Наврӯзи соли 2018 дар маркази вилояти Хатлон-шаҳри Бохтар доир мегардад. Дар баргузории наврӯзи байналмилалии имсола иштироки Президенти кишвар Эмомалӣ Раҳмон дар назар дошта шудааст. Аз ин лиҳоз бо мақсади дар сатҳи баланд ба роҳ мондани омодагӣ ба ҷашни Наврӯзи байналмилалӣ дар шаҳри Бохтар масъулин вобаста гардида, ҳамарӯза кор бурда истодаанд. Имрӯз, 21 феврал, ба хотири дидан намудан аз омодагӣ ва сатҳи таёрии баромадкунандагони чорабинии мазкур раиси шаҳри Бохтар-Исмоилзода Абдуалим дар толори мақомоти иҷроияи маҳалии ҳокимияти давлатии шаҳр бо иштирокдорони чорабинӣ ва масъулон вохури доир намуда, аз рафти омодагӣ дидан кард.
СССР вилояти Хатлон
Рустами Эмомалӣ-раиси ш.Душанбе дирӯз бо тасвиби 1 қарори вежа нархи роҳкиро дар нақлиёти ҷамъиятии мусофиркаши пойтахтро тағийр дод. Тибқи ин қарор нархи нави роҳкиро аллакай аз 15.02.2018, яъне 5 рӯз пеш роҳандозӣ шуда, нархи роҳкиро барои 1 мусофир дар троллейбус 1 сомонӣ муқаррар гардид.
Бино ба итиллои аз ҳукумати ш.Душанбе расида, ҳаққи роҳкиро дар шабакаи хатсайрҳои шаҳри Душанбе барои 1 мусофир тавассути-автобусҳо-1,20 сомонӣ, автобусҳои хурдғунҷоиш (микроавтобусҳо)-1,60 сомонӣ, автобусҳои бо реҷаи экспресс фаъолияткунанда - 1,50 сомонӣ, автобус ва троллейбусҳо бо кортҳои кӯтоҳмӯҳлати пардохти зудамал (QR-Kod) барои 4 ва 8 сафар-мутаносибан бо арзиши 5 ва 10 сомонӣ муқаррар карда шуд. Дар ҳолати аз ҷониби мусофирон харидорӣ шудани 50 ва зиёда аз он сафар тариқи кортҳои пластикии нақлиётӣ дар автобус ва троллейбусҳо тахфифҳои зерин пешниҳод карда шавад: барои 30%, барои дигарон 15%. Роҳкиро дар хатсайрҳои наздишаҳрии ш.Душанбе барои 1 мусофир тавассути нақлиёти мусофирбарии ғунҷоишаш хурд ва миёна 2 сомонӣ муқаррар карда шуд.
Сарраёсати молияи ш.Душанбе вазифадор гашт, ки бо назардошти баланд гардидани нархи роҳкиро фарқияти субсидияи шахсони имтиёздорро дар доираи маблағҳои барои соҳаи нақлиёт дар буҷети соли 2018 пешбинӣ гардида, тибқи тартиби муқарраргардида мутаносибан ба корхонаҳои коммуналии воҳиди давлатии «Автобус-1, 2, 3 ва Троллейбус» пардохт намоянд.
