1.15-уми моҳи Шаъбон ба 2 рӯз 30.04 ва 1.05 мувофиқ кунонида шудааст. Чаро?
2.Аввали моҳи Рамазон дар тақвими намозгузорон 16.05 ва тақвими рамазонӣ 17.05 муқаррар карда шудааст. Чаро?
3.16-уми моҳи Рамазон ба 2 рӯз 31.05 ва 1.06 мувофиқ кунонида шудааст. Чаро?
4.Дар тақвими моҳи июл моҳҳои Рамазон ва Шаввол мувофиқ кунонида шудааст. Ҳол он ки ба моҳи июл моҳҳои Шаввол ва Зулқаъда мувофиқ меоянд. Чаро?
5.16-уми моҳи Шаввол ба ягон рӯзи моҳҳои мелодӣ мувофиқ кунонида нашудааст. Чаро?
6.Иди Қурбонро бояд дар рӯзи 10-уми моҳи Зулҳиҷҷа ид мекардем, аммо дар рӯзи 9-уми моҳи Зулҳиҷҷа ид кардем. Чаро?
7.Дар тақвими моҳи сентябр моҳҳои Зулқаъда ва Зулҳиҷҷа мувофиқ кунонида шудааст. Ҳол он ки ба моҳи сентябр моҳҳои Зулҳиҷҷа ва Муҳаррам мувофиқ меоянд. Чаро?
Бояд гуфт, ки бо даромадани моҳи Муҳаррам сол нав мешавад. Пас аён аст, ки соли нави қамарии 1440 рӯзи 12.09 оғоз шудааст, чунки аввали моҳи Муҳаррам ба ҳамин рӯз мувофиқ омадааст. Ҷавоби саволҳоро аз Маркази Исломӣ интизорем.

Саттор Бобохонов,
муаллим, н.Ҷ.Балхӣ

Атаман
С.1944 хадамоти ҷосусии шӯравӣ навори сӯҳбати собиқ комиссари халқии корҳои хориҷии СССР Максим Литвиновро бо яке аз мухбирони амрикоӣ ба даст овард. Дар рафти сӯҳбат ӯ рӯирост Сталин ва низоми шӯравиро зери танқиди сахт қарор дода, аз амрикоиҳо даъват кард, ки дар сарнагунии ин низом саҳм гузоранд. Кори Литвинов хиёнати ошкор буд, аммо бо вуҷуди ин Сталин аз ин хиёнат сарфи назар кард ва ӯ танҳо ба нафақа фиристода шуд. Максим Литвинов ё ҳамон Меер-Генох Моисеевич Валлах дар оилаи тоҷири яҳудӣ ба дунё омад. Мисли садҳо яҳудитабори дигар аз овони ҷавонӣ ба ҳаракати инқилобӣ ҳамроҳ шуда, с.1898 ба сафи РСДРП пайваст. Нашриётеро таъсис дода, ба нашри варақаҳо ва китобчаҳои инқилобӣ пардохт. С.1901 Валлахро ҳабс ва дар зиндони Лукянови ш.Киев зиндонӣ карданд.

8.11.1917. Шӯриши болшевикон дар Маскав. Баъди пирӯзӣ дар Петроград болшевикон дар Маскав алайҳи нерӯҳои ҳукуматӣ шӯриш карданд ва баъди задухӯрдҳои шадид тавонистанд пойтахти дуввуми кишварро низ ба тасарруфи худ дароранд.
8.11.1920. Артиши Сурх истеҳкомҳои Перекопро ишғол намуданд. Перекоп охирин садд дар роҳи ишғоли Қрим ба шумор мерафт. Ин нимҷазира охирин такягоҳи генерал Врангел ва нерӯҳояш буда, баъди ишғоли он сафедҳо ба пуррагӣ торумор гардиданд.
8.11.1943. Дар СССР ордени ҳарбии Ғалаба ва ордени Шарафи седараҷаӣ таъсис дода шуданд.
9.11.1923. Фюрери олмонӣ Адолф Гитлер баъди пивонӯшӣ дар пивохонаҳои Мюнхен нерӯҳои худро ба майдони марказии ин шаҳр баровард ва кӯшиш кард, ки ҳукуматро дар Мюнхен ғасб намояд. Аммо низомиёни олмонӣ садди роҳи фашистон шуда, шӯриши нозиҳоро пароканда карданд. Худи Гитлер ва Геринг дар рафти ин шӯриш ҷароҳат бардоштанд.
9.11.1940. Дар макотиби миёнаи Иттиҳоди Шӯравӣ омӯзиши ҳатмии забонҳои хориҷӣ ҷорӣ карда шуд.
9.11.1989. Оғози шикасти девори Берлин. Дарозии девори Берлин 45 км-ро ташкил медод ва дар ҷамъ девор миёни Олмони шарқӣ ва Ғарбӣ 120 км дарозӣ дошт.
10.11.1917. Дар Русияи Шӯравӣ бо қарори комиссариати корҳои дохилӣ, ниҳоди милиса расман таъсис дода шуд.

Психологияи миллӣ-3

  Дар давоми 9 моҳи соли равон аз ҷониби Маркази назорати давлатии санитарию эпидемологии ш.Хуҷанд беш аз 6 ҳазору 500 кило маводҳои хӯрокаи пастсифат ва мӯҳлати истифодаашон гузашта аз марказҳои савдо ва бозорҳо мусодира карда шуд.   Чуноне ки ба мухбири мо котиби матбуотии раиси ш.Хуҷанд Маъмур Юсуфов хабар дод, маҳсулоти пастсифат баъди хулосаи судӣ ва мақомоти дахлдор бо таҳияи санадҳо дар минтақаи партовҷамъкунии ш. Хуҷанд бо роҳи сӯзонидан несту нобуд гардид.

