16.10.2020. Дар маҷлисгоҳи Бонки давлатии амонатгузории Ҷумҳурии Тоҷикистон “Амонатбонк” ҷаласаи ҷамъбастӣ аз фаъолияти 9-моҳи соли 2020 баргузор гардид.
Дар ҷаласаи мазкур, намояндагон аз Дастгоҳи иҷроияи Президенти Ҷумҳурии Тоҷикистон, Бонки миллии Тоҷикистон, Вазорати молияи Ҷумҳурии Тоҷикистон, Агентии суғуртаи иҷтимоӣ ва нафақаи назди Ҳукумати Ҷумҳурии Тоҷикистон сардорони воҳидҳои сохтории Бонк ҳамаи мудирони филиалҳои Амонатбонки шаҳру ноҳияҳои ҷумҳурӣ ва сармуҳосибони филиалҳои №23, 42, 56 ва 66-и БДА ҶТ «Амонатбонк» дар вилояти Суғд, минтақаи Бохтар, Кӯлоб ва ВМКБ иштирок доштанд.
Сараввал, Раиси Раёсат иштирокчиёнро хайрамақдам намуда, ҷаласаро ҳусни оғоз бахшиданд. Баъдан маърӯзаи муовини Раиси Раёсати БДА «Амонатбонк» Шаҳло Сайфзода оид ба иҷроиши нақша ва дастовардҳои Бонк тайи 9-моҳи соли ҷорӣ маърӯза пешкаши ҳозирин гардонида шуд.
Муовини Раиси Раёсат, Шаҳло Сайфзода қайд намуданд, ки новобаста ба ҳама омилҳои таъсиррасон дар давраи пандемияи коронавируси COVID-19, Бонк бо шумораи 75 филиал ва 546 адад марказҳои хизматрасонии бонкӣ дар самти татбиқи як ҳиссаи сиёсати иҷтимоии давлат ва пешниҳоди дигар хизматрасониҳои бонкӣ, бо сатҳи баланди пардохтпазирӣ бо реҷаи муқаррарии корӣ ба мардуми шарифи кишвар хизматрасонӣ намуда, дар қадами аввал баҳри дастрасии ҳамаҷонибаи мизоҷону сайёҳон ба хизматрасониҳои бонкӣ, 189 адад ё 34,6%-и марказҳои хизматрасонии бонкӣ, ки 21 адади он ба давраи ҳисоботӣ рост меояд, ба шафати роҳҳои байналмилалӣ, дохили маркази савдову бозорҳо ва чорроҳаҳо кӯчонида шуданд.
Дар баробари ин, фаъолияти 20 адад хазинаҳои бегоҳӣ ва шабона дар шаҳрҳои Душанбе, Ҳисор, Исфара, Хуҷанд, Бохтар, Кӯлоб ва Хоруғ, ки ба аҳолӣ ва сайёҳон хизматрасониҳои гуногуни бонкиро пешниҳод намуда истодаанд, пурзӯр карда шуд, аз ин шумора таъсиси 8 адади он ба давраи ҳисоботӣ рост меояд.
Ҳамзамон, пешниҳоди қарзҳои изофабардошт (овердрафтӣ) тавассути кортҳои пардохтии бонкӣ ҳамчун самти афзалиятноки фаъолияти Бонк қарор дода шуда, тартиби пешниҳоди он содда ва муҳлати истифодаи он то 60 рӯз дароз карда шудааст.
Инчунин қайд карда шуд, ки ҷиҳати дастгирии соҳибкорони ватанӣ ва ҷалби бештари сармоягузориҳои хориҷӣ ба иқтисодиёти кишвар, меъёри фоизи қарзҳои аз ҳисоби Бонки миллии фаъолияти иқтисоди хориҷии Ӯзбекистон ҷалбшаванда 8-9 фоизи солона муқаррар гардида, нисбат ба фоизҳои қаблан амалкунанда 1-2 банди фоизӣ пасттар гардиданд.
Дар баробари ин, дар Бонк бо мақсади саҳмгузорӣ дар самти яке аз ҳадафҳои стратегии мамлакат – таъмини амнияти озуқаворӣ, иқдоми пешниҳоди қарзҳои имтиёзнок таҳти унвони «Кишоварз» роҳандозӣ гардид.
Мизоҷони Бонк бо шартҳои имтиёзнок аз 3 ҳазор то 500 ҳазор сомонӣ (ва ё мутаносибан бо асъори хориҷӣ) ба муҳлати аз 6 моҳ то 36 моҳ таҳти 18 фоизи солона бо пули миллӣ ва бо асъори хориҷӣ таҳти 10 фоизи солона маблағҳои қарзиро дастрас намуданд.
Бо мақсади саҳмгузорӣ дар татбиқи босуботи санадҳои барномавии давлатӣ дар самти дастгирии иҷтимоии шаҳрвандон, бахусус дар давраи кунунӣ, Бонк иқдоми пешниҳоди қарзҳои имтиёзнокро таҳти унвони “Таҳсил- 2020” таҳти 18 фоизи солона ҷорӣ намуд. Иқдоми мазкур, ҷиҳати харидории сару либоси мактабӣ, лавозимоти хониш ва пардохти маблағи шартномаи таҳсил пешбинӣ шуда, аз санаи 1-август то 30 сентябри соли 2020 амал намуд.
Бо дарназардошти ин тағйиротҳо, дар Бонк меъёри фоизи солонаи қарзҳо бо пули миллӣ аз 18 то 24 фоизи солона ва бо асъори хориҷӣ аз 10 то 12 фоизи солонаро ташкил медиҳад.
Сипас, нисбати бартараф намудани камбудиҳои ҷойдошта, ба филиалҳое, ки нақшаҳои худро бо зарар ҷамъбаст намудаанд, супоришҳои мушаххас дода шуда барои беҳтар намудани хизматрасониҳои бонкӣ бо мизоҷон аз тарафи намояндаи Дастгоҳи иҷроияи Президенти Ҷумҳурии Тоҷикистон, Бонки миллии Тоҷикистон, Агентии суғуртаи иҷтимоӣ ва нафақаи назди Ҳукумати Ҷумҳурии Тоҷикистон ва Вазорати молияи Ҷумҳурии Тоҷикистон пешниҳодҳо манзур карда шуд.
