29.12.2018 дар толори Сирки давлатии Тоҷикистон ба муносибати фарорасии Соли нави 2019 барои хонандагону тарбиятгирандагони мактаб-интернатҳои ҳудуди ш.Душанбе таҳти унвони «Шаҳри орзуҳо» барномаи рангини консертӣ баргузор мегардад.
   Гуфта мешавад, ки дар ин барномаи фарҳангӣ қариб 2 ҳазор нафар тарбиятгирандагони мактаб – интернатҳои ҳудуди пойтахт ва оилаҳои камбизоати он фаро гирифта шуда, ба ҳар яки онҳо аз номи Раиси шаҳр Рустами Эмомалӣ туҳфаҳои солинавӣ тақдим карда мешаванд.
   Инчунин, бо ташаббуси мақомоти иҷроияи ҳокимияти давлатии ш.Душанбе 31 декабр  аз соати  20:00 то 22:00  дар майдони «Дӯстӣ» Шоу-барномаи солинавӣ  доир карда мешавад. Дар ин рӯз  дар 4 ноҳияи  пойтахт, аз ҷумла, дар «Майдони 800-солагии Москва»,   Амфитеатри «Боғи фарҳангу фароғатии ба номи Садриддин Айнӣ»,  Боғи «Дӯстии халқҳо»,  хиёбони Сино, назди Филармонияи давлатии Тоҷикистон  ва  Сирки давлатии Тоҷикистон, ки   арчаҳои идона гузошта шудаанд,  барномаҳои фарҳангию фароғатӣ бо иштироки  ҳофизону ҳаҷвнигорони маъруфи  мамлакат баргузор мегарданд.

   Дирӯз Президенти ҶТ Эмомалӣ Раҳмон фармонҳои худ Давлатбибӣ Раҷабоваро аз вазифаи раиси н.Ванҷ бо сабаби ба нафақа рафтан озод карда, Ҷаббори Қосимро иҷрокунандаи вазифаи раиси ин ноҳия таъйин намуд.
   Инчунин, бо 1 фармони дигар Матлубахон Сатториён ба сабаби ба кори дигар гузаштан аз вазифаи раиси ш.Гулистони в.Суғд озод карда шуда, ба вазифаи иҷрокунандаи раиси ш.Гулистон Фирдавс Шарифзодаро таъйин гардид. Ҳамчунин Ғайбулло Боҳирӣ ба сабаби ба кори дигар гузаштан аз вазифаи раиси ш.Конибодоми вилояти Суғд озод карда шуд.
    Бо ҳамин сабаб президенти Тоҷикистон Умар Ёқубзодаро аз вазифаи раиси н. Шаҳристони вилояти Суғд озод кардааст. Бо 1 фармони дигар Вализода Сулаймон ба сабаби ба кори дигар гузаштан аз вазифаи раиси н.Фархори вилояти Хатлон озод гардида, Рустам Раҳматзода иҷрокунандаи вазифаи раиси н. Фархор таъйин шуд.

Дар натиҷаи 1 тадқиқоти расмии оҷонсии “Зеркало” дар моҳи феврали с.2017 дар Тоҷикистон муайян шуд, ки бинандагони ТВ (маҳаллӣ, минтақавӣ, вилоятӣ, ҷумҳуриявӣ) ҳудудан-80% (7 920 000), шунавандагони радио-44% (3 960 000), оҷонсиҳои иттилоотӣ 36% (3 240 000) ҳастанд, ки аз ин 5 500 000 тан кӯдакону наврасонанд...

