Дар маркази саломатии шаҳри Қурғонтеппа дар 1 рӯз беш 50 нафар кӯдакоро ройгон хатна карданд. Ин иқдоми нек дар арафаи иди Қурбон ва 26-умин солгарди Истиқлолияти Ҷумҳурии Тоҷикистон идома дорад.
Минбаъд хатнасур дар доираи оила ва бе хизматрасонии санъаткорон гузаронида мешавад. Хатна бошад бо розигии падару модар аз рӯзи таваллуди писар то рӯзи бистуми баъди таваллуд дар муассисаҳои тиббии дахлдор ба таври ройгон бо тартиби муқаррарнамудаи мақоми ваколатдори давлатӣ дар соҳаи тандурустӣ гузаронида мешавад. Дар ин маврид таҷрибаи давлатҳои пешрафтаи ҷаҳон дар ин самт омӯхта шуда, дар асоси ин омӯзиш  пешниҳод манзур гардидааст.
Чуноне ки сардухтури маркази саломатии шаҳри Қурғонтеппа  Содиқ Абдуллоев

Баҳодур Уроқов, СССР, вилояти Хатлон

https://www.youtube.com/watch?v=NrUSRwXlFGs&feature=youtu.be

 
Хадамоти гумруки назди Ҳукумати Ҷумҳурии Тоҷикистон бо мақсади ҳифзи иҷтимоию маънавии маъюбон, ки аз дастуру супоришҳои Асосгузори сулҳу ваҳдати миллӣ – Пешвои миллат, муҳтарам Эмомалӣ Раҳмон сарчашма мегирад, дар арафаи иди саиди Қурбон ва ҷашни 26 – солагии Истиқлолияти давлатии Ҷумҳурии Тоҷикистон ба шахсони ниёзманд кӯмаки хайриявӣ расонд.
 
 
 
 
Аз ҷумла, бошандагони мактаб - интернати низомаш махсуси деҳаи Хирманаки шаҳри Ҳисор аз кӯмаки мазкур, ки иборат аз маводи хӯрока, аз қабили орд, равған, биринҷ, шакар, макарон ва дигар маводи ғизои иборат буд, баҳравар гардиданд.
 
 
 
Иди саиди Қурбон, ки яке аз суннатҳои қадимаи мо мардуми мусулмон мебошад, маҳз дар ин рӯзҳо Хадамоти гумрук ба хона - интернат пайваста кӯмакҳои хайриявии худро мерасонад ва толибилмонро бо фарорасии ид табрик менамояд.
 

Маркази матбуоти Хадамоти гумруки назди Ҳукумати Ҷумҳурии Тоҷикистон

 Дар шаҳри Душанбе бо дастгирии  Раиси шаҳри Душанбе Рустами Эмомалӣ «Маҷмааи бойтории забҳи чорво» таъсис дода шудааст ва аз 25-уми август сар карда дар назди он ярмаркаи вижаи фурӯши чорво барои иди Қурбонро ба кор сар кард. Дар ин ярмарка ҳар рӯз то 300 сар чорво бо нархи арзонтар аз бозор фурӯхта мешавад. Масъулони «Маҷмааи бойтории забҳи чорво” мегӯянд, ҳамчунин рӯзи Иди Қурбон дар инҷо чорвои қурбонии мардумро бепул забҳ хоҳанд кард.
Дар асоси қарори Раиси шаҳри Душанбе Рустами Эмомалӣ  Мақомоти иҷроияи   ҳокимияти давлатии чор ноҳияи пойтахт сокинонро огоҳ мекунанд, ки дар рӯзи Иди Қурбон забҳ намудани чорво дар ҷойҳои муқаррарнашуда қатъиян манъ буда, барои ин кор ҷарима пешбинӣ шудааст. Сокинон чорвои худро бояд дар ҷойҳои махсусгардонидашуда ва доимӣ  — назди саллоххонаҳои ҳудуди шаҳри Душанбе ва саллоххонаи ҶДММ «Ёвар-11» забҳ намоянд. Аз ҷумла, чорво дар  ноҳияи Фирдавсӣ дар назди бинои ҶДММ «Комбинати гӯшту консерва»-и шаҳри Душанбе, воқеъ дар кӯчаи Фучик, 4,  дар ноҳияи Сино дар назди ҶДММ «Ангара», воқеъ дар маҳаллаи “Роҳи нав”,  дар ноҳияи И.Сомонӣ дар назди Маҷмааи байторӣ, воқеъ дар хиёбони Ҳ.Шерозӣ (дар назди МБГ-2) ва дар корхонаи замонавии забҳи чорвои ҶДММ «Ёвар-11», воқеъ дар ҳудуди ноҳияи Рӯдакӣ бояд забҳ карда шаванд. Ҳамчунин дар чор  самти шаҳр барои забҳи чорво 93 нуқтаи муваққатӣ муайян карда шудаанд, ки суроғаи муайяни онҳо аз 27 август ҳамарӯза тариқи телевизион ва радиоҳои давлатӣ пахш шуда истодааст.
Бино ба иттилои манбаъ, мақсад аз манъ намудани забҳи чорво дар назди манзилҳои истиқоматӣ- ин кам кардани таъсири манфӣ ба муҳити зист  ва пешгирии бемориҳои сироятию гузаранда  мебошад.

