Муҳаммад ном таксирони Тоҷике, ҳамёни пури пули ҳомили 2000 доллар ва чандсад сомонии дигар ва ҳуҷҷатҳои 1 оилаи амрикоиро ёфта, ба соҳибонаш баргардонид!
Муҳаммад Изатуллоеви 23-сола, ки Донишгоҳи техникиро хатм кардааст, таксӣ меронад. Ӯ баъди куштори сайёҳони хориҷӣ дар н.Данғара худро сахт хиҷолатзада дар назди сайёҳон медонист ва ба гуфтаи худаш, вақте ҳамёну асноди Матю Пушели амрикоиро дар мошинаш ёфт, оҷилан онҳоро ба мақомот бурд. Дар ин миён худи Матю аллакай ба пулис муроҷиат карда буд, зеро ӯ бо оилааш бояд пагоҳ Амрико мерафт. Муҳаммад мегӯяд, вақте ҳамёнро бе зарар ба соҳибаш баргадонид сайёҳи амрикоӣ ӯро оғӯш кардаву ашк рехт. «Ман ҳам гиристам!»-гуфт Муҳаммад, «зеро мехостам бо ин рафторам ба хориҷиҳо симоми асили Тоҷиконро нишон диҳам».
Ин воқеа рӯзи 08.08.2018 рух додааст. Муҳаммад ин сайёҳонро ҳамон рӯз ба ҷое интиқол додаву бозпас баргаштааст. "Вақте хостам ба хона равам, дидам, ки дар даруни мошин чанд ҳуҷҷат, ҳамён дар дохилаш пул дошт. Ба модарам ҳодисаро гуфтам, модарам ба ман гуфтанд, бояд ба ҷое, ки мусофиронро фаровардам, рафта, онҳоро пайдо кунам ва ҳуҷҷатҳоро ба онҳо баргардонам. Аммо ман дар ҷое, ки онҳо фаромада буданд, касеро пайдо накардам. Баъдан ба шаҳри бехатар рафтам",-афзуд ӯ.
Тавассути дурбинҳои Шаҳри бехатар ҳайсияти мусофирони амрикоӣ маълум ва ба онҳо ҳуҷҷату пулҳояшон баргардонида шуд.
Браво, Муҳаммад, ту воқеан ҳам симоми миллати Тоҷикӣ. Мо Метавонем!