Ёдовар мешавем, ки тули 9 моҳ телефонии боварии БДА «Амонатбонк» бо рақами кӯтоҳи 1885 – 24 соат фаъол буда, барои баратаф намудани камбудиҳо ва арзу шикояти мизоҷони Амонатбонк, мусоидат мекунад, дар ин муддат беш аз 9 000 ¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬ муроҷиат ба қайд гирифта шудааст, ки 2349 шумораи он арзу шикоят мебошад ин шумора 25%-и муроҷиати умумии шаҳрвандонро дар бар мегирад.
Дар фарҷом, як қатор филиал ва марказҳои хизматрасонии бонкиро барои ба даст овардани натиҷаҳои мусбии иқтисодӣ дар ҷамъбасти фаъолияти 9-моҳи соли 2020, афзун намудани нишондиҳандаҳои фаъолият нисбат ба ҳамин давраи соли гузашта ва дар сатҳи зарурӣ ба роҳ мондани хизматрасониҳои бонкӣ аз ҷониби Роҳбарият бо “Ифтихорнома” ва “Раҳматнома” мукофотонида шуданд.Имрӯз дар маҷлисгоҳи Бонки давлатии амонатгузории Ҷумҳурии Тоҷикистон “Амонатбонк” ҷаласаи ҷамъбастӣ аз фаъолияти 9-моҳи соли 2020 баргузор гардид.
Дар ҷаласаи мазкур, намояндагон аз Дастгоҳи иҷроияи Президенти Ҷумҳурии Тоҷикистон, Бонки миллии Тоҷикистон, Вазорати молияи Ҷумҳурии Тоҷикистон, Агентии суғуртаи иҷтимоӣ ва нафақаи назди Ҳукумати Ҷумҳурии Тоҷикистон сардорони воҳидҳои сохтории Бонк ҳамаи мудирони филиалҳои Амонатбонки шаҳру ноҳияҳои ҷумҳурӣ ва сармуҳосибони филиалҳои №23, 42, 56 ва 66-и БДА ҶТ «Амонатбонк» дар вилояти Суғд, минтақаи Бохтар, Кӯлоб ва ВМКБ иштирок доштанд.
Сараввал, Раиси Раёсат иштирокчиёнро хайрамақдам намуда, ҷаласаро ҳусни оғоз бахшиданд. Баъдан маърӯзаи муовини Раиси Раёсати БДА «Амонатбонк» Шаҳло Сайфзода оид ба иҷроиши нақша ва дастовардҳои Бонк тайи 9-моҳи соли ҷорӣ маърӯза пешкаши ҳозирин гардонида шуд.
Муовини Раиси Раёсат, Шаҳло Сайфзода қайд намуданд, ки новобаста ба ҳама омилҳои таъсиррасон дар давраи пандемияи коронавируси COVID-19, Бонк бо шумораи 75 филиал ва 546 адад марказҳои хизматрасонии бонкӣ дар самти татбиқи як ҳиссаи сиёсати иҷтимоии давлат ва пешниҳоди дигар хизматрасониҳои бонкӣ, бо сатҳи баланди пардохтпазирӣ бо реҷаи муқаррарии корӣ ба мардуми шарифи кишвар хизматрасонӣ намуда, дар қадами аввал баҳри дастрасии ҳамаҷонибаи мизоҷону сайёҳон ба хизматрасониҳои бонкӣ, 189 адад ё 34,6%-и марказҳои хизматрасонии бонкӣ, ки 21 адади он ба давраи ҳисоботӣ рост меояд, ба шафати роҳҳои байналмилалӣ, дохили маркази савдову бозорҳо ва чорроҳаҳо кӯчонида шуданд.
Дар баробари ин, фаъолияти 20 адад хазинаҳои бегоҳӣ ва шабона дар шаҳрҳои Душанбе, Ҳисор, Исфара, Хуҷанд, Бохтар, Кӯлоб ва Хоруғ, ки ба аҳолӣ ва сайёҳон хизматрасониҳои гуногуни бонкиро пешниҳод намуда истодаанд, пурзӯр карда шуд, аз ин шумора таъсиси 8 адади он ба давраи ҳисоботӣ рост меояд.
Ҳамзамон, пешниҳоди қарзҳои изофабардошт (овердрафтӣ) тавассути кортҳои пардохтии бонкӣ ҳамчун самти афзалиятноки фаъолияти Бонк қарор дода шуда, тартиби пешниҳоди он содда ва муҳлати истифодаи он то 60 рӯз дароз карда шудааст.
Инчунин қайд карда шуд, ки ҷиҳати дастгирии соҳибкорони ватанӣ ва ҷалби бештари сармоягузориҳои хориҷӣ ба иқтисодиёти кишвар, меъёри фоизи қарзҳои аз ҳисоби Бонки миллии фаъолияти иқтисоди хориҷии Ӯзбекистон ҷалбшаванда 8-9 фоизи солона муқаррар гардида, нисбат ба фоизҳои қаблан амалкунанда 1-2 банди фоизӣ пасттар гардиданд.
Дар баробари ин, дар Бонк бо мақсади саҳмгузорӣ дар самти яке аз ҳадафҳои стратегии мамлакат – таъмини амнияти озуқаворӣ, иқдоми пешниҳоди қарзҳои имтиёзнок таҳти унвони «Кишоварз» роҳандозӣ гардид.
Мизоҷони Бонк бо шартҳои имтиёзнок аз 3 ҳазор то 500 ҳазор сомонӣ (ва ё мутаносибан бо асъори хориҷӣ) ба муҳлати аз 6 моҳ то 36 моҳ таҳти 18 фоизи солона бо пули миллӣ ва бо асъори хориҷӣ таҳти 10 фоизи солона маблағҳои қарзиро дастрас намуданд.
