1 манбаъи боэътимод дар Вазорати тандурустии кишвар гуфт, дар дараи Харангон 920 тан аз шаҳрвандони мо, ки аз Хитой баргаштаанд, дар ҳолати инзивоъ ё худ карантин қарор доранд. Ин манбаъ гуфт, 46 донишҷӯе, ки дирӯз, 11.02.2020 ба осоишгоҳи Харангон оварда шуданд, низ бар ин саф фузудаанд.
Дар посух ба суоли хабарнигори СССР, ки ҳамаи ин 920 тан аз Хитой баргаштаанд, манбаъ гуфт:
-Не, аксари онҳо тавассути Қазоқистон, Ӯзбакистон, Русия омадаанд. Вале онҳо бо ин ё он сабаб дар Хитой буданд. Мо рӯйхати онҳоро доштем ва баробари ба замин фаромадани тайёраҳо онҳоро ташхис карда, дар ҳолати инзивоъ қарор додем. Ин кор ба нафъи ҷамъият ва худи бозгаштагон аст ва миёни мо ягон нофаҳмие сар назадааст. Онҳо, иншооллоҳ, агар сиҳҳат бошанду сироят наёфтаанд, пеши аҳли байт бармегарданд.
Ҳамин манбаъ афзуд, худи Вазири тандурустии кишвар, Насим Олимзода шабонарӯзӣ дар Харангон аст, ситоди вежаи коронавирус таъсис ёфтааст ва вазъият таҳти контрол мебошад.
Вазири тандурустии кишвар дар сӯҳбати эксклюзив бо СССР гуфт, «хушбахтона то ҳанӯз касе аз ин афрод мариз нашудааст. Вале бояд онҳо тамомии талаботи карантинро пушти сар кунанд!».
Мавзуъро пайгир мемонем. Мо Метавонем!
М. Мубориз
СССР
Имрӯзҳо сомонаҳои иҷтимоӣ, ки барои муошират равона карда шудаанд, ба минбари дашному ҳақорат, таҳқиру таҳдид табдил ёфтаанд. Корбарандагони тоҷикони “хориҷӣ” 1 сӯ, ташвишовараш аст, ки баъзе аз истифодабарандагони интернетӣ дар дохили кишвар низ бо 1 маърифати хеле паст набуди граматикаву этика, дар саҳифаҳои гуногуни сомонаҳои иҷтимоӣ “публикатсия, комментария ва поделится” мекунанд...
Инстаграм: “Фу мегум, Фу!”
Дар шабакаҳои ичтимоӣ, амсоли Инстаграму Фейсбук ва Одноклассники қариб тамоми сарояндагону шахсиятҳои шинохтаи ҷомеаи тоҷик саҳифаҳои шахсии худро доранду ҳар яке барои зиёд намудани аудиторияи худ талош мекунад. Барои ин гоҳе бо либосҳои нимбараҳна ва навиштаҷотҳои таҳқиромез мардумро ба худ ҷалб месозанд. Сипас, оғоз мешавад таҳқиру дашному таҳдид дар комментҳои мардум.
Масалан, Меҳринигори Рустам вақте дар саҳифаи “Инстаграм”-аш аксеро гузошту мардум дашному ҳақоратро оғоз карданд. Аз ҷумла истифодабарандае бо номи “ufc_boroda_” менависад, ки “Эээ мехригори ё чумагули либос пушид чазир шдай ку дхтарорам чазир мекни”. Ба ин монанд Фируза Ҳафизова, сарояндаи дигари кишвар дар саҳифаи худ навореро аз ҳаёти шахсии худ гузошт, ки он ҳам зери танқиди зиёд аз ҷониби мардум гардид.
Мисоли дигар, истифодабаранди дигаре бо номи___rus1k___03 меанвисад, ки “И мошина ба зобонш тоза мекна просто барой сурат гири болошда шиштай. Мардум дар интернет нишаста, аҳамият намедиҳанд, ки ин ҳама таҳқиру дашномҳо онҳоро расвои 2 олам мекунад!
