Роғун сохта нашавад!-ин на танҳо шиори уламову удабову депутатҳои вақти мо буданд, ки ҳанӯз ҳам дағ-даға карда, лофи ватанпарастӣ мезананд. Ва на танҳо сарварони ҳамсоякишварҳо зидди бунёди Роғун буданд. Замоне Роғунро маркази хилофати ислом, чизе ба мисли Мавсули Ироқи имрӯза карданӣ буданд. Яъне Давлати ба ном исломӣ, ки дар Ироқу Сурияву Лубнон хуни мусалмон мерезад, дар Тоҷикистони азизи солҳои 90 аллакай репетитсия мешуд ва Худоро шукр, ки аз он бало мо вораҳидем. Ин мақола беҳтарин тӯҳфа ба ҷашнвораи 20-солагии Ваҳдати Тоҷикон аст. Хонед, зеро фаромӯш кардан дорем, он даҳшатро, ки оқибати нек надорад. Мо метавонем!

Тайи 2 моҳи охир дар соҳаи нақлиёти ҷамъиятии пойтахт тағйироти зиёд ба амал омад. Мушкилоти ин бахши шаҳрдорӣ, ки яке аз муҳимтарин ва калонтарин соҳаи ш.Душанбе ба ҳисоб меравад, билохира ҳалли худро ёфта истодаанд. Аз ҳама муҳим хиёбону кӯчаҳои ш.Душанбе, ки аз теъдоди бешумори микроавтобусу таксиҳои хусусӣ ба дод омада буданд, имрӯз нафаси озод мекашанд, мисли садҳо ронандаҳои дигар, ки ҳоло бе телаву тамба метавонанд ҳаракат намоянд. О, мана мешудаст-ку?! Маълум аст, ки тамоми ин дигаргуниҳо ва ба танзим омадани фаъолияти нақлиёти ҷамъиятӣ ба фоидаи мусофирон ва ронандаҳои воситаҳои нақлиёт аст, зеро ш.Душанбе бояд ҷавобгӯи статуси пойтахт бошад. Вале боз ҳам новобаста аз танзиму назорат, ҳастанд ҷамъиятҳо ва ронандаҳое, ки нисбати мусофир ба дағаливу беэҳтиромӣ роҳ дода, парвои тартиботи шаҳрдориро надоранд. Чунин хатсайрҳо ва ронандаҳои сарҳуй боз мисли қабл ба озор додани мусофирон машғуланду халос, ба ивази пул аз бархе танбеҳу танқид ва беэҳтиромӣ мебинем. Мухбири СССР дар ин чанд рӯзи охир ҳангоми савори микроавтобусҳо дучори чунин муносибати хунукназарона гашт.

Мо ва баҳси мо-7