Ҳоло дар бораи лимити барқ бисёр менависанду мегӯянд. Баъзеҳо ҷангу ҷанҷолро мебардоранд, асабҳояшонро хароб мекунанд. Қисме ҳатто барои будани қувваи барқ асабҳояшон хароб мешавад. Масалан, ман вақте қувваи барқ хомӯш намешавад, ҳамеша худ ба худ мегӯям, ки барои чӣ имрӯз қувваи барқро хомӯш накарданд? Чӣ гап шуда бошад? Ягон ҳодиса рӯй дода бошад?

Ҳамеша ҳушу ёдам ба қувваи барқ аст. Ҳатто баъзе вақт бо аъзои оила ҷанҷол мекунам, ки барои чӣ имрӯз қувваи барқро хомӯш накарданд? Хулоса, дигар қувваи барқ бошад ҳам  асабҳо хароб аст, набошад ҳам. Ана ҳамин хел, оҳиста-оҳиста зиндагӣ ба поён мерасад, вале мо хабар надорем!

Ғуломалӣ Асоев,

ноҳияи Файзобод