Зарифа Ғуломова, сокини ш.Душанбе ба идораи газета занг зада, дар бораи таблиғот дар ТВ Суғд ва рекламаи марказҳои табобати чинӣ ибрози назар кард.

   - 2 рӯз пеш барномаҳои ТВ Суғдро тамошо кардам, хушбахтона ҳоло имкон шудааст, ки шабакаҳои телевизионии вилоятҳоро метавон тамошо кард. Дар 10 дақиқаи пеш аз барномаи хабарии «Ахбор» тавассути ТВ Суғд таблиғи 5 маркази тиббӣ ва муолиҷавии чинӣ пахш карда шуд. Ҳатто бештар аз шабакаи марказии кишвар – ТВ «Тоҷикистон». Амале, ки дар ТВ-ҳои Хатлону Бадахшону Кӯлоб ҳеҷ гоҳ намебинед. Аз ин таблиғи пайиҳами марказҳои тиббии чинӣ бармеояд, ки сокинони вилояти Суғд ҳама беморанд ё инҷо «нимкосае зери коса аст…».