Наргис Комилова-сардабири маҷаллаи “Чеҳра” дар меҳмонии СССР гуфт, ки ҳамаи ҳаводорони худро ба обуна даъват мекунам. Ҳамчун модари тоҷик барои мухлисини худ кори хайреро анҷом доданиям. Вақти он расида, ки аз истеъмоли маводи дорувории химиявӣ даст кашем ва рӯ ба гиёҳдармонӣ орем. Тоҷикистони мо беш 3500 навъ гиёҳҳои шифобахш дорад, ки ҳаряки он ба 100 дард давост. Ростӣ, Паёми имсолаи Президенти кишвар номуси маро барои ин тасмим дучанд намуд ва тасмим гирифтам, ҳатман барои сиҳатии мардум даст ба ин фаъолият бизанам. Маҷаллаи “Чеҳра” дар 1 сол 4 бор нашр мешавад ва обуна барои 1 сол 240 сомонист. Бо ин мехоҳам табобати ройгонро шуруъ кунам. Обунашавандагон ҳам соҳиби журнал мешаванд, ҳам соҳиби матлаб. Яъне метавонанд, дилхоҳ матолиби тиббиву табобатии худро оид ба доруву дармон ба чоп пешниҳод кунанд. Табобат бошад дар Беморхонаи хусусии №25, воқеъ дар маҳаллаи Зарафшони пойтахт дар сатҳи олӣ сурат мегирад ва куллияи дардҳо бе пул ва ройгон табобат мешаванд, агар мизоҷ ба “Чеҳра” обуна шавад! Хонандагон-мухлисони мо барои маълумоти бештар метавонанд бо рақамҳои 900 09 14 82, 93 924 48 88, 238 55 59 дар тамос шаванд.

Хиёнат ва Ҷиноят-4

Зикриёи Дилшод дар матлаби худ (“Дуздони Мастчоҳ бо фуки баланд мегарданд”, СССР, №37(470), 14.09.2017) оид ба симчӯбҳои ноқилҳои баландшиддат, ки дар ҳудуди маъмурии н.Мастчоҳ мегузаштанду дар мувозинати ноҳияи мо нестанд, навишта, нисбати беаҳамиятии ШВКД-и ҶТ дар н.Мастчоҳ гуфтааст, ки нодуруст аст. Аз ҷониби муфаттишони ШТ ШВКД ҶТ дар ноҳия аз с.2015 то ҳол оид ба ин масъала 5 адад парвандаи ҷиноятӣ нисбати 9 нафар шаҳрванд оғоз шудааст. Аз инҳо, бо 4 адад парвандаи ҷиноятӣ нисбати 7 нафар айбдоршаванда ҷазоҳои сазовор аз ҷониби суди н.Мастчоҳ таъйин карда шудааст. Боқӣ, 1 парвандаи ҷиноятӣ нисбати 2 тан шаҳрванд бо сабаби номуайян будани шахсияташон дар истеҳсолоти тафтишотӣ боздошта шудааст. Аз тарафи ШВКД дар ҳамбастагӣ бо мақомоти прокуратураи ноҳия бо ин парвандаҳои ҷиноятӣ ба фоидаи буҷаи давлат маблағи 58.950 сомонӣ барқарор карда шудааст.
Навруззода Б. муфаттиши ШТ ШВКД ҶТ дар н.Мастчоҳ, лейтенанти калони милитсия

Узви Ихвон-ал-СССР, Мирмӯҳсин Очилдиев, сокини ноҳияи Айнӣ дар сӯҳбати телефонӣ бо СССР гуфт, таври маълум, тибқи қонун ҳар ҷавонписар, ки синнаш ба 18 расид, бояд ба хизмати ҳарбӣ равад. Лек афсӯс, имрӯз аксари талабагоне, ки мактабро хатм мекунанд, аз хизмати ҳарбӣ рӯ метобанд ва барои «рӯзкӯркунӣ» ба донишгоҳ дохил, ё ба Русия муҳоҷир мешаванд. Оне, ки бо ҳар восита ба донишгоҳҳо дохил шуда, 5 соли ҳаёти худро беҳуда бо оворагӣ мегузаронад, ҳам зарари моддӣ мебинад, ҳам маънавӣ. Барои ҳамин, хуб мешуд, дар ҷумҳурӣ барои онҳое, ки ба хизмати ҳарбӣ рафтан намехоҳанд, 1 қонуне қабул шавад, то бар ивази сарбозӣ маблағи муайяне бипардозанд. Ва ба ононе, ки ихтиёран ба хизмати Ватан-Модар мераванд, маоши хуб дода шавад ё имтиёз.

Узви Ихвон-ал-СССР, Довудхӯҷа Раҳимов сокини ноҳияи Шоҳмансур аз маҳаллаи Ховарон бо телефони 98 588 58 76 ба СССР занг задаву гуфт, ки дирӯз дар 1 троллейбус (№2098) аз назди Маркази Савдои Садбарг нишастам. Бовар кунед, то омадан ба бинои Сирк ронанда ҳамаро девона кард! Ронанда ҷавони 25-сола на интизом дораду на фаросат, дар светафор намеистад, бақия намедиҳад... Ва мисли Стракесу Тангемҳо троллейбусро ронда, дар ҳар 1 қадам меистаду клиент мегирад. Ғайр аз ин, чунон бо суръати баланд меронад, ки чанд зани кӯдакдор бо атфолаш ва мӯсафеди асодор аз курсӣ дар “коридор”-и троллейбус афтиданд. Ронанда гапи ягон мусофирро гӯш намекунад!