СССР

Имрӯз дар шаҳри Душанбе бинои нави Академияи Вазорати корҳои дохилии Ҷумҳурии Тоҷикистон ифтитоҳ гашт, ки он дар Осиёи Марказҳамто надорад. Президенти кишвар Эмомалӣ Раҳмон дар маросими ифтитоҳи Академия иштирок намуда тамоми курсантону ҳайати шахсии ВКД ҶТро бо фарорасии соли нави хониш табрик намуд.
Маҷмааи Академияи Вазорати корҳои дохилии Ҷумҳурии Тоҷикистон бо дастуру супоришҳои бевоситаи президенти Ҷумҳурии Тоҷикистон Эмомалӣ Раҳмон аз ҷониби фармоишгар Дирексияи сохтмони иншооти ҳукуматии Дастгоҳи иҷроияи Президенти Ҷумҳурии Тоҷикистон, лоиҳакаш Ҷамъияти саҳомии кушодаи «Корез-лоиҳа» ва пудратчиёни асосӣ – Корхонаи давлатии сохтмонӣ-васлкунии №2 ВКД Ҷумҳурии Тоҷикистон, ҶДММ «Сари Хосор», Корхонаи воҳиди таъмиру сохтмонии идораи хоҷагии Дастгоҳи иҷроияи Президенти Ҷумҳурии Тоҷикистон ва ҶДММ «Сохтмони Кулиён» бо харҷи беш аз 117 миллион сомонӣ бунёд мегардад. Марҳилаи аввали ин маҷмаа аз бинои таълимии 8-ошёна барои 1680 нафар курсант, 2 хобгоҳ барои 800 нафар курсантҳо, бинои истиқоматии 6-ошёнаи 48-ҳуҷрадор барои афсарон, толори варзишӣ ва таваққуфгоҳ барои 50 мошини сабукрав иборат мебошад.
Барои анҷоми марҳилаи аввали сохтмони Маҷмааи Академияи Вазорати корҳои дохилии Ҷумҳурии Тоҷикистон, ки аз бинои таълимӣ ва дигар иншооти зарурӣ иборат аст? 69 миллиону 780 ҳазор сомонӣ ҷудо карда шудааст. Аз ҷумлаи ин маблағҳо аз тарафи Вазорати корҳои дохилӣ барои сохтмон 4 миллион ва бо таҷҳизоту мебел муҷаҳҳаз гардонидани бинои таълимӣ 9,5 миллион сомонӣ ҷудо гардидааст.
Бинои таълимии Академияи Вазорати корҳои дохилии Ҷумҳурии Тоҷикистон аз се қисмати А, Б ва В-и ҳампайваст бо таҳхона, бомпӯшҳои ҳамвор ва шервонӣ иборат буда, дорои 8- ошёна мебошад ва масоҳати умумии бино 18 ҳазору 481,2 м2-ро ташкил медиҳад.
Қисматҳои А ва В-и бинои таълимӣ дорои хазинаи китобхона барои 144 400 китоб бо 2 толори хониш барои 35 ҷойи нишаст, китобхонаи электронӣ бо толори тестқабулкунӣ, 2 толори лексионии гурӯҳӣ бо 245 ҷойи нишаст, толори маҷлисгузаронӣ барои 433 ҷойи нишаст, 90 синфхонаи таълимӣ, аз он ҷумла: синфхонаҳои махсуси криминалистӣ 1 адад, фаъолияти оперативӣ-ҷустуҷуӣ 1 адад, ронандагӣ 1 адад, таҷҳизоти махсус 1 адад, бехатарӣ аз сӯхтор 1 адад, утоқи машварати олимон 1 адад ва синфхонаҳои компютерӣ дар ҳар блоку ошёнаҳо 13 адад мебошад.
Дар ошёнаҳои 1 ва 2-юми блоки Б-и бино утоқи навбатдорон, утоқҳои проректорон, қабулгоҳ, утоқи кории ректор, толори хурди маҷлис ва қабули меҳмонон ҷойгир мебошад.
Дар ошёнаи 3-юм то 8-уми бино утоқҳои деканҳо, муовинони деканҳо, мудирони кафедраҳо, утоқҳои корӣ, утоқҳои муаллимон, утоқҳои хоҷагидорӣ ва дигар утоқҳои ёрирасон ҷойгиранд.
Робита дар байни ошёнаҳои бинои нав бо 5 зинапоя ва 2 лифти мусофиркаши замонавӣ таъмин карда мешавад.