Бо мақсади саҳмгузорӣ дар татбиқи босуботи санадҳои барномавии давлатӣ дар самти дастгирии иҷтимоии шаҳрвандон, бахусус дар давраи кунунӣ, Бонк иқдоми пешниҳоди қарзҳои имтиёзнокро таҳти унвони “Таҳсил- 2020” таҳти 18 фоизи солона ҷорӣ намуд. Иқдоми мазкур, ҷиҳати харидории сару либоси мактабӣ, лавозимоти хониш ва пардохти маблағи шартномаи таҳсил пешбинӣ шуда, аз санаи 1-август то 30 сентябри соли 2020 амал намуд.
Бо дарназардошти ин тағйиротҳо, дар Бонк меъёри фоизи солонаи қарзҳо бо пули миллӣ аз 18 то 24 фоизи солона ва бо асъори хориҷӣ аз 10 то 12 фоизи солонаро ташкил медиҳад.
Сипас, нисбати бартараф намудани камбудиҳои ҷойдошта, ба филиалҳое, ки нақшаҳои худро бо зарар ҷамъбаст намудаанд, супоришҳои мушаххас дода шуда барои беҳтар намудани хизматрасониҳои бонкӣ бо мизоҷон аз тарафи намояндаи Дастгоҳи иҷроияи Президенти Ҷумҳурии Тоҷикистон, Бонки миллии Тоҷикистон, Агентии суғуртаи иҷтимоӣ ва нафақаи назди Ҳукумати Ҷумҳурии Тоҷикистон ва Вазорати молияи Ҷумҳурии Тоҷикистон пешниҳодҳо манзур карда шуд.
Ёдовар мешавем, ки тули 9 моҳ телефонии боварии БДА «Амонатбонк» бо рақами кӯтоҳи 1885 – 24 соат фаъол буда, барои баратаф намудани камбудиҳо ва арзу шикояти мизоҷони Амонатбонк, мусоидат мекунад, дар ин муддат беш аз 9 000 муроҷиат ба қайд гирифта шудааст, ки 2349 шумораи он арзу шикоят мебошад ин шумора 25%-и муроҷиати умумии шаҳрвандонро дар бар мегирад.
Дар фарҷом, як қатор филиал ва марказҳои хизматрасонии бонкиро барои ба даст овардани натиҷаҳои мусбии иқтисодӣ дар ҷамъбасти фаъолияти 9-моҳи соли 2020, афзун намудани нишондиҳандаҳои фаъолият нисбат ба ҳамин давраи соли гузашта ва дар сатҳи зарурӣ ба роҳ мондани хизматрасониҳои бонкӣ аз ҷониби Роҳбарият бо “Ифтихорнома” ва “Раҳматнома” мукофотонида шуданд.
Шуъбаи матбуоти БДА ҶТ «Амонатбонк»
Вақтҳои охир теъдоди шахсоне, ки баъд аз сафар тариқи роҳи Душанбе – Чанок арзи сипоси хешро ба роҳбарият ва кормандони филиали ширкати “IRS” барои масъулиятшиносӣ мерасонанд, тамоюли афзоишро касб намудааст. Зеро онҳо шоҳиди ҳол мешаванд, ки тадбирандешиҳо дар роҳи мазкур хеле зиёд буда, филиали ширкат рисолати хешро дар сатҳи хуб ва сифати баланд ба ҷо оварда истодааст.
Тавре ҳамватанони азиз иттилоъ доранд, дар чандин қитъаҳо роҳ пурра фурӯ рафт. Масъулиятшиносиву поквиҷдонӣ ва пойгоҳи пурқуввати техникӣ замина фароҳам овард, ки дар робита ба ҳолати баамаломада филфавр тадбирандешӣ шавад. Ин дар ҳолест, ки дар дигар роҳҳои мамлакат бар асари монеаи ҷузъӣ рӯзҳои зиёд ҳаракати воситаҳои нақлиёт қатъ мегардад.
Ҳамрадиф бо ин, қаноатмандии шаҳрвандон ба тавсеаи таъмиру таҷдиди роҳ, мавриди истифода қарор гирифтани плазаҳои нав, коҳиш ёфтани шумораи плазаҳо, аз байн бардоштани дидбонгоҳҳои БДА ва ғайра рабт дорад. Муҳим он аст, ки солҳои охир аз ҷониби соҳибназарон, хоса онҳое, ки қаблан аз мавҷудияти филиали Ширкати саҳомии «Инновейтив Роуд Солюшнз ЛТД» дар Ҷумҳурии Тоҷикистон интиқод мекарданд, эътироф гардид, ки бинобар надоштани нигоҳбони масъулиятшиносе чун «IRS» роҳҳои дигаре, ки ба тозагӣ навсозӣ шудаанд, дар муддати кӯтоҳ рӯ ба вайронӣ оварда, аксарият вазъи ногувор доранд.
Бо фаро расидани фасли сармо тамоми идораву ташкилот ва шаҳрвандон пайи омодагӣ ба он камари ҳиммат мебанданд. Филиали ширкати саҳомии “Иновейтив Роуд Солюшнз ЛТД” низ ба фаслҳои тирамоҳу зимистон омодагии ҷиддӣ дошта, то ин замон барои фаъолияти муназзам 14820 тонна маводи зиддилағжиш , 69 тонна ангишт, 151000 литр сӯзишворӣ (солярка ва бензин) ва дар ҳаҷми зарурӣ равғанҳои молиданиву сарулибоси зимистона захира шудааст. Илова ба ин, техникаҳои марбут ба филиали Ширкат бо шинаҳои зимистона таъмин гардида, ҳолати техникиашон ба талабот ҷавобгӯ аст.
Таҷрибаи фаъолият далели возеҳи он аст, ки маҳз дар заминаи ҷаҳду талош ва меҳнати шабонарӯзии кормандони Филиали Ширкат роҳи мазкур умуман баста набуд. Мавҷудияти 210 мошину техникаи замонавӣ барои нигоҳдории роҳ, ки аксарашон дар ҷумҳурӣ назир надоранд далели возеҳи он аст, ки ширкат дар иҷрои рисолат хеле фаъол аст. Маҳз мавҷудияти ҳамин гуна техникаҳои пуриқтидор замина фароҳам овард, ки ҳатто рӯзҳои сербориши фасли зимистон ва тармафароии зиёд ҳаракати нақлиёт аз тариқи роҳи зикршуда таъмин гардад.