Маҳз ба хотири нафароне, ки вақти зиёдеро барои таҳқири сарояндагон дар Инстаграм сарф мекунанд, Фируза Ҳафизова дар охири соли 2019 сурудеро бо номи “Фу мегум” нашр намуд, ки муҳтавои кутоҳаш “мардум ба ман кор нагирен” буд.
Фейсбук-ҳақоратхонаву ғайбатхона?
Фейсбук низ ба яке аз минбари “Ҳақоратхонаву Ғайбатхона” табдил гардидааст. Хуб, аст, ки ҳар лаҳза мо аз хабарҳои дохиливу хориҷи бохабар мешавем ва ҳама намуди рекламаро мебинем. Аммо расмҳо, навору навиштаҷотеро, ки душманони миллати тоҷик нисбат ба ватан омода месозанд, хело нигаронкунанда аст. Зеро дар аксарияти матлабҳояшон бо расм, видео, графика кадом 1 мақомдори тоҷикро дар либоси ҳар гуна ҳайвон, карикатура ва факту рақамҳои бардуруғ нашр мекунанд. Сипас баҳсу мунозираҳои шадид байни ҳамдигар оғоз мегардад, ки саропо иборат аз ҳақорат, ҳамоқат, дашному тадвини миллати тоҷик аст. Дар ҳоле, ки дар пушти ҳар 2 девор тоҷикакон менишинад, тамошобинони дигари хориҷӣ муноқишаи бародаронро назорат мекунанд ва ба ҳоли мо механданд. Ҳарду ҷониб меъёр ё худ этикаи инсониро риоя намекунанд. Зеро ҷангҳои зеҳнии мухолифону ҳукуматиро душманони миллати тоҷик метавонанд бар нафъи худ истифода кунанд... агар накардаанд. Мо Метавонем!
Шералӣ Давлатов, СССР
Ҳар сол, бо дидани буҷети нави Тоҷикистон мағзам фишор мехурад. Як чиз шигифт меорад, ки бо ҳама нодорию нотавонии кишвар, аз панҷ як пораи буҷет, аз 26 миллиард беш аз 5 миллиард пул барои омӯзишу парвариш, ё "маъъориф" ҷудо мешавад. "Аммо, вале, лекин...."
Бовар кунед, ки бо ин "маъъориф" е, ки дорем, ояндаи ториктарин моро дар камин аст. Оё медонем, ки беш аз 90% мардуми мо, он чӣ мардуми дигар сохта аст, корбурд кардан наметавонад? Аз роботу ҳуши сохтаю космосу нано намегӯям, оё чанд % мо аз техникаҳои содатарини рӯзгор корбурд кардан метавонад? Сохтан не, соз кардан не, кор фармудан!!!
Чанд % "ҳушёр" фарзандонашонро дар дигар кишвар мехононанд. Ҳич хубӣ надорад. Дар мардумие, ки сиёҳӣ зер карда бошад, фарзанди донишгирифтаи шумо нишони тир мешавад. Саркӯбаш мекунанд. Ё ҳамаи мардум рӯ ба дониш меорад, ё дониш зоғи ало мешавад. Дигар роҳе ҳаргиз набуда аст.
Чандин бор навистаю "гап шунидаам", лекин боз менависам: дар 100 соли гузашта, ҳамаи сангинии рӯзгори мардуми мо бо дасти омӯзгорон сохта мешавад. Оре, бо дасти омӯзгорон! Чунки ҳамаи "ҳавзаҳои интихоботӣ" дар дабистонҳоянду "комиссия" омӯзгорон. Пештар аз омӯзгорони тозадаст бахшиш мехостам, ин бору дигар бор не.
Омӯзгорони арҷманд! Ҳамаи "интихобот" дар дасти шумост! Дар дасти системаи шумост! Ин шумоед, ки ё аз тарс, ё аз худширинкунӣ, ё барои кадом чизи беарзиш сарнавишти мардуми худро ба дасти бесаводон медиҳед. Ҳамаи омӯзгорон номи ҳамкорони чиркини "интихоботсоз" и худро медонанд! Ҳамаашон медонанд ва чизе намекунанд! Барои ҳамин бахшиш намепурсам.
