Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон вобаста ба вазъи ҳавои ноустувори кишвар аз ронандагон даъват намуд, ки ҳангоми ҳаракат дар роҳҳо эҳтиёткор бошанд.
Бо сабаби ба амал омадани вазъи номусоиди боду ҳаво дар ҷумҳурӣ имрӯз сокинони кишварро мебояд зимни  анҷомдиҳии корҳои саҳроӣ  эҳтиёткор бошанд ва баҳри ҳифзи саломатии худ аз рафтан ба шикор ва ҷамъоварии ҳезум худдорӣ намоянд. Ҳамчунин Кумитаи ҳолатҳои фавқулода ронандагон ва велосипедронҳоро ҳушдор медиҳад, ки ҳангоми гузаштан аз минтақаҳои кӯҳистон эҳтиёткор бошанд, зеро хатари резиши санг дар назар аст.

СССР

Бо фармони раиси ш. Душанбе Рустами Эмомалӣ Саидвалӣ Сабзаев директори КВД «Бозори Саховат» таъин гашт. Ин таъинот рӯзи 18.09.2017 ба тасвиб расида директори нави бозор ба фаъолияти хеш дар бозори мазкур аз субҳи рӯзи дигар оғоз намуд.
Бояд қайд кард, ки Саидвалӣ Сабзаев чанд соли охир дар маъмурияти КВД «Бозори Шоҳмансур»-и пойтахт дар вазифаҳои гуногун кор карда тайи 2 ҳафтаи охир роҳбарияти КВД «Бозори Саховат»-ро бар дӯш дорад.

СССР

Маҷид Бердиев, 1 сокини 56-солаи Истаравшан зӯҳри имрӯз завҷааш Нигора Кулиеваи 40-соларо дар бозор дар назди мардум бо корд зада куштааст.
Чуноне ки ба мухбири СССР дар маркази матбуоти ВКД ҶТ хабар доданд, ин ҳодиса дар бозори «Гули сурх»-и шаҳр ба вуқӯъ пайваста, зан пас аз 4 зарби корд ба узвҳои ҳаётан муҳим дар ҷойи ҳодиса ҷон додаст. Маҷид Бердиев алакай аз ҷониби мақомоти милитсия боздошт гардида тибқи гуфтаи шоҳидон, шавҳар занро дар заминаи рашк ба қатл мерасонад.

СССР

Имрӯз, 2 октябр, ноҳияи Н.Хусрави вилояти Хатлон дар рӯзи аввали сафарбаркунии даъватшавандаҳо ба Артиш нақшаи аскаргириро пурра иҷро кард. Саидзода Бозоргул муовини раиси ноҳия дар сӯҳбат бо СССР ин хабарро тасдиқ карда гуфт, ки «аз рӯзи аввал ҷавонони ноҳия ихтиёран омада аз муоинаи тиббӣ гузаштанд, ҳоло бошад 110% нақшаро иҷро кардаем. Агар лозим шуморанд дар сатҳи вилоят кӯмак низ мекунем». Худи ҷавонон гуфтаанд, онҳо дилпуранд, ки хидмати дусоларо дар ҷузъу томҳои ҳарбӣ сарбаландона адо хоҳанд кард. Хурсандмурод Исмоилов, яке аз даъватшавандаҳо дар суҳбат бо СССР гуфт, "дар бораи шароити хидмат ҳар кас ҳар гап мегӯяд. Вале хидмати ҳарбӣ мояи шарафи ҳар як ҷавон бояд бошад."
Худойдод, ҷавони дигар мегӯяд, ки "хидмати ҳарбии Ватан барои ҳар ҷавон қарз аст. Ин масъулият водор мекунад, ки ҳар ҷавон хидмати ҳарбиро адо кунад."

Баҳодур Уроқов
СССР вилояти Хатлон

Худои 18.000-и олам чист?

(Human Story)

Алмосбек Отамбоев дар ҳузури хабарнигорон гуфт, ки барои пурзӯр кардани пойгоҳи низомии Русия дар фурудгоҳи "Кант" зарурате намебинад: "Мо Бишкекро аз кӣ ҳимоят мекунем? Теъдоди низомиён афзоиш наёфта, бояд ин нерӯҳо бо силоҳу таҷҳизоти муосири ҷангӣ муҷаҳҳаз шаванд. Нерӯҳои низомии Русияро лозим аст, ки дар марзи Қирғизистон бо Тоҷикистон мустақар шаванд. Агар Тоҷикистон вазъиятро таҳти назорат гирифта натавонад, нерӯҳои террористӣ аз Афғонистон ба марзҳои кишвараш мерасанд”. Ин иддаои Алмосбекхон баъди гирифтани 100 млрд рубл пора, мебахшед, тӯҳфаи зодрӯзияш аз ВВП садо дод.