Далели бебаҳс аст, ки ба шарофати фаъолияти пурмаҳсули кормандони филиали ширкат ҳаракати бехатару муназзами мошинҳо таъмин гардида, дар натиҷаи фароҳам омадани шароити мусоид интиқоли молу маҳсулот, ки яке аз рукнҳои асосии иқтисоди бозорӣ аст, афзуд.
Бо хулоса аз корҳои анҷомёфта метавон гуфт, ки мавҷудият ва фаъолияти филиали Ширкати саҳомии «Инновейтив Роуд Солюшнз ЛТД» дар Ҷумҳурии Тоҷикистон тақозои замон буда, маҳз ба шарофати фаъолияти пурмаҳсули кормандони он роҳи Душанбе – Чанок дар ҳолати хуб қарор дошта, рафтуомади шаҳрвандон аз тариқи он дар ҳама фасли сол (ба истиснои рӯзҳое, ки хавфи тармафароӣ бениҳоят зиёд аст) таъмин мебошад.
Маркази матбуоти филиали Ширкати саҳомии “Инновейтив Роуд Солюшнз ЛТД” дар Ҷумҳурии Тоҷикистон
Санаи 29-сентябри соли 2020 дар Душанбе ҷаласаи навбатии Комиссияи байниҳукуматии Тоҷикистон ва Ӯзбекистон оид ба рушд додани ҳамкориҳои тиҷоративу иқтисодӣ баргузор гардид.
Дар ҳошияи ҷаласаи мазкур дар бинои Раёсати БДА ҶТ "Амонатбонк" вохӯрии дуҷониба байни Раиси Раёсати БДА ҶТ "Амонатбонк" Икромӣ С.С. ва Раиси Бонки миллии фаъолияти иқтисоди хориҷии Ҷумҳурии Ӯзбекистон Мирсоатов А.К., баргузор гардид.
Дар рафти мулоқот як қатор масъалаҳои дуҷониба, аз ҷумла афзоиши гардиши савдои байни ду кишвар тавассути зиёд намудани ҳаҷми қарздиҳӣ ба соҳибкороне, ки ба воридоти молу маҳсулоти ниёзи мардум машғуланд, ҳамчунин масъалаҳои коҳиши эҳтимолии фоизи қарзҳои байнибонкӣ ва ғайра мавриди баррасии ҷонибҳо қарор дода шуд.
Дар баробари ин, бо мақсади ба роҳ мондани амалиётҳои банкнотӣ миёни бонкҳо Раиси Раёсати БДА ҶТ "Амонатбонк" ва Раиси Бонки миллии фаъолияти иқтисоди хориҷии Ҷумҳурии Ӯзбекистон дар фазои тантанавӣ Шартнома оид ба шартҳои умумии гузаронидани амалиёти банкнотӣ байни бонкҳоро ба имзо расониданд.
Дар маҷмӯъ, мулоқот дар рӯҳияи муносибатҳои неки ҳамсоягӣ сурат гирифта, ҷонибҳо барои ҳалли масъалаҳои марбут ба манфиатҳои тарафайн ва дар густариши фаъолияти соҳа, дастовардҳои навро таманно намуданд.
Вохӯрии кормандони «Амонатбонк» бо намояндаи Кумитаи иҷроияи ҲХДТ дар н.Исмоили Сомонӣ
Дар маҷлисгоҳи Раёсати БДА ҶТ “Амонатбонк” бо иштироки кормандони дастгоҳи марказӣ ва намояндаи Кумитаи иҷроияи Ҳизби Халқии Демократии Тоҷикистон дар н.Исмоили Сомонӣ ҷаласа баргузор шуд.
Дар оғоз Раиси Раёсат Сироҷиддин Икромӣ ҳозирин ва меҳмононро хайрамақдам гуфта ба иштирокчиёни ҷаласа иброз доштанд, ки ҲХДТ ташкилоти ҷамъиятии сиёсӣ буда, барои таҳкими давлати соҳибихтиёр, демократӣ, ҳуқуқбунёд, дунявӣ, иҷтимоӣ ва ягона, инчунин иқтисодиёти устувор, ки баҳри беҳбудии ҷомеа нигаронида шудааст, бо Роҳбарии Пешвои миллат муҳтарам Эмомалӣ Раҳмон фаъолият менамояд.
Баъдан, муовини Раиси Кумитаи иҷроияи ҲХДТ дар н.Исмоили Сомонӣ, Ҷумахон Ҷурахонзода, муовини Раиси Раёсат Фирдавс Ризвонзода, сардори Идораи бехатарӣ Искандар Сатторов, намояндагон аз Шӯроҳои ҷавонон ва занони Раёсати БДА ҶТ “Амонатбонк”, Беҳрӯз Сатторов ва Дилафрӯз Раҳматова бо шукргузорӣ аз соҳибистиқлолии давлатӣ суханронӣ карда, қайд намуданд, ки ҲХДТ дар фаъолияти худ зери Роҳбарии Пешвои миллат муҳтарам Эмомалӣ Раҳмон бо мақсади таъмини ҳуқуқу озодиҳои инсон ва шаҳрванд ба фазилатҳои баланди сиёсӣ, сифатҳои наҷиби ахлоқӣ ва маърифати пурсамари маънавии аъзояш такя намуда, кӯшишу ғайрат ва донишу идроки онҳоро барои мустаҳкам намудани истиқлолияти сиёсию иҷтимоӣ ва фарҳангии Ҷумҳурии Тоҷикистон сафарбар намудааст, ки ин ҳама аз сиёсати пешгирифтаи роҳбари Ҳизб, гувоҳӣ медиҳад.