Ҳамин сиёкорӣ аст, ки ҳарчанд панҷяки буҷет ба номи шумост, шумо камбағалед. Дар ғами мардум, ки нестед, ҳич не дар ғами худ бошед??? Чаро шумо дуздонеро "интихоб" мекунед, ки фардо пули кори шуморо дузданд? Оё ин дуруст аст?
Як ҳампешаам Завқибек Саидаминӣ номзадии худро гузоштаст, номнавис кардаст, офаринаш. Лекин шумо боз чӣ хеле, ки Раҷаби Мирзоро нагузоштед, намегузоредаш. Овозҳояшро медуздед. Медуздеду ба дузди дигаре медиҳед. Чун ҳамеша. Чунки Раҷабу Завқибекҳо дуздиро наметавонанд, пули шуморо намедузданд.
Донеду огоҳ бошед, ки виждон чизи буда аст. У ҳаст. Рӯзе гиребонгиратон мешавад. "Чаро бад кардам? Чаро дидаму хомӯш нишастам? Чаро донистаму накардам?" Ин пурсишҳо рӯзгоратонро аз дарун месӯзад.
То омӯзгори мо ОМӮЗГОР нашавад, то фасодро аз бадани худ берун наронад, то дасти сиёҳ ба овози мардумон назанад, панҷяку чоряки буҷет ба номи "маъъъориф" ҷудо шуда, "дерибан" мешаваду мардум мардикору омӯзгор гурусна хоҳад монд.
С. Бурҳонов
Одесса
Ширкати ҳавопаймоии “Сомон эйр” дар робита бо эълон шудани ҳолкати фавқуллодаи байналмилалӣ аз ҷониби Созмони Умумиҷаҳонии Тандурустӣ дар пайи хуруҷи глобалии сирояти коронавирус, ҳамзамон дар асоси дастури Агентии авиатсияи граждании назди Ҳукумати Ҷумҳурии Тоҷикистон бо мақсади ҳифзи саломатии аҳолии Ҷумҳурии Тоҷикистон аз сирояти болозикр, қарор қабул намуд, ки дар моҳи феврали соли 2020 муваққатан иҷрои хатсайрҳоро дар самти Душанбе-Урумчи-Душанбе қатъ намояд. Дар баробари ин тавре ҳамин ҳоло ба мухбири СССР хабар расид. Ширкати “Хатҳои ҷанубии Хитой” низ парвозҳои худро аз Урумчи ба Душанбе барои ду ҳафтаи оянда мувақатан қатъ кардааст.
Тавре маркази матбуоти ширкати мазкур хабар додааст, ширкати ҳавопаймоӣ аз мусофирони худ барои эҷоди нороҳатӣ, ки бо сабаби таъмини бехатарӣ ба амал омадааст, маъзарат мепурсад.
Маблағи чиптаи мусофирони хатсайрҳои қатъшуда баргардонида мешавад ва ё бо хоҳиши мусофирон чиптаи парвоз ба мӯҳлати дигар иваз хоҳад шуд. Маълумоти иловагиро оиди хатсайрҳои қатъшуда метавонед аз маркази маълумотдиҳии ширкати ҳавопаймоӣ бо рақамҳои 44 640 40 49 ва 44 640 40 50 дастрас намоед.
Хотиррасон мекунем, ки ширкати ҳавопаймоии “Сомон Эйр” бо сабаби ҷашни Соли нав дар Хитой аз санаи 24-уми январи соли ҷорӣ парвозҳоро аз Душанбе ба Урумчи ва бозпас муваққатан қатъ карда буд. Хатсайри аввалин дар самти Душанбе-Урумчи баъди ҷашнгирии Соли нав ба санаи 4 феврал ба нақша гирифта шуда буд.
Ташкилоти байналмилаллии ҳифзи саломатӣ хуруҷуи каронавирусро дар Чин чун ҳолати фавқулодаи байналималлӣ эътироф намуда, аз ҷомеаи ҷаҳонӣ даъват ба амал овард, ки барои пешгирии вируси мазкур якҷоя муттаҳид шаванд. Ин дар ҳолест, ки сироятёфтагони каронавирус марзи 4000 нафарро низ убур сохта, соат ба соат меафзояд. Хуруҷи коронавирусро дар тамоми музофотҳои Чин ва дар 16 кишвари дигар ба мисли Кореяи Ҷанубӣ, Тайланд, Ҷопон, Ветнам, Камбоҷа, Малазия Ҳиндустон, Сингапур, Непал Финланди, Аморати муттаҳидаи араб, Фаронса, Олмон, Австралия, Канада ва ИМА низ мушоҳида карданд.
