Дар Маркази X-Fit, ки дар шафати аквапарки «Делфин» ҷойгир аст, барои мизоҷон 2 толори барномаҳои гурӯҳӣ, минтақаи кардиологӣ, толори тренажер, сайкл – студия, скалодром, студияи рақсҳои шарқӣ ва йога, минтақа барои бокс ва муҳорибаҳои шарқӣ ва фитнеси кӯдакона пешниҳод гашта он ҳар рӯз аз соати 7-и субҳ то соати 24 шаб фаъолият хоҳад кард. Дар маркази мазкур 2 ҳавзи шиноварӣ, яке барои варзишгарони ҳирфаиву аквааэробика ва дигаре махсуси занон қарор дошта занҳо метавонанд дар алоҳидагӣ аз мардон машқу тамрин ва шиноварӣ намоянд.

Чуноне ки зимни сӯҳбат бо намояндагони воситаҳои ахбори омма Мансур Остонаев, муассиси ин Маркази варзишӣ, ки дар ҷумҳурӣ ҳамто надорад, гуфт, маъмурияти марказ барои кӯдакон шароити хеле ҳам хуберо фароҳам овардааст ва ҳар падар ё модаре, ки нияти машқу тамрин дорад, метавонад фарзанди хешро дар бахши кӯдакистони марказ гузорад. 

Айни замон Маркази варзишии X-Fit ба қабули нахустин мизоҷони хеш омодагӣ мегирад ва фаъолияти хешро ба таври пурра расо 40 рӯз баъд оғоз хоҳад кард.

СССР