СССР
Интиқолдиҳандаи миллии Ҷумҳурии Тоҷикистон - Ҷамъияти саҳомии кушодаи «Тоҷик Эйр» дар с. 2017 355 900 мусофирро ба хориҷа фиристод, ки нисбат ба с.2016 110,0%-ро ташкил дода, 30 900 мусофир зиёд аст. Ин нишондод дар натиҷаи самаранок истифода бурдани иқтидори ҳавопаймоҳо, яъне афзоиши бандкунии курсиҳо ба 4,0% назар ба с.2016 ба даст омад. Ҳаҷми интиқоли бору почта 1% афзоиш ёфта, 842,7 тоннаро ташкил дод. Дар давраи ҳисоботӣ 115,5 тонна маҳсулоти кишоварзӣ интиқол шуд, ки назар ба соли гузашта 37,1 тонна зиёд аст. Чуноне ки Хайрулло Раҳимов-директори генералии ҶСК «Тоҷик Эйр» рӯзи 15.02.2017 зимни нишасти матбуотӣ гуфт, оид ба васеъ намудани географияи парвозҳо пайваста тадбирҳои зарурӣ андешида мешаванд. Дар айни замон омодагӣ барои иҷрои парвозҳо дар хатсайрҳои Душанбе-Деҳлӣ-Ҷидда-Деҳлӣ-Душанбе, Душанбе-Деҳлӣ-Шарҷа-Деҳлӣ-Душанбе, Душанбе-Боку-Душанбе ва Душанбе-Ашқобод-Душанбе сурат мегирад. Парвозҳо дар хатсайри Душанбе-Урумчӣ-Душанбе аз моҳи марти с.2018 ба нақша гирифта шудааст. Парвозҳо мунтазам дар хатсайри Душанбе-Хоруғ-Душанбе бо ҳавопаймои Ан-28 ва чархболи Ми-8 МТВ иҷро карда мешаванд. Ҳоло ҷамъият 34 адад ҳавопаймою чархбол дорад, ки 5-тои он дар ҳолати коршоямӣ ва 29 адад дар ҳолати нигоҳдорӣ ҳастанд. Барои дар ҳолати коршоямӣ нигоҳ доштан ва истифодабарии самараноки ҳавопаймоҳо корҳои тармиму хариди қисмҳои эҳтиётӣ сурат гирифтанд. Аз ҷумла, дар ҳавопаймои Boeing 737-300 хизматрасонии техникӣ дар доираи С-чек гузаронида, курсиҳои он пурра иваз карда шуданд. Зимни баҳрабардории ҳавопаймои калонҳаҷми Боинг 767-300 ва самаранок истифода бурдани иқтидори ҳавопаймоҳо ҳаҷми мусофиркашонӣ зиёд шудааст. Дар давраи ҳисоботӣ 4 ҳодисаи ҳавопаймоӣ ба қайд гирифта шудааст, ки дар муқоиса бо с.2016 якранг аст.
- Аз 2488 парвози иҷрогардида дермонии иҷрои парвозҳо 675 адад ё 27,1 фоизро ташкил дод. Сабабҳои асосии дермонии иҷрои парвозҳо номусоидии вазъи обу ҳаво, қайдгирии мусофирону бағоҷ, иҷрои корҳои фурудгоҳию тафтишоти давлатӣ, расмиёти марзбонӣ, ҳолати техникии ҳавопаймоҳо, дер омадани ҳавопаймо аз фурудгоҳи таъинотӣ мебошанд. Вобаста ба таъмини бехатарӣ ва мунтазамӣ, кам ва бартараф сохтани таъхири парвозҳо ва дар робита ба ин баланд бардоштани масъулияти кормандон корҳо сурат гирифта, аз ҳисоби ҳайати роҳбарикунандаи Ҷамъият навбатдории шабонарӯзӣ ташкил гардидааст, - иброз намуд Хайрулло Раҳимов.
СССР
Вазорати тандурустӣ ва ҳифзи иҷтимоии аҳолии мамлакат овозаҳои мардумиро дар бораи бордор кардани занҳо бо роҳи сунъӣ аз марди бегона, рад намуда, таъкид дошт, ки дар Тоҷикистон занҳо танҳо аз шавҳарони худ бордор карда мешаванд.
Шералӣ Раҳматуллоев, сардори Раёсати хизматрасонии тиббӣ ба модару кӯдак ва танзими оилаи ин вазорат мегӯяд, чунин роҳи бордоркунии сунъӣ, ки тайи чанд соли охир дар ҷумҳурии мо ба роҳ гузошта шудааст, бо назардошти аҳкоми диниву фарҳангии миллӣ сурат мегирад, яъне зан фақат аз шавҳари хеш бо роҳи сунъӣ бордор мешавад, на аз марди дигар. Бордоркунӣ бо роҳи сунъӣ $5000 нарх дошта, он назар ба кишварҳои дигар ба маротиб арзонтар аст. Бино ба иттилои ӯ то ба имрӯз бо истифода аз ин усул беш аз 200 оила соҳиби фарзанд гашта, аз истифодаи ин таҷриба розиянд.
