Ҷамшед Зиёев-собиқ раиси бонки тиҷоратии мавриди барҳамдиҳӣ қарордошта шоми 