Навбатпоии зиёд барои супоридани маблағи андоз, пули барқ, маблағи хизматрасониҳоии давлатӣ ва ғайра дар Амонатбонк, сокинони шаҳри Панҷакентро нигарон кардааст. Сокинон мегӯянд, ҳаққи хизматрасониҳои давлатӣ дар Амонатбонк қаблул карда мешавад ва аз ин хусус ҳамарӯза ин бонк серодам буда, навбат зиёд аст.
- Барои супоридани маблағ аз ним соат то 2-3 соат ҳатто дар навбат меистӣ. Хизматрасонӣ дар ин бонк суст аст - гуфт Акмал ном корафтода. Аммо дар ҳамин ҳол Алишери Баҳодур, роҳбари филиали Амонатбонк дар шаҳри Панҷакент бо тасдиқи ҷой доштани ин мушкилот гуфт, «мо ҳамагӣ 2 нафар коргар дорем, ки бевосита ба қабули маблағҳои мардум машғуланд. Дар ҳақиқат шикояти сокинон ҷой дорад. Пас аз як ҳафта мо боз 1 воҳиди кории дигар ва як компютер ҷудо мекунем ва каме ҳам бошад барои осоншудани мушкили сокинон мусоидат хоҳем кард».
Хуршед Фозилов
