Домуллову имомхатибони мӯҳтарами ватанӣ бар зидди Эшони Саид Қиёмиддини Ғозӣ-генерали мардумии майдони Шаҳидон дар соли 1991-92 шӯрида, дар сомонаи расмии Кумитаи оид ба корҳои дин, танзими анъана ва ҷашну маросимҳои миллии назди Ҳукумати ҶТ (www.din.tj) ӯро ба мазҳабфурӯшӣ ва гаровидан ба шиа муттаҳам кардаанд. Воқеан ҳам мазҳабфурӯшӣ ва он ҳам гаравидан ба шиъаи эронӣ, ки ҳамеша чун экстремизми исломӣ маҳсуб мерафт, барои нафаре, ки даъвои эшонӣ ва генералӣ дошт, паёмади хуб ба ҷамъияти мо надорад. Мазҳаб нафурӯшед, беҳтарин мазҳаб аз мост. Мо Метавонем!

111 нафар шаҳрвандони кишвар, ки дар соли 2017 бо хоҳиши худ аз давлатҳои исломӣ, алалхусус Сурия ва Ироқ ба Тоҷикистон баргаштанд, авф карда шуданд. Раҳимзода Рамазон Ҳамро, вазири корҳои дохилии кишвар дар ин робита афзуд, ки ин шаҳрвандон бо фиреб ва гумроҳӣ ба ин давлатҳо сафар карда, пас аз пушаймонӣ бозгаштаанд.
Бино ба итиллои вазир, соли гузашта 372 нафар шаҳрвандони мамлакат дар пайравӣ ба ҳизбу ҳаракатҳои гуногун, аз он ҷумла, Ҳаракати исломии Ӯзбекистон, “Давлати исломӣ”, “Ансаруллоҳ”, “Ҷабҳат-ун-нусра” боздошт гардида, нисбати онҳо парвандаҳои ҷиноӣ боз карда шудааст.

СССР

Комёбиҳои солҳои охири паҳлавонони тоҷик дар мусобиқаҳои сатҳи осиёиву ҷаҳонӣ аз фаъолияти пурсамар ва коргузории муосири ташкилотҳои идоракунандаи соҳа дарак медиҳанд. Ин навбат қарор кардем аз дастовардҳои Федератсияи ҷудои мамлакат матлабе таҳия ва хонандаи азизро ба пешрафти ин намуди зебои варзиш дар Тоҷикистон ошно созем. Зеро бо он иттилое, ки дар даст дорем аз 25 варзишгаре, ки дар кишвар ҷоизаи президентиро гирифтаанд, 10 нафарашон ҷудоварзонанд.

Дар соли сипарӣ гашта ҷиноятҳои вазнин бештар дар шаҳрҳои Душанбеву Хуҷанд, Кӯлобу Турсунзода ва н.Б.Ғафуров содир шуда, дар ҷамъ дар соли 2017 дар ҳудуди мамлакат 22 ҳазору 18 ҷиноят ба қайд гирифта шудааст.
Чуноне ки имрӯз Раҳимзода Рамазон Ҳамро, вазири корҳои хориҷии ҶТ ба хабарнигорон гуфт, аз ин теъдод 108 ҷинояти куштор, 42-роҳзанӣ, 159-ғоратгарӣ, 53-таҷовуз ба номус, 132-қасдан расонидани зарар ба саломатӣ, 1231-авбошӣ, 5311-дуздӣ ва 2667-ҷинояти қаллобӣ мебошанд. Назар ба соли 2016 дар соли 2017 262 ҷиноят бештар ба қайд гирифта шуда, сатҳи ошкоркунии онҳо 83,4% ташкил медихад.

СССР

Дар соли 2017 дар чаҳорчубаи мубориза алайҳи фарбеҳӣ дар ВКД ҶТ беш аз 20 нафар кормандони милитсия, ки вазнашон зиёд буд, аз кор озод карда шуданд. Дар ин бора имрӯз зимни нишасти матбуотӣ Раҳимзода Рамазон Ҳамро, вазири корҳои дохилии мамлакат ба намояндагони воситаҳои ахбори омма хабар дод.
Бино ба итиллои Раҳимзода Рамазон Ҳамро, аз кор озод кардани милисаҳои фарбеҳ характери муваққатӣ дошта, пас аз лоғар шудан, онҳо боз метавонанд дубора ба сафи ҳамкоронашон бипайванданд.

СССР

Сафари ман ба н.Восеъ ғайричашмдошт сурат гирифт. Ҳафтаи гузашта бо супориши редаксия барои баррасии 1 шикоят ба ш.Кӯлоб рафта будам, вақти баргаштан Шоҳрух Ҳалимов-омӯзгори ҷавон, сокини ҷамоати ба номи Рӯдакии н.Восеъ, мухлиси газетаи мардумии СССР занг зада, аз ман хоҳиш намуд, ки ҳангоми бозгашт 1 рӯз дар Восеъ истода, меҳмони ин диёр шавам. Бо Ҳалимов борҳо тавассути телефон сӯҳбат карда бошам ҳам, аммо ӯро надида будам.
Субҳи рӯзи 26.01.2018, соати 9:00 ӯ маро дар даромадгоҳи шаҳраки Восеъ интизор буд. Мавсуф хатмкардаи Донишкадаи тарбияи ҷисмонии кишвар буда, дар мактаби №28-и ҷамоати ба номи А.Рӯдакӣ ба толибилмон аз фанни тарбияи ҷисмонӣ дарс медиҳад. Пас аз аҳволпурсӣ даъват намуд, ки ба тамошои шаҳраки Восеъ ва ҷамоати Рӯдакӣ биравем ва ман низ ин даъватро қабул кардам… Мо Метавонем!