  Шаби гузашта  ҳайати  дастаи  мунтахаби Тоҷикистон оид ба самбо аз ш.Бухарести Руминия ба Ватан баргашт. Чемпиони нави ҷаҳон Хушқадам Хусравов ва ҷоизадорони ин маъракаи сатҳи ҷаҳониро ҳаводорони зиёди соҳаи варзиш истиқбол гирифтанд.
   Бояд гуфт, ки дар ин мусобиқаи сатҳи ҷаҳонӣ, ки аз 9 то 11 ноябр идома ёфт, паҳлавони ҷавони Тоҷик Хушқадам Хусравов бо шикаст додани ҳамаи рақибони худ унвони чемпиони ҷаҳонро дар вазни 62 кг ба даст овард. Дар баробари Хушқадам Хусравов боз 3 тан самбочии дигари мамлакат- Беҳрӯзи Хоҷазода дар вазни 74 кг, Акмалиддин Каримов дар вазни 57 кг ва Сорбон Латифов дар вазни 62 кг медалҳои биринҷиро соҳиб шуданд.
    Медали тиллои Хушқадам Хусравов баъд аз қаҳрамонии Саидмуъмин Раҳимов ва Беҳрӯзи Хоҷазода сеюмин дастоварди олӣ дар таърихи самбои Тоҷикистон аз чемпионати ҷаҳон маҳсуб мешавад.

   Ҷумҳурии Туркия муддати будубоши бе раводиди шаҳрвандони Ҷумҳурии Тоҷикистонро дар қаламрави худаш, ки то ин дам то 30 рӯз мӯҳлат дошт, то ба 90 рӯз тамдид намуд.
   Минбаъд шаҳрвандони Тоҷикистон метавонанд то 90 рӯз бидуни сабти иқомат ва раводид дар Туркия бимонанд. Дар баробари шаҳрвандони Тоҷикистон, сокинони Ӯзбекистону Қазоқистон низ аз ин имконияти нав бархӯрдор хоҳанд шуд. Фармони вежаро дар ин самт президенти Ҷумҳурии Туркия Раҷаб Тайип Эрдоган ба имзо расонидааст. Тибқи ин фармон шаҳрвандони ҶТ имкон доранд дар 6 моҳ 1 маротиба аз ин имконоти 90 рӯза истифода бубаранд.

  Ширкати ҳавопаймоии «Сомон Эйр» аз рӯйи самти Душанбе-Москва (фурудгоҳи Жуковский) парвозҳоро оғоз намудва аз рӯйи Кӯлоб-Москва (фурудгоҳи Жуковский) парвозҳоро оғоз менамояд.Парвозҳо аз шаҳри Душанбе ба фурудгоҳи Жуковский ҳафтае се маротиба–рӯзҳои чоршанбе, панҷшанбе ва шанбе амалӣ мегарданд. Тавре интизор меравад, парвози хатсайрҳо аз Кӯлоб дар моҳи декабр рӯзҳои сешанбе, чоршанбе ва панҷшанбе пешбинӣ шудааст.
   Чуноне ки ба мухбири СССР дар маркази матбуоти ширкати номбурда хабар доданд, ба ғайр аз ин, ширкати ҳавопаймоии“Сомон Эйр” парвозҳоро ба фурудгоҳи Домодедово идома медиҳад: аз Душанбе ҳаррӯз, аз Хуҷанд ва Кӯлоб бошад ҳафтае 3 маротиба.
   Директори генералии ҶДММ«Ширкати ҳавопаймоии Сомон Эйр» Томас В. Ҳаллам зикр намуд, ки «Ширкати ҳавопаймоии «Сомон Эйр» аз ҳамкорӣ бо фурудгоҳи байналмилалии Жуковский хушнуд мебошад. Ифтитоҳи самти мазкур ин эҷоди имкониятҳои нав натанҳо барои дуҷониб, балки дар навбати аввал барои мусофирон мебошад. Боварӣ дорем, ки ин оғози ҳамкориҳои дуру дароз ва судманд мебошад, ки ба омилҳои калидӣ дар авиатсияи гражданӣ ҳамчун бехатарии парвозҳо, хизматрасонии баландсифат ва бароҳатии мусофирон равон хоҳад шуд».
   Ширкати ҳавопаймоии «СомонЭйр»–ягона ширкати ҳавопаймоии Тоҷикистон мебошад, ки ба аъзогии IATA дохил шудааст. Айни ҳол ширкати ҳавопаймоӣ парвозҳоро аз шаҳрҳои Тоҷикистон ба Олмон, АМА, Туркия, Хитой, Россия , Қазоқистон ва Ӯзбекистон бо муваффақият анҷом медиҳад. Парки ширкати ҳавопаймоӣ аз ҳавопаймоҳои Боинг 737-300, -800 ва -900 иборат мебошад.
   Фурудгоҳи байналмилалии Жуковский (Вилояти Москва) – фурудгоҳи байналмилалии Россия, дар қисми ҷанубу шарқии вилояти Москва, 23 км аз пойтахт дур ҷойгир шудааст. Фурудгоҳ дар ҳудуди аэродроми Раменское буда, хати парвозию нишасти он(5 500м) дар Европа аз ҳама дарозтарин мебошад, ки имкон медиҳад қабули навъи гуногуни ҳавопаймоҳои мусофирӣ ва боркашро амалӣ намояд.