Олими соҳаи тиб, проффессори сироятшиноси англис Робин Шаток дар суҳбат бо телевизиони ВВС иброз доштааст, ки коронавирус дар организми инсон аз 5-7 то 14 рӯз номаълум боқӣ монда, баъд якбора хуруҷ мекунад. Ин маънои онро дорад, ки имкони бештар шудани гирифторони вируси мазкур новобаста аз чораҳои бехатарии андешидашуд, ҳар лаҳза метавонад афзояд. То кунун зиёда 200 нафар аз коронавирус ба ҳалокат расида, наздики 8000 нафарри дигар мубталои он гардидаанд.
30 январи соли равон дар Фурудгоҳи байналмилалии шаҳри Душанбе оид ба дарёфт ва пешгирии бемории сироятии коронавирус брифинг баргузор гардид, ки дар он муовини вазири тандурустӣ ва ҳифзи иҷтимоии аҳолии ҶТ Мирҳамуддин Камолзода иштирок ва суҳбат намуд. Зимни мулоқот бо хабарнигорон иброз дошт, ки бо дарназардошти вазъи бемории сироятии коронавирус дар Ҷумҳурии мардумии Чин Вазорати тандурустӣ ва ҳифзи иҷтимоии аҳолии ҶТ дар ҳамкорӣ бо сохторҳои марбута ҷиҳати ошкор ва пешгирии бемории мазкур дар гузаргоҳҳои сарҳадӣ ва фурудгоҳҳои байналмилалии мамлакат тамоми чораҳои заруриро амалӣ карда истодааст. Ҳамзамон, мо ҳамарӯза бо Ташкилоти умумиҷаҳонии тандурустӣ вобаста ба вазъи бемории мазкур дар Ҷумҳурии мардумии Чин табодули маълумотӣ дорем-афзуд ӯ.
Дар идома ҷаноби Мирҳамуддин Камолзода ба саволи рӯзноманигорон вобаста ба овозаҳо дар мавриди сирояти шаҳрвандони кишвар ба бемории мазкур гуфт: “хабарҳое, ки чанд рӯзи охир вобаста ба сирояти шаҳрвандони кишвар ба бемории коронавирус дар шабакаҳои интернетӣ нашр гардиданд, ҳақиқати воқеӣ надоранд ва хушбахтона, то кунун ин беморӣ дар Ҷумҳурии Тоҷикистон ба қайд гирифта нашудааст.
Исмоилҷон Маликов, СССР
Дар соли 2019 дар вилояти Хатлон 29 778 ақди никоҳ ба қайд гирифта шуда, дар ин муддат 2640 оила пош хӯрдааст. Дар ин бора Зинатгул Сафарзода, сардори Раёсати САҲШ-и вилояти Хатлон зимни нишаст матбуотӣ рӯзи 30.01.2020 хабар дод.
Мавсуф иброз намуд, ки дар соли 2019, 94 111 кӯдак таваллуд, шудааст, ки нисбати соли гузашта 1345 кӯдак зиёд аст. Фарзандхонӣ 515 ададро ташкил дод, ки он ҳам нисбати соли гузашта 85 адад афзоиш ёфтааст.
Баҳодури Абдусалом, СССР, Хатлон
ХАБАРҲОИ ОХИРИН
- Деваштич: об нест, барқ проблема, картошка сӯхт... Назар
- Асрори мадрасаи Хоҷа Сарбоз Назар
- “Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030” Назар
- Резаахбор Назар
- Бародар қарори судро иҷро намекунад… Назар
- Таъминот кори мактаб нест Назар
- Абуҳанифа: таоруфи миллӣ ва Ислом Назар
- Беадолатӣ дар футболи тоҷик Назар
- Редаксия супориш дод: Чилучорчашма рав! Назар
- «Мардон» - мушкили №1 дар Душанбе Назар
- Дар як сатр Назар
- Адвокати хайрхоҳ меҷӯям… Назар