Ҳамзамон, тибқи Нақша-чорабиниҳои КИ ҲХДТ дар чорабинии мазкур вобаста ба баргузории мулоқоту вохӯриҳо оид ба таблиғу ташвиқи Барномаи пешазинтихоботии номзад ба мансаби Президенти ҶТ аз ҲХДТ, шахсони боэътимод номзад ба мансаби Президентиро барои солҳои 2021-2027 дар чорабинии сиёсии дар пеш истода, ки санаи 11-октябр баргузор мегардад, зери унвони “ Мо ҷонибдори Пешвои миллат”, эътироф намуданд.
Бояд қайд намуд, ки шурӯъ аз соли 2004 дар Амонатбонк Ташкилоти ибтидоии ҳизби халқи демократии Тоҷикистон “АМОНАТ” фаъолият мекунад.
Дар охир, Раиси Раёсат Сироҷиддин Икромӣ шукргузорӣ аз Ваҳдат ва истиқлолияти давлатӣ намуда, ба як қатор кормандоне, ки тоза ба ҲХДТ шомил шуданд дафтарчаи ҳизбӣ супорида, ба аҳли ҷамъомадагон хонаи обод ва садоқат ба халқу миллатро таманно карданд.
Вохӯрии намояндагони Фонди хазинаҳои амонатгузорӣ оид ба ҳамкориҳои байналмилалӣ Олмон (Sparkassenstiftug) бо роҳбарияти БДА ҶТ «Амонатбонк»
Дар бинои марказии Бонки давлатии амонатгузории Ҷумҳурии Тоҷикистон «Амонатбонк» мулоқоти дуҷонибаи Раиси Раёсат Сироҷиддин Икромӣ бо гурӯҳи кории Фонди хазинаҳои амонатгузорӣ оид ба ҳамкориҳои байналмилалӣ Олмон баргузор гардид.
Зимни мулоқот ҷонибҳо бо дарназардошти густариш ёфтани ҳамкориҳои Бонк бо Фонди мазкур масъалаи ҷорӣ намудани барномаи нав оид ба мусоидат намудан ба рушди деҳот ва таҳкими иқтидори корхонаҳои итеҳсолии хурду миёнаро мавриди муҳокима қарор доданд.
Дар вохӯрии мазкур иброз доштанд, ки аз ҷониби кормандон ва гурӯҳи корӣ дар якчоягӣ бо намояндагони фонди мазкур дар донишгоҳу донишкадаҳо, мактабҳо ва боғчаҳои кӯдаконаи қаламрави ҷумҳурӣ бо иштироки донишҷуён, толибилмон, кӯдакон ва мизоҷон маҳфил, машваратҳои таълимию тарбиявӣ гузаронида мешаванд, ки дар қавӣ гардонидани ҳамкориҳо бо аҳолӣ ва баланд бардоштани маърифати молиявии мардум саҳми босазо дорад.
Бояд қайд намуд, ки ҳадафи аслии барномаи мазкур, баланд бардоштани маърифати молиявии наврасон ҷавонон дар ҷомеа, ҷалби онҳо ба пасандоз, мусоидат намудан ба рушди деҳот ва таҳкими иқтидори корхонаҳои итеҳсолии хурду миёна, инчунин боло бурдани эътимоднокии мардум ба соҳаи бонкӣ, зиёд намудани корхонаҳои истеҳсолӣ ва тавлиди маҳсулоти рақобатпазир дар дохили ҷумҳурӣ ба шумор меравад.
Қобили зикр аст, ки ҳамасола дар тамоми ҷаҳон “Рӯзи байналмилалии амонатҳо” таҷлил карда мешавад, Амонатбонк низ тасмим гирифтааст, ки маъракаро дар филиалҳои Бонк гузаронад.
Раиси Раёсати Бонки давлатии амонатгузории Ҷумҳурии Тоҷикистон «Амонатбонк» муҳтарам Сироҷиддин Икромӣ иқдоми гурӯҳи кории Фонди хазинаҳои амонатгузорӣ оид ба ҳамкориҳои байналмилалӣ Олмон (Sparkassenstiftug)-ро ҷонибдорӣ карда, қайд намуданд, ки «Амонатбонк» ҳамеша омодааст, ки бо дарназардошти ба инобат гирифтани манфиатҳои миллӣ ҳамкориро дар дилхоҳ самти ба иқтисодиёти кишвар манфиатовар, густариш диҳад.
Шуъбаи матбуоти БДА ҶТ «Амонатбонк»
Ҳафтаи равон 1 гурӯҳ сокинони хонаи №10-и гузаргоҳи 1-уми к.М.Турсунзода ба идораи редаксия муроҷиат намуда, аз амалҳои ғайриқонунии ширкати сохтмонии “Кристалл-сохтмон” шикоят карданд. Мардум мегӯянд, ки ширкати мазкур хонаҳои онҳоро ғайриқонунӣ, бе имзои шартнома вайрон карда, қисмати болопӯши ин бинои истиқоматиро алакай тахриб намудаанд.
Сарпарасти “Кристалл-сохтмон” кист?
Бояд гуфт, ки роҳбарии ширкати “Кристалл-сохтмон”-ро нафаре бо ному насаби А. Абдулҳамидов бар ӯҳда дошта, дар бораи сарпарасти асосии ширкат касе маълумот надорад. Сокинони бино то ин дам алакай 2 маротиба ба унвони раиси ш.Душанбе Рустами Эмомалӣ, ба Прокурори генералии ҶТ Юсуф Раҳмон ариза ва мактуб ирсол кардаанд, вале ҳамаи ин кӯшишҳо барои барқарор намудани адолат бенатиҷа монда, мақомоти қудратӣ дар аксари ҳолат худи мардумро гунаҳкор ҳисобидаанд.
Ба гуфтаи сокинон дар ҳаракатҳои намояндагон ва масъулини ин ширкат на танҳо ҳуқуқвайронкунии маъмурӣ, балки ҷиноятӣ низ дида мешавад. Аммо, аризаҳои сокинон аз 14.09.2020 ҳатто корҳои сохтмонии ғайриқонунии ин ширкатро пешгирӣ карда натавонистанд. Ширкати номбурда то ин руз ба корҳои сохтмонии ғайриқонунии зидди қарори раиси ш.Душанбе даст зада, талаботи ин қарорро мадди назар карда, амалҳои ҷиноятии худро давом дода истодааст.