31-уми август сафир Миллард бо мақсади иҷрои вазифаи ба ҳайси роҳбари Бюро оид ба масоили Аврупо ва Евразия дар Департаменти давлатии ИМА, Ҷумҳурии Тоҷикистонро тарк менамояд. Ба чунин вазифаи баланд таъин гардидан шарафи калон аст, аммо барои сафир Миллард падруд бo Тоҷикистон ниҳоят мушкил аст. Дар муддати якуним сол ӯ аз табиати зебои Тоҷикистон, фарҳангу забони ғании он, ба хусус, меҳмоннавози халқи он ҳаловат мебурд.
Сафири нави ИМА ҳоло таъин нашудааст. Муовини Роҳбари намояндагии дипломатӣ Кевин Коверт ҳамчун кордори сафорат пас аз рафтани сафир Миллард фаъолият хоҳад кард.
Сафир Миллард аз он ифтихор дорад, ки тӯли яку ним соли фаъоляташ ба ҳайси сафир шомили дастовардҳои Сафорати ИМА дар Ҷумҳарии Тоҷикистон гардида буд. Дар давоми фаъолияти кории ӯ, Иёлоти Муттаҳида ва Тоҷикистон ҳамкориро дар доираи платформаи С5+1 пурзур намуданд, ки он ба панҷ давлати Осиёи Марказӣ ва Иёлоти Муттаҳида имконият дод, то ҳамкориро дар ҷодаи манофеи муштарак амалӣ созанд. Ду кишвар 25 солагии истиқрори муносибатҳои дипломатиро қайд намуданд, ки ин шарикӣ ба пешрафти ҳамкорӣ дар соҳаҳои маориф, тандурустӣ, соҳибкорӣ, кишоварзӣ, инчунин ҳамкориҳои низомӣ мусоидат менамояд.
Кормандони Сафорати ИМА дар Ҷумҳурии Тоҷикистон аз он фахр доранд, ки бо Сафир Миллард якҷоя кор карданд, ва ба ӯ дар иҷрои вазифаи пурмасъулаш муваффвқият орзу менамоянд.

СССР
 

Бахшида ба ҷашни 26-умин солгарди Истиқлолияти давлатӣ ва иди Қурбон бо мақсади ғанӣ гардонидани дастурхони аҳолӣ ва таъмини амнияти озуқавории кишвар бо ташаббуси Вазорати кишоварзии Ҷумурии Тоҷикистон дар ҳамкорӣ бо Мақомоти иҷроияи ҳокимияти давлатии шаҳри Душанбе имрӯзу пагоҳ иди харбузаву асал ва ярмаркаи маҳсулоти кишоварзӣ доир мегардад.
Иди асалу харбуза субҳи имрӯз аз соати соати 07-00 дар 4 минтақаи шаҳри Душанбе: Маҷмааи савдои «Меҳргон», кӯчаи Ҳусейнзода (назди Кумитаи меъморӣ ва сохтмони назди Ҳукумати Ҷумҳурии Тоҷикистон), Муассисаи давлатии «Боғи фарҳангу фароғатии Дӯстии халқҳо» ва назди Корхонаи воҳиди давлатии «Оид ба истеҳсол, харид, захира ва фурӯши маҳсулоти ниёзи аввал дар шаҳри Душанбе» оғ гардид.
Дар иди харбузаву асал ва ярмаркаи маҳсулоти кишоварзӣ  беҳтарин кишоварзони ҷумҳурӣ иштирок менамоянд. Ба иттилои манбаъ, барои бошукӯҳ гузаштани ин намоишҳо озмун эълон гаштааст. Дар озмун беҳтарин истеҳсолкунандагон иштирок намуда, маҳсулоти хешро пешкаши аҳолии пойтахт мегардонанд.

СССР

ВКД ҶТ эълон намуд, ки садамаи пурқурбонӣ дар роҳи Роштқалъа-Хоруғ, ки 10 кушта барҷой гузошт, дар пайи сангрезӣ рух додааст.
Микроавтобуси  “Старекс”, ки 13 нафар мусофир дошт, субҳи 28-уми август дар пайи резиши санг ба дарё афтод. Дар пайи ин садама, 10 нафар, аз ҷумла 4 кӯдак ба ҳалокат расида, 3 нафари дигар ба шумули ронанда дар бемористон бистарӣ мебошанд.

СССР