СССР
Кумитаи ҳолатҳои фавқуллода ва мудофиаи граждании назди Ҳукумати ҶТ ва вазорати нақлиёти кишвар аз ронандагону мусофирон хоҳиш менамоянд, ки рӯзҳои наздик аз сафар ба минтақаҳои кӯҳӣ ба хотири амнияти худ ва дигарон даст бикашанд. Айни замон дар қисмати роҳҳои мошингарди Душанбе-Хуҷанд, Душанбе-Лахш, Душанбе-Тавилдара ва Душанбе-Хоруғ-Ишкошим бо сабаби боридани барфи зиёд роҳ баста буда, фаромадани тармаҳо дар назар аст. Чуноне ки ба мухбири СССР аз маркази матбуоти кумитаи мазкур хабар доданд, то 17.02.2018 дар ҷумҳурӣ боришоти зиёди барфу борон дар назар аст ва аз ин лиҳоз мусофирон бояд аз сафар ба ин минтақаҳои кӯҳӣ худдорӣ намоянд. Зеро имкони фаромадани тарма ва яхбандии рӯи замин аз имкон дур нест. Танҳо рӯзи 15.02.2018 ба кормандони Кумитаи мазкур муяссар шуд, ки аз зери тарма дар роҳи мошингарди Душанбе-Хуҷанд 7 нафар шаҳрвандонро наҷот дода, ба онҳо кӯмаки аввалияи тиббӣ бирасонанд ва баъдан ба беморхона интиқол диҳанд. Худоёрзода Худоёр Завқибек, вазири нақлиёти ҶТ низ таъкид дошт, ки мардум бояд аз сафар ба воситаҳои ағбаҳо худдорӣ намоянд.
СССР
Айни замон дар бозори хизматрасониҳои нақлиёти автомобилӣ 1380 адад субъектҳои хоҷагидор, аз ин 228 адад корхонаҳои нақлиётӣ, 36 адад корхонаҳои нақлиёти омехта, 50 адад терминалҳои мусофирбарӣ, 12 адад терминалҳои боркашонӣ, 1000 адад нуқтаҳои хизматрасонии техникию таъмири воситаҳои нақлиёт ва 90 адад қароргоҳҳои нақлиёти фаъолият дошта, 845 адад хатсайрҳои мусофирбарӣ, аз ҷумла 176 адад шаҳрӣ, 544 адад наздишаҳрӣ, 123 адад байнишаҳрӣ ва 2 адад байналмиллалӣ расман амал мекунанд. Дар ин бора, имрӯз зимни нишасти матбуотӣ вазири нақлиёти ҶТ Худоёрзода Худоёр Завқибек итиллоъ дод.
Чуноне ки Худоёрзода Худоёр Завқибек афзуд, дар соли 2017 аз тарафи КВД “Роҳи оҳани Тоҷикистон” 4 миллиону 656,6 ҳазор тонна бор интиқол дода шуда, тавассути роҳи оҳан 533,6 ҳазор мусофир ба нуқтаҳои дилхоҳи худ расидаанд. Ба воситаи фурудгоҳҳои кишвар бошад дар соли сипарӣ гардида 2014,6 ҳазор мусофир ва 3141,1 тонна бор интиқол дода шудааст.
СССР
ХАБАРҲОИ ОХИРИН
- Деваштич: об нест, барқ проблема, картошка сӯхт... Назар
- Асрори мадрасаи Хоҷа Сарбоз Назар
- “Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030” Назар
- Резаахбор Назар
- Бародар қарори судро иҷро намекунад… Назар
- Таъминот кори мактаб нест Назар
- Абуҳанифа: таоруфи миллӣ ва Ислом Назар
- Беадолатӣ дар футболи тоҷик Назар
- Редаксия супориш дод: Чилучорчашма рав! Назар
- «Мардон» - мушкили №1 дар Душанбе Назар
- Дар як сатр Назар
- Адвокати хайрхоҳ меҷӯям… Назар