Сармоя-ҳамагӣ 3000 сомонӣ...
Ба гуфтаи сокинон, ширкати “Кристалл-сохтмон” ба ваъдаи худ вафо накарда, мардумро бо дурӯғи маҳз аз хонаҳояшон берун карданд. Дар натиҷа муайян гардид, ки ин ширкати хонасозӣ дар фонди оинномавии худ ҳамагӣ 3000 сомонӣ дораду халос. Маҳз ба ин хотир шубҳаи соҳибмулкон зиёд шудаву аз мақомот талаб доранд, ки чаро чунин ширкатҳо барои сохтмони хонаи истиқоматии 25 ошёна роҳ дода мешавад?
Ҳамзамон лозим ба қайд аст, ки то ин рӯз, мақомоти дахлдор, хусусан раёсати назорати сохтмони ш.Душанберо мебоист, нисбати ҶДММ “Кристалл-сохтмон”, парвандаи маъмурӣ тартиб дода, ба фоидаи давлат маблағи аз 5800 то 11600 сомонӣ фоида меовард.
Кӣ қонунвайронкунӣ дорад?
Барои нафароне, ки масъуланду аз қонунгузории Ҷумҳурии Тоҷикистон огаҳӣ надоранд, гуфтаниям, ки дар моддаи 409 Кодекси ҳуқуқвайронкунии маъмурии ҶТ омадааст:
Моддаи 409. Риоя накардани қоидаҳои фаъолияти меъморию шаҳрсозӣ ва сохтмон. - Барои ҷойгир кардан, бунёд ва ба истифода додани объектҳо бидуни ҳуҷҷатҳои лоиҳавии тасдиқшуда, хулосаи мусбати экспертиза, қарори мақомоти иҷроияи маҳаллии ҳокимияти давлатӣ, ҳуҷҷати тасдиқкунандаи ҳуқуқи истифодаи замин ва бидуни иҷозати мақомоти назорати давлатии сохтмон иҷро намудани корҳои сохтмонию васлкунӣ, инчунин риоя накардани дигар қоидаҳои сохтмони иншоот,-(ҚҶТ аз 02.01.18 с., №1477) ба шахсони воқеӣ ва соҳибкорони инфиродие, ки дар асоси патент фаъолият менамоянд, ба андозаи аз 7 то 10, ба шахсони мансабдор аз 30 то 50, ба соҳибкорони инфиродие, ки дар асоси шаҳодатнома фаъолият менамоянд, ба андозаи аз 50 то 100 ва ба шахсони ҳуқуқӣ аз сад (100*58=5800) то дусад (200*58=11600) нишондиҳанда барои ҳисобҳо ҷарима таъйин карда мешавад. (ҚҶТ аз 02.01.18 с., №1477) П.С. 1 нишондиҳанда барои ҳисобот 58 сомонӣ мебошад.
Худаш ҳасту номаш не!
Вобаста ба қазияи мазкур рӯзҳои охир дар тамоми сомонаҳои ичтимоӣ баҳс мераваду ҳамагон талаби дифои ҳуқуқи сокинони ин биноро мекунанд. Паҳлуи дигари масъала ин аст, ки айни замон бинои №10 к.М.Турсунзода ба харобазор табдил гаштаву дигар имкони дар он зиндагӣ кардан вуҷуд надорад. Акнун пешопеши фасли сармо мардуми бехонамонда додашоро ба кӣ гӯянд? Воқеан ҳам ҳайрон мешавӣ вақте дар интернет ширкати “Кристалл-сохтмон”-ро ҷустуҷӯ мекуниву ҳеҷ асаре пайдо намешавад, боз ҳам дар он замоне, ки ин ширкат бо сармояи 3000 сомонӣ дар маркази ш.Душанбе 1 бинои 25 ошёна сохтанӣ аст. Мо мавзӯро пайгирӣ мекунем.
Шералӣ Давлатов, СССР
Ҳафтаи гузашта Раёсати ВКД ҶТ дар ш.Душанбе аз боздошти 1 гуруҳ ҷинояткорони киберии махсусан вазнин, ки рахна намудани истиқлолияти энегетикиро дар худуди пойтахт мавриди хадафи нопоку ҷиноии худ қарор дода буданд, хабар дод.
«Хакер»-ҳо-кормандони Хадамоти алоқаи назди Ҳукумати ҶТ
Бино ба итиллои маркази матбуоти РВКД дар ш.Душанбе, нахуст 1 нафар мутахасиси технологияи иттилоотӣ, ба истилоҳ «Хакер» дастгир карда шуд, ки бо истифода аз таҷҳизотҳои махсуси компютерӣ нишондодҳои ҳисобкунакҳои барқии шаҳрвандонро кам намуда, бо ин роҳ ба буҷаи давлат зарари калони молӣ расонидааст. Ин нафар шаҳрванд, Азизов Маҳмадӣ Болтаевич, санаи таваллудаш 12.09.1964, истиқоматкунандаи ш.Душанбе, н.Сино, кӯчаи Испечак-1, оиладор соҳиби 4 фарзанд, ҷойи кор-кафшергари силкии Хадамоти алоқаи назди Ҳукумати ҶТмебошад.
Зимни пешбурди корҳои тафтишотӣ муайян карда шуд, ки номбурда дар давоми соли 2017 бо мақсади ба даст овардани фоидаи муфт, бо истифода аз таҷҳизот ва барномаҳои махсуси компютерӣ роҳи кам кардани нишондиҳандаҳои ҳисобкунакҳои электронии барқиро пайдо намуда, бо ин мақсад барои худ дар манзили истиқоматиаш компютер ва дигар таҷҳизотҳои лозимаро ҷойгир ва барои ба хотираи маҳзанҳои ҳисобкунакҳои электронии барқӣ ворид намудани тағийрот, шароити мусоид фароҳам овардааст.
