То ба имрӯз Хадамоти алоқаи назди Ҳукумати ҶТ дар ҳамкорӣ бо ширкатҳои мобилӣ беш аз  3 миллиону 200 ҳазор симкортро бо пешниҳоди шиносномаҳои намунаи соли 2014 аз нав ба қайд гирифт. Ин бақайдгирӣ то 15 феврали соли равон идома хоҳад кард. Дар ин бора рӯзи 27.01.2020 Илҳом Атоев, муовини аввали раиси Хадамоти мазкур зимни нишасти матбуотӣ хабар дод.

    Бино ба иттиллои Илҳом Атоев айни замон истифодабарандагони алоқаи мобилие, ки то ҳол симкортҳояшон бо шиносномаи шаҳрванди ҶТ намунаи соли 1996 дар фаъолият мебошанд ва тибқи Тартиби мазкур азнавбақайдгириро нагузаштаанд-3 миллиону 855 ҳазору 789 ададро ташкил медиҳад.

    Илҳом Атоев дар посух ба суоли хабарнигори “СССР” дар мавриди хонафурӯшии раиси Ххадамоти алоқаи кишвар Бек Сабур гурез намуд. Суоли хабарнигори ҳафтаномаи СССР “Чаро рӯзҳои шанбеи ҳар ҳафта раис мардумро қабул намекунад, ҳол он ки мувофиқи фармони Президенти ҶТ Эмомалӣ Раҳмон ҳафтае 1 маротиба вазирону раисон бояд мардумро қабул кунанд?” низ бе посух монд. Мавсуф танҳо барои вайрон кардани хомушии толор гуфт: “Шумо саволи худро 1 маротиба чуқур фикр кунед, баъд худро дар ҷойи ман монда вокуниш намоед. 1 гап ҳаст, шумо хафа нашаведу лекин  мегӯянд, ҷавоби одами “бузург” сукут”. Ё муовин моро дарк накард ё ҷавобаш хеле “мантиқӣ”буд. 

Ситора Сафарова, СССР