Аз ҳукми қатл то анҷумани бехудоён

Чоршанбе, Июн 12 2019

Смесители для душа и ванны
Детские игрушки, развивающие игры

Принт

5.06.1945. Фармондеҳони ҳарбии кишварҳои иттифоқчӣ, Георгий Жуков, Дуайт Эйзенхауэр, Бернард Монтгомерӣ ва Латр де Тассинӣ дар ш.Берлин Эъломияи таслими бечунучарои Олмонӣ гитлериро ба имзо расониданд. Тибқи он қудрати сиёсӣ дар Олмон ба ҳукуматҳои СССР, ИМА, Бритониё ва Фаронса вогузор шуд. Берлин низ қисматҳо тақсим карда шуда, ҳар кишвар қисмати худашро дошт.

6.06.1922. Дар СССР бо Декрети ШКХ Раёсати асосӣ оид ба кор бо адабиёт ва нашриётҳо созмон дода шуд. Ин раёсат, ки Главлит ном гирифт, тамоми фаъолияти нашриётиро дар аввалин кишвари Шӯроҳо зери назари худ қарор медод.

6.06.1922. Дар Маскав мурофиаи судии роҳбарони ҳизби эссерӣ оғоз шуд. Ин мурофиа аввалин парвандаи бузурги сиёсӣ дар СССР ба шумор мерафт ва дар он 34 роҳбари ҳизбӣ эссерӣ муҳокима карда шуданд.

6.06.1944. Ифтитоҳи фронти дуввум алайҳи Олмон дар Аврупо. Нерӯҳои англис ва амрикоӣ билохира баъди хоҳиши чандинкаратаи Сталин дар авохири ҷанг ба соҳили Фаронса дар Нормандия фуруд омаданд.

6.06.1957. Дар шаҳри Маскав мағозаи "Олами кӯдакон" ифтитоҳ ёфт. Баъди чанде мағозаҳо бо чунин ном дар тамоми шаҳрҳои бузурги СССР кушода шуданд ва яке аз беҳтарин мағозаҳои кӯдакон дар Иттиҳоди Шӯравӣ ба шумор мерафтанд.

7.06.1917.Ҳизби эссерон дар Русия ба 2 қанот-эссерони чап ва эссерони рост тақсим шуд. Эссерони рост аз болшевикон тарафдорӣ накарданд ва аксариятро ташкил медоданд, аммо эссерони чап аз инқилоби болшевикӣ тарафдорӣ намуда, вориди ҳукумати болшевикӣ шуданд. Албатта баъди чанде роҳашон боз аз болшевикон ҷудо гардид.

7.06.1954. Дар Маскав Анҷумани XI уми Иттифоқҳои касабаи СССР ба кори худ шурӯ кард. Дар ин Анҷуман, Устави нави Иттифоқҳои касабаи СССР қабул карда шуд.

8.06.1918. Дар шаҳри Маскав зери роҳбарии Феликс Дзержинский аввалин Конфронси умумирусиягии Комиссияҳои фавқулодда (ЧК) ба кори худ шурӯъ кард.

8.06.1946. Дар пойтахти Дания, шаҳри Копенгаген ташкилоти байналмилалии журналистон (МОЖ) таъсис дода шуд.

8. 06.1958. Дастаи мунтахаби футболи СССР бори аввал дар чемпионати ҷаҳон оид ба футбол ширкат варзид. Чемпионати 6-уми футбол дар Шветсия гузашт ва дар он 16 дастаи мунтахаб ширкат варзиданд. Мунтахаби СССР бозии аввалини худро бо дастаи мунтахаби Англия баргузор кард. Бози мусовӣ бо ҳисоби 2:2 анҷом ёфт.

9.06.1935. Дар СССР барои фирор аз кишвар ҳукми қатл ҷорӣ гардид ва тамоми хешу табори фирорӣ низ ҷинояткор эълон мешуданд.

10.06.1920. КМИ дастурамал "Оид ба милитсияи коргарӣ-деҳқонӣ"-ро ба тасвиб расонид. Милитсия чун "дастаҳои мусаллаҳи таъиноти махсус" муайян карда шуд.

11.06.1918. Ҳаракати миллии қазоқии "Алаш" тамоми декретҳои ҳукумати Шӯравиро дар қаламрави Қазоқистон ғайриқонунӣ эълон кард.

12.06.1929. Дар ш.Маскав Анҷумани умумирусиягии бехудоён ифтитоҳ ёфт.

12.06.1990.Анҷумани вакилони халқии РСФСР Эъломияии соҳибистиқлолии давлатии Русияро қабул кард. Ин рӯз дар Русия чун Рӯзи истиқлолият ҷашн гирифта мешавад.

Меҳрубон Салимшоев