Дар давоми моҳи декабри соли 2017 барои амалӣ намудани ин нақшаи ҷинояткоронаи тарҳрезинамудааш ҳамкори худ шаҳрванд Собиров Тоҷиддин Достиевич соли таваллудаш 20.02.1978. истиқоматкунандаи ш. Ҳисор ҷамоати Деҳоти Алмосӣ деҳаи Ободдара, оиладор соҳиби 2 фарзанд, ҷойи кор- кафшергари Хадамоти алоқаи назди Ҳукумати ҶТ ҷалб намуда, бо мақсади ба даст овардани даромади муфт байни худ амалҳоро тақсим намудаанд.
«Барқдуздон»-ро бишносед!
Тоҷиддин Собиров ҳамчун миёнарав барои ҷалб намудани нозирони Шабакаҳои барқии ноҳияҳои ш.Душанбе бо нозирони шабакаҳои барқ шиносоӣ пайдо намуда, ба онҳо иҷрои чунин амали ғайриқонуниро пешниҳод кардааст. Минбаъд бо миёнаравии ӯ нозирони барқ аз манзилҳои истиқоматии шаҳрвандон ҳисобкунакҳои барқиро худсарона бе тартиб додани санадҳои лозима кушода гирифта, пас аз бо маслиҳати пешакӣ бо муштариён бо пешниҳоди маблағи муайяни пулӣ ҳисоби онро кам мекардаанд.
Дар идомаи чорабиниҳои оперативӣ ҷустуҷӯӣ зиёда аз 20-нафар нозирони Шабакаҳои барқии ноҳияҳои ш. Душанбе, шаҳрвандон; Беҳрӯз Раҷабалиев, Суҳроб Ҳомидов, Шафеъ Холов, Зоҳирхон Собитов, Нусратулло Халифаев, Фазлиддини Аскаршо, Нозим Эмомов, Замир Зокиров, Маҳмадалии Абдувалӣ, Давлаталӣ Мирзоев, Хуршед Бердиев, Анвар Хочаев, Саидшоҳ Исматов, Амиршо Рузиев, Мирзалӣ Ҳаитов, Акмал Хайруллоев, Зафар Рузиев, Бобокалон Ғаниев ва дигарон муайян ва боздошт шуданд.
Ин нафарон бо маслиҳати пешакӣ бо соҳибмулкони дӯкону мағоза ва манзилҳои истиқоматӣ ҳисобкунакҳои барқии онҳоро кушода гирифта, бо миёнаравии шаҳрванд Тоҷиддин Собиров, мутахассиси ин соҳа Маҳмадӣ Азизов барои кам пардохт намудани ҳаққи истифодаи қувваи барқ нишондодҳо, яъне киловати ҳисобкунакҳои барқиро кам мекардааст.
Нозирони барқ бо муштариён маслиҳати пешакӣ намуда, баъд аз кам намудани нишондоди нерӯи барқи истифодашуда, ҳисобкунакҳои барқиро дубора дар ҷойи худ насб намуда, ки бо ин кирдори ғайриқонуниашон ба буҷаи давлат хисороти калони пулӣ расонидаанд.
Айни замон 2-нафар шаҳрвандон Азизов Маҳмадӣ Болтаевич ва ҳаммаслаки ӯ Собиров Тоҷиддин Достиевич дар ҳабси пешакӣ қарор дошта, ҷиҳати муайян намудани зарари ба буҷаи давлат расонидашуда ва нафарони дигари дар содир намудани ин ҷиноят дастдошта, чорабиниҳои дахлдори оперативӣ-тафтишотӣ ҷараён дорад.
Исмоилҷон Маликов, СССР
PS. Редаксияи газетаи мардумии СССР бори дигар ба шаҳрвандон ҳушдор медиҳад, ки пардохти маблағи истифодаи нерӯи барқ, обу партов ва дигар хизматҳои коммуналиро танҳо тавассути бонки давлатии «Амонатбонк» анҷом дода, шаҳодатномаи ҳар нозиреро, ки дари шуморо мекӯбад, бисанҷед, то фиребгару қаллоби навбатӣ набошад.
Субҳи рӯзи 7.09.2020 дар маҷлисгоҳи Раёсати БДА ҶТ “Амонатбонк” бо иштироки намояндагони Дастгоҳи иҷроияи Президенти Ҷумҳурии Тоҷикистон, Кумитаи ҷумҳуриявии иттифоқи касабаи кормандони муассисаҳои давлатӣ, ҷамъиятӣ ва Бонкии Тоҷикистон ва кормандони дастгоҳи марказӣ ҷамъомади тантанавӣ бо риояҳои беҳдошти саломатӣ, бахшида ба 29-солагии Истиқлолияти давлатии Ҷумҳурии Тоҷикистон баргузор гардид.
Дар оғоз Раиси Раёсат муҳтарам Икромӣ Сироҷиддин Салом ҳамаи иштирокчиёнро ба ин рӯзи таърихӣ табрику таҳният гуфта, иброз доштанд, ки Истиқлолият дар ҳаёти мардуми Тоҷикистон санаи таърихӣ ва фаромӯшнашаванда буд, хаст ва хоҳад монд.
Ҳамзамон қайд карда шуд, ки Тоҷикистони соҳибистиқлол ҳамеша хостори сулҳу оромӣ дар саросари ҷаҳон буда, хурду бузурги кишвари мо барои ҳифзи ин неъмати бебаҳо саъю талош мекунанд ва Истиқлолияти давлатиро бо ҳисси баланди миллӣ, нангу номуси ватандорӣ ба ҷаҳониён муаррифӣ менамоянд.
Дар идомаи ҷаласа намояндагон, Ёрдамчии Президенти Ҷумҳурии Тоҷикистон оид ба масъалаҳои иқтисодӣ-Ҳикматуллозода Неъматулло, Раиси Кумитаи ҷумҳуриявии иттифоқи касабаи кормандони муассисаҳои давлатӣ, ҷамъиятӣ ва Бонкии Тоҷикистон-Назарзода Наргис Ҷурахон, муовини сардори Идораи кормандони Раёсат - Ситора Раҳмонова, Раиси Шӯрои занони Раёсат Раҳимзода Шаҳло ва Раиси Шӯрои ҷавонони Раёсат Фаррухзода Сарбоз иштирокчиёнро табрик намуда аз гулгулшукуфоии Тоҷикистон, таъриху дастовардҳои истиқлолияти давлатӣ ба иштирокчиёни ҷамъомад сухан гуфта, садоқат ба халқу миллатро қарзи шаҳрвандии ҳар як сокини Тоҷикистон арзёбӣ намуданд.
Инчунин ба ду нафар кормандони Бонк аз номи Президенти Ҷумҳурии Тоҷикистон мукофоти давлатӣ медали “ Хизмати шоиста “ ба муовини Директори департаменти тараққиёт ва идоракунии хавфҳои Бонкии Раёсат - Одиназода Абдуқаҳҳор ва бо Ифтихорномаи Ҷумҳурии Тоҷикистон ба Сардори идораи танзим ва назорати фаъолияти марказҳои хизматрасонии бонкии Раёсат - Нидозода Додарбек тақдим карда шуд.
Дар фарҷом, аз ҷониби Роҳбарият ба як қатор кормандон барои хизматҳои шоёну пурсамар ва ширкати фаъолонаашон дар корҳои ҷамъиятии Бонк бо Ифтихорнома ва Раҳматнома мукофотонида шуда, ба ғолибони бозии футболи хурд низ мукофот, диплом ва “ Ҷоми Истиқлол “ супорида шуд.
Мулоқоти фосилавӣ бо ҳайати Хазинаи Байналмилалии Асъор дар Тоҷикистон
Санаи 1.09.2020 Раиси Раёсати Бонки давлатии амонатгузории Ҷумҳурии Тоҷикистон «Амонатбонк» муҳтарам Икромӣ Сироҷиддин Салом бо ҳайати Хазинаи Байналмилалии Асъор таҳти роҳбарии хонум Падамжи Ханделвал мулоқоти фосилавии (онлайн) баргузор намуданд.
Зимни мулоқот ҷонибҳо бо дарназардошти тағйир ёфтани низоми иқтисоди дар ҷаҳон масъалаҳои рушд додани ҳамкориҳои дуҷонибаро баҳри пешгирӣ намудани таъсири манфии пайомадҳо ба фаъолияти Амонатбонкро матраҳ намуданд.
Ҳамчунин, дар рафти мулоқот аз ҷониби намояндагони Хазинаи Байналмилалии Асъор саволҳо оид ба таъсири манфии COVID-19 ба фаъолияти бонкӣ, вазъи сармоя ва пардохтпазирӣ, дороиҳо, нақша чорабиниҳо оид ба таҳкими идоракунии хавфҳо, фаъолияти “Корти Миллӣ” дар рушди ҳисоббаробаркуниҳои ғайринақдӣ, ҳолати қарздиҳӣ, истифодаи Бюрои қарзӣ ва ғайраҳо пешниҳод гардиданд.
Раиси Раёсати Бонки давлатии амонатгузории Ҷумҳурии Тоҷикистон «Амонатбонк» муҳтарам Икромӣ С.С. ба саволҳои ҳайати Хазинаи Байналмилалии Асъор ҷавобҳои мушаххас дода, иброз намуданд, ки Амонатбонк ҳамеша омодааст, ки бо Хазинаи Байналмилалии Асъор ҳамкориҳоро дар самтҳои мухталиф ҷиҳати бартараф намудани пайомадҳои манфӣ ба иқтисодиёт ва пайдо намудани роҳҳои алтернативӣ бо дарназардошти ба инобат гирифтани манфиатҳои миллӣ густариш диҳад.
Саводнокии молиявии рақамӣ
Ҷиҳати татбиқи Барномаи «Саводнокии рақамии молиявии аҳолӣ» дар Бонки давлатии амонатгузории Ҷумҳурии Тоҷикистон «Амонатбонк» дар ҳамбастагӣ бо Корпоратсияи байналмилалии молиявӣ (IFC) тренинг-вебинари омӯзишӣ дар мавзӯи «Саводнокии рақамии молиявии аҳолӣ» баргузор гардид.
Барномаи «Саводнокии рақамии молиявии аҳолӣ», барои тайёр намудани тренерон равона карда шудааст, ки дар тренинг-вебинари навбати 12 нафар кормандон аз Дастгоҳи марказӣ ва филиалҳои Бонк аз шаҳру ноҳияҳои Душанбе ва ноҳияҳои тобеи марказ фаъолона иштирок намуданд.
Дар вебинари мазкур иштирокчиён, малака ва маҳорати расонидани иттилоот, тарғиби дурусти хизматрасониҳои муосири бонкиро ба калонсолон, суханварӣ ва дигар нозукиҳои треннериро аз худ намуданд. Интернет бонкинг, кортҳо, интиқоли босуръати маблағ, хусусиятҳои ҳамёни электронӣ ва қарз мавзӯҳои асосии вебанари мазкур буданд. Бояд қайд намуд, ки ин вебинар - тренинги дуввумин дар ҳамбастагӣ бо Корпоратсияи байналмилалии молиявӣ (IFC) буда, вебинару тренингҳо дар ин самт идома дорад.
Шуъбаи матбуоти БДА ҶТ «Амонатбонк»
ХАБАРҲОИ ОХИРИН
- Деваштич: об нест, барқ проблема, картошка сӯхт... Назар
- Асрори мадрасаи Хоҷа Сарбоз Назар
- “Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030” Назар
- Резаахбор Назар
- Бародар қарори судро иҷро намекунад… Назар
- Таъминот кори мактаб нест Назар
- Абуҳанифа: таоруфи миллӣ ва Ислом Назар
- Беадолатӣ дар футболи тоҷик Назар
- Редаксия супориш дод: Чилучорчашма рав! Назар
- «Мардон» - мушкили №1 дар Душанбе Назар
- Дар як сатр Назар
- Адвокати хайрхоҳ меҷӯям… Назар