Кӯдакони мо дар ИНТЕРНЕТ!!!
Тадқиқот нишон дод, ки аслан қисми зиёди корбарони интернет ҷавонон, хосса, кӯдаканд. Дар натиҷаи пажӯҳиш муайян карда шуд, ки 73,5% аз 10 то 16-сола, 29,4% аз 16 то 18-сола, 25% аз 18 то 24-сола, 25% аз 25 то 34-сола, 18,6% аз 35 то 44-сола, 27% аз 45 то 60-сола ва болотар аз онанд. Бояд ба назар гирем, ки ҳар 1 каси дуюм маълумотро аз интернет мегираду ҳар нафари сеюм умуман газета намехонад. Аз ин бармеояд, ки 1 қисми фаъоли корбарони иттилоот аз нобоварӣ ба ВАО-и муқаррарӣ рӯ ба маводи интернетӣ овардаанд. Агар айнан чунин назарсанҷӣ байни хонандагони нашрияхои ҳукуматӣ гузаронида шавад, манзара ниҳоят ранги дигар мегирад. Танҳо пурсиши холис вазъи воқеиро нисбатан саҳеҳ мегӯяд. Лек 1 далел бе баҳс аст, ки аз ҷониби тамоми қишрҳои ҷомеа бештар истифода шудани технологияи электронии иртиботӣ-интернет сафи истифодабарандагони иттилооти фавриро бемайлон меафзояд.

Музофот рӯ ба хориҷа дорад!
Фазои хабарии ноҳияҳои Исфара, Зафаробод ва Конибодомро якбора якчанд шабакаҳои ТВ Ӯзбекистон, ба мисоли «Ӯзбекистон» (шабакаи 1-уми ТВ Ӯзбекистон), «Ёшлар», ТВ Андиҷон, Фарғона, Намангон, Марғилон ва ТВ “Қирғизистон” фаро мегирад. Дар ин баробар анқариб кулли аҳолии ҷамоатҳои калонтарини ин шаҳру ноҳияҳо ТВҳои тоҷикро қариб ки имкони тамошо кардан надоранд. Дар вил.Суғд умуман 15 шабакаи ТВ ва 6-7 радиостансияҳои хориҷӣ, асосан Ӯзбекистон, пахш мегардад. Ба матбуоти ҷумҳуриявӣ бошад ниҳоят дер дастрасӣ пайдо мекунанд. Хосса, деҳаҳои баландкӯҳ. Дар ҳоли ҳозир ноҳияҳои Шаҳритусу Қубодиён ва Шаҳринаву ш.Турсунзода низ ҳамчунинанд. Дар дигар шаҳру навоҳии ҷумҳурӣ бошад шабакаҳои эронӣ зиёд машҳуранд ва қариб кулли ҷомеа рӯ овардаанд ба туркибиниву туркишунавӣ. Филмҳои туркие, ки аз ҷониби ТВҳои Эрон пахш карда мешаванд, фазои иттилоотии моро комилан ғасб кардаанд. Ҳатто ахборро низ дигар майли тамошо надорем. Сабаби асосии инро тамошобинон дар набуди барномаҳои тамошобоби ТВҳои тоҷикӣ ва зиёд будани реклама медонанд.

Рекламаи дору-дарди сари Давлат
Даромади асосии ТВро реклама ташкил мекунад, лек аён аст, ки ҳеҷ як тамошобин онро қабул надорад. Охир, реклама низ бояд меъёр дошта бошад, то дилбазан нашавем. Агар раванд ҳамин гуна идома ёбад, баъди чанд соли наздик ТВи тоҷик доираи тамошобинони худро куллан аз даст медиҳад. Ин масъала барои Кумитаи ТВ ва радио ва роҳбарияти ТВҳои кишвар бояд мушкили №1 бошад. Завқи аслии моро аслан тамошои кино ташкил медиҳад, лек чун дар ТВҳои худӣ филмҳои диданӣ намеёбем, рӯ овардаем ба ВАО-и хориҷӣ. Ҳатто Пешвои миллат, муҳтарам Эмомалӣ Раҳмон низ зимни сафари расмии худ ба вилояти Суғд ва ифтитоҳи бинои иловагии Идораи ТВ ва радиои вилоят аз журналистон даъват намуд, ки барномаҳои табиии касбӣ омода кунанд, на қолабиву сохта. Тавре мебинем қисми зиёди барномаҳо сохтаву қолабианд ва таровате ҳам надоранду якранганд! Ин қадар журналистоне, ки хатми мактабҳои журналистӣ мекунанд, куҷо шуданд? Ақаллан матнҳои журналистӣ дар доираи талаботҳои имлои забон навишта шаванд. Мавзӯъҳои интиқодӣ-ку аслан дар телевизионҳои мо нестанд! Муҳтарам кормандони Кумитаи ТВ ва радио, Муассисаи давлатии “Тоҷикфилм”, кай ягон филми хуби тоҷикӣ тамошо мекунем? Чаро замони шӯравӣ мо беҳтарин филмҳоро сабт мекардему ҳозир не?

Рустами Абдулло
узви ИЖТ

Президенти Русия Владимир Путин зимни суханронӣ дар форуми "Русия даъват мекунад" ҳодисаи тасарруфи киштиҳои Украина дар Баҳри Сиёҳро «правокатсия» номида гуфт, ки онро мақомоти кунунии Украина ва президент Петр Порошенко дар шабу рӯзи интихобот созмон доданд. Изҳороти Путин дар ҳолест, ки президенти Украина аз НАТО даъват кард, ки барои кумак дар ҳимояи Украина ба баҳри Азов киштӣ фиристанд.

Муаллимаи ҷавони фанни таърих-Сайёра Алимӣ аз ноҳияи Фирдавсӣ дар меҳмонии СССР гуфт, ман матбуоти даврии Душанберо пурра мехонам. Аммо ҳангоми варақгардонии газетаҳо бо баъзе калимаҳои ношиносу бегона вомехӯрам ва ин хоҳу нохоҳ ба коҳиши хонандагони нашрияҳо мерасонад. Аҷибаш ин аст, ки аксарияти вожаҳои мушкилфаҳм эрониву туркӣ, арабӣ… мебошанд. Барои кӣ ва чаро вожаҳои нофаҳм ва бегонаро дар матлаб истифода мебарем? Барои ман фаҳмост, лек хонандаи авом онро дарк мекунад? Бо ин рафтор ба забон «хизмати хирсона» мекунем. Агар матбуот нисбати забони модарии мо чунин рафтор кунад, дар 3-4 соли дигар забон ифлос шуда меравад. Бобоям нақл мекунад, ки нахустин президенти Тоҷикистон, раҳматӣ Қаҳҳор Маҳкамов низ дар охирҳои солҳои 1980 газетаҳоро хонда, рӯзе дар сари минбари Шӯрои Олӣ гуфтааст: «Забони матбуоти мо ба ҳадде печида аст, ки ҳатто маънои баъзе калимаҳоро аз китоби 2-ҷилдаи Фарҳанг низ намеёбӣ!». Мисол: ношӣ, ҳокӣ, ҳарими ҳавоӣ, султа, гуруҳи тамос, тарофа, торих, гумони ағлаб, дар муҷовироти мароқизӣ, гузиниши маҳали андоз, муҷададдан, мушкили умда, тақарруб, муштамил, қоиқ, мутаяқин, нақз, тармим… Мо бояд ба калимаҳои бегона тақлид накунем.

Агар онҳо пирӯз мегаштанд маро бо ҳамроҳии Ҳоҷӣ Акбар Тӯраҷонзода ба қатл мерасониданд: Киллерҳо омодаи "фас" буданд...

Вақте духтарони ҷавон дар ин вақт аз гузаргоҳ мегузаранд, селаи сакалтуҳо ҳатман 3-4 нафар шуда, даст ба сумкаву киссаи духтаракони бечора зада, мӯи эшонро мекашанду садои ғиреви духтарон баланд мешавад…

Чаро ҳоҷӣ-аптекарҳои Тоҷик дидаву дониста, аз фурӯши рифола, ки яке аз омилҳои пешгирии бемориҳои сироятӣ ва номатлуб аст, даст кашидаанд?...