Бо сабаби таъмиру таҷдиди чорроҳаи наздики Барқи Тоҷик, пайкараи Синоро ба ҷои дигар интиқол карданд. Хотиррас мешавем, ки ин ҳайкал дар соли 1980, дар арафаи ҷашни 1000-солагии Шайхурраис гузошта шуда буд. Муаллифи ин шоҳкорӣ ҳайкалтароши хизматнишондодаи РСС Озарбойҷон-Умар Ҳасан оғлӣ Елдаров дар ҳамкорӣ бо муҷассамасозони РСС Тоҷикистон-Рустам Каримов ва А. Агаронов аст.  Дар тӯли 38 сол шоҳу арӯсони, усулан табиби тоҷик, зери ин пайкара гул мегузоштанду ақд мебастанд.

Ҳайкали Абуалӣ ибни Синоро ҳамакнун ба наздики яке аз факултаҳои Донишгоҳи Тибб, дар рӯ ба рӯи беморхонаи Қарияи Боло, устувор карданд. Шояд ин бор барои абадӣ. 

Ҳарчанд гумон аст, ки онро боз кӯч надиҳанд. Зеро худи Сино дар тӯли умри пурбаракоташ ҳамеша саргардон буду даҳҳо шаҳру қасабаро иваз намудааст.

Ва ахиран дар арафаи зодрӯзи Падари Тибби олам (22.08.960) ҳайкалашро боз кӯч доданд…