Аз 1 то 15 октябри соли 2020 дар ш.Душанбе барӯйхатгирии аҳолӣ ва фонди манзил гузаронида мешавад. Дар ин бора қарори вежаи раиси ш.Душанбе Рустами Эмомалӣ ба тасвиб расидааст.

    Рустами Эмомалӣ, раиси ш.Душанбе дар робита ба иҷроиши ин қарор ба муовини якум ва муовинони худ дастур додааст, ки ҷиҳати дар сатҳи баланд ташкил намудан ва гузаронидани барӯйхатгирии аҳолӣ ва фонди манзили ш.Душанбе чораҳои зарурӣ андешанд. Аз раисони ноҳияҳои пойтахт тақозо шудааст, ки дар ҳамкорӣ бо сохторҳои дахлдор ҷиҳати гузаронидани чорабинии мазкур корҳои амалиро ба роҳ монанд.