуруд оянд, лек тарафи шӯравӣ инро қотеъона рад кард. Он шабу рӯз СССР қудрати ҷангидан дар 2 фронтро надошт.

Аммо сарнишинони амрикоӣ пинҳонӣ, аввал ба вил.Перм ва баъдан ба Тошканд, аз он ҷо ба Ашхобод интиқол дода шуданд. Пас аз ин, махфиёна дар 1 амалиёти сиррӣ ба Эрон интиқол ёфта, тавассути англисҳо ба ватанашон баргаштанд.
18.04.1945.Анҷоми амалиёти Рур дар рафти ҶБВ. Он азимтарин амалиёти артишҳои англо-амрикоӣ зидди Олмон дар ҶБВ аст. Дар натиҷа, охирин гурӯҳи низомии олмонӣ дар фронти Ғарбӣ торумор шуда, навоҳии истеҳсолии Рур ба дасти иттифоқчиён гузашт. Шикасти гурӯҳи армияҳои "Б" дар Рур тамоми фронти Ғарбии немисҳоро аз миён бурд. Амрикоиҳо ва англисҳо дигар ҳеҷ муқовимати ҷиддӣ надоштанд ва озодона ба дохили Олмон ҳаракат карданд.
19.04.1943.Дар Артиши Сурх Раёсати асосии зиддиҷосусӣ-"Смерш" таъсис дода шуд. “Смерш” дар наркомати мудофиа мустақиман ба Сталин тобеъ буду зидди хадамоти ҷосусии немисҳо-"Абвер", жондормии саҳроии немисҳо, Раёсати бехатарии империягӣ (РСХА) ва хадамоти ҷосусии финн мубориза мебурд.

20.04.1933.Нашриёти "Гвардияи ҷавон" бо ташаббуси М.Горкий ба интишори силсилакитобҳо таҳти унвони "Зиндагии одамони бузург" оғоз намуд. Аввалин китоби силсила "Генрих Гейне"-и А.Дейч шуд.
21.04.9118. Ҳукумати Шӯравӣ Парлумони миллии мусалмонони дохили Русия ва Сибирро пароканда намуд.
22.04.1870.Дар шаҳри Симбирски Русия Владимир Ленин (Улянов) ходими сиёсии шӯравӣ, поягузори ҳизби болшевикӣ ва роҳбари инқилоби Октябрии болшевикон ба дунё омад.
23.04.1929.Оғози конфронси XVI ВКП(б), ки дар он нақшаи 5-солаи якум қабул карда шуд.
23.04.1974.КБД СССР бо ирсоли 1 мактуби махфӣ ба Л.Брежнев аз роҳбари СССР хост, ки ба кумаки ташкилоти "Фронти миллии озодкунии Фаластин" иҷозат диҳад.
25.04.1905.Дар пойтахти Англия-ш.Лондон Анҷумани III-уми РСДРП доир шуд.

Меҳрубон
Салимшоев