Салом “СССР”! Почталёнҳои советиро барқарор бояд кард. Дар замони советӣ дар ҳар як ё ду деҳа як почталён мавҷуд буд. Онҳо ҳар рӯз номаву мактубҳои мардумро сари вақт бурда мерасониданд. Инчунин рӯзномаву маҷалла ва нафақаи пиронсолонро оварда медоданд. Мутаассифона бо барҳамхӯрии СССР ин касб ҳам аз байн рафт. Ҳоло дар ҷамоатҳо ҳуҷраи нафақадиҳӣ ташкил карда шудааст, ки бознишастагон маҷбуранд баҳри гирифтани нафақа ба он ҷой раванд. Бисёр вақт мешавад, ки мераванд, пул несту сарсон меоянд. Рӯзномаҳоро ҳам маҷбур мешавӣ, 1 ҳафта интизор шуда, пас худат рафта гирӣ. Магар Хадамоти алоқа наметавонад, ки лоақал дар ду деҳа 1 почталён таъин намояд? То ин ки ҳам ҷои кор шаваду ҳам мушкили мардум осон. Лутфан масъулини хадамоти алоқа ҷавоб гӯянд!

Ҷумъабой Яҳёев, н.Деваштич, 

тел: 928887506