"Ферганаnews" бо такя ба сарчашмаи инфиродиаш дар ҳукумати Тошканд, рӯзи 20.08.2016 хабар дод, ки Каримов дар синни 79-солагӣ баъд аз зуҳри 29.08.2016 дар беморхонае дар Тошканд мурдааст. Аммо масъулин мехоҳанд баъди таҷлил аз 25 солагии Истиқлолияти давлатии Ӯзбакистон, ки рӯзи 1 сентябр баргузор мешавад, хабари марги ӯро расонаӣ кунанд...
Дмитрий Медведев, нахуствазири Русия, дар 1 ҳамоиши шаҳри Санкт-Петербург аз теъдоди зиёди номзадҳо ва докторҳои илм дар Тоҷикистон дар ҳайрат шуда, гуфтааст, ки бояд ин рақамҳо санҷида шаванд. Ба гуфти ӯ, танҳо дар соли гузашта дар Донишгоҳи миллӣ ва Академияи таҳсилоти Тоҷикистон 80 рисолаи номзадӣ ва докторӣ ҳимоя шудааст: “Ҳеҷ чизи бад гуфтанӣ нестам, вале ҳамчун факт баён мекунам. Аз рӯи шумораи додани унвонҳои илмӣ Донишгоҳи миллии Тоҷикистон ва Академияи таҳсилоти Тоҷикистон дар ҷойи аввал ва дувум ҳастанд. Дар соли 2015 дар ҳар яке аз ин донишгоҳҳо 40 рисолаи номзадӣ ва докторӣ ҳимоя шудааст. Сари ин масъала фикр бояд кард”.
Мавлудхон Салихов, ҳомии ҳуқуқҳои Саидмаҳдихон Сатторов, маъруф ба “Шайх Темур” гуфтааст, ки бар асоси қонуни нави амнистия имкон дорад, зерҳимояаш ба озодӣ барояд. Салихов дар суҳбат бо хабарнигорон гуфтааст, моддаҳое, ки тибқи онҳо Шайхро гунаҳкор карданд, шомили қонуни афв мебошад: “Сатторов ба он ҷиноятҳое, ки тибқи ин қонун афв намешаванд, маҳкум нашудааст, яъне терроризму экстремизму ба мисли инҳо. Дуюм, дар қонун гуфта шудааст, ки он нисбати афроди аз 55-сола боло татбиқ мешавад”.
Қабл аз ин ӯ гуфт, ки бо роҳбарони сохторҳои қудратӣ ва Вазорати корҳои хориҷии Украин низ машварат карда буд. Панҷшанбеи гузашта бошад, Хадамоти сарҳадии Украина бинобар сабаби дар ҳолати бад қарор доштан, рафту омади шаҳрвандонро ба нимҷазира манъ кардааст. Тавре хабар додаанд, ҳини дохил шудани диверсантҳои украинӣ ба замини Қрим аз ҷониби Россия дастгир карда шуданд. Мақсади дастигиршудагон, шикаст додани соҳаи сайру саёҳати ниҷазира будааст. Аз рӯйи гуфти диверсантҳо, дар чанд минтақаи имҷазира маводҳои таркандаро барои таркишу байни мардум пош додани тарсу ваҳм омода сахта будаанд. Рӯзи 10 август бошад Хадамоти бехатарии Федералии Россия иттиллоъ дод, ки дар нимҷазира дастаи ҷосусони низомии украинӣ барҳам дода шуд. Масалан, шаби 7 август ҳини дастгиру нобуд кардани диверсантҳо корманди Россия кушта шуд. Рӯзи 8 август бошад ҳини тирпаронӣ 1 низомӣ низ кушта шуд. Нимҷазираи зебоманзару табобатгоҳҳои зиёд доштаи Қрими бостонӣ, қариб 70 сол орому осойишта буд. Наход, ки ин оромиву сайру гашт, истироҳату фароғати инсонҳои соҳили баҳри Сиёҳро халалдор хоҳанд кард?!
Шамсиддини Муқим,
хабарнигори махсуси «СССР»
дар Россия
Аз 16 то 19 августи соли равон дар вилояти Псков бо роҳбарии фармондеҳи қушунҳои ҳавзаи ғарбӣ машқи низомӣ бо номи «Взаимодействие-2016» бо қушунҳои зудамали ОДКБ ба нақша гирифта шудааст. Дар машқи низомии мавсуф қуваҳои мусаллаҳ аз ҷумҳуриҳои Ҳайистон (Арманистон), Белорус, Қазоқистон, Қирғизистон, Тоҷикистон ва Федератсияи Россия ширкат хоҳанд варзид. Ҳини машқи низомӣ бартарафсозии муқобилияти низомиву бетартибиҳои ҷамъиятӣ дар назар дошта шудааст. Пеш аз оғози машқ омӯзгорони мактабҳои олии низомии Россия, қумондонҳои олии минтақиаи ғарбӣ ва ситоди ОДКБ дарсҳои назариявӣ гузарониданд.
Масъулини шаҳру навоҳӣ дар пайи иҷро нагаштани нақшаи андози давлатӣ ва ё тақрибан 100-фоиз иҷро гаштану даромаде надароварданро, дар таҳлили нодурусти нақшабандии Кумитаи андози вилоятҳо медонанд.
ХАБАРҲОИ ОХИРИН
- Деваштич: об нест, барқ проблема, картошка сӯхт... Назар
- Асрори мадрасаи Хоҷа Сарбоз Назар
- “Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030” Назар
- Резаахбор Назар
- Бародар қарори судро иҷро намекунад… Назар
- Таъминот кори мактаб нест Назар
- Абуҳанифа: таоруфи миллӣ ва Ислом Назар
- Беадолатӣ дар футболи тоҷик Назар
- Редаксия супориш дод: Чилучорчашма рав! Назар
- «Мардон» - мушкили №1 дар Душанбе Назар
- Дар як сатр Назар
- Адвокати хайрхоҳ меҷӯям… Назар
