Аз моҳихӯрӣ то шанбеи сиёҳ

Панҷшанбе, Нояб 01 2018

Смесители для душа и ванны
Детские игрушки, развивающие игры

Принт

24.10.1939. СССР ва Олмон созишномаи ҳамкории иқтисодиро ба имзо расониданд. Тибқи он СССР ба Олмон ғалладона ва нафт интиқол медод ва дар иваз немисҳо технологияҳои муосирро ба СССР медоданд. Иттиҳоди Шӯравӣ то охирин лаҳзаҳо ба ин созишнома амал кард ва охирин қатораи ғалла ва нафт рӯзи 22.06.1941, дар рӯзи оғози ҶБВ ба Олмон интиқол дода шуд.
24.10.1941.Артиши олмонӣ дар рафти ҶБВ 3-умин маркази интустриалии СССР-шаҳри Харковро тасарруф намуд.
25.10.1922. Соати 4 баъд аз зуҳр нерӯҳои Артиши Халқӣ-инқилобии ҷумҳурии Шарқи Дур бо сарварии Иаким Убаревич ба Владивосток ворид шуданд. Худи ҳамин рӯз, охирин дастаҳои артиши японӣ Русияи Шӯравиро тарк карданд ва ҷанги шаҳрвандӣ дар кишвар ба поён расид.
25.10.1929. Оғози буҳрони умумиҷаҳонии иқтисодӣ. Он яке аз бузургтарин буҳронҳои иқтисодӣ дар ҷаҳон аст ва аз с.1929 то с.1933 идома дошт. Буҳрон ба тамоми кишварҳои ғарбӣ таъсири манфӣ гузошт.
25.10.1962. Дар рафти буҳрони Кариб сафири ИМА дар СММ Эдлай Стивенсон аксҳои мушакҳои шӯравиро дар Куба ба намоиш гузошт. Баъди ин Никита Хрушев ваъда дод, ки мушакҳоро аз Куба берун мекунад, ба шарте ки ИМА аз тарҳи ҳуҷум ба Куба даст бардорад.

26.10.1932. Роҳбари Шӯравӣ Иосиф Сталин дар як баромади худ нависандагонро "муҳандисони рӯҳи одамӣ" таъбир кард.
26.10.1976.Дар Иттиҳоди Шӯравӣ қарори КМ ва Шӯрои Вазирон оид ба чораҳо барои афзоиши истеҳсоли моҳӣ ва маҳсулоти моҳигӣ ба тасвиб расид. Дар нуқтаҳои савдои ҷамъиятӣ рӯзи панҷшанбе, рӯзи ғизоҳои моҳигӣ ҷорӣ карда шуд.
27.10.1962. Дар рафти буҳрони Кариб тайёраи ҷосусии ИМА U-2 дар фазои ҳавоии Куба бо мушаки шӯравӣ зада афтонида шуд. Сарнишини тайёра Рудолф Андерсон ба ҳалокат расид. Ин рӯз дар таърихи муосир чун "Шанбеи сиёҳ" маъруф аст ва муаррихон чунин мешуморанд, ки дар ин рӯз ҷаҳон дар арафаи ҷанги атомии ҷаҳонӣ қарор дошт.
27.10.1990.Дар РСС Қирғизистон Аскар Акаев президенти кишвар интихоб шуд.
29.10.1918. Дар Русияи Шӯравӣ Иттифоқи коммунистии ҷавонон (РКСМ) таъсис дода шуд. Он баъди таъсисёбии СССР ба ВЛКСМ тағйири ном карда, то суқути СССР фаъолият дошт.
30.10.1941. Президенти ИМА Франклин Рузвелт барои кумак ба СССР 1 млн доллар ҷудо намуд.
30.10.1961. Иттиҳоди Шӯравӣ озмоиши бомбаи аз ҳама бузургро дар таърихи ҷаҳонӣ анҷом дод. Бомбаи гидрогении 58 мегатонна, ки “Шоҳ-бомба” лақаб гирифт, дар полигони ҷазираи Замини Нав тарконида шуд. Баъди озмоиши бомб Н.Хрушев гуфт, ки дар аввал ният доштанд бомбаи 100 мегатоннаро тарконанд, аммо ба хотири ҳифзи тирезаҳои Маскав миқдори онро кам карданд.
31.10.1961.Дар СССР ҷасади Сталин аз Мавзолей берун ва дар канори девори Кремл ба хок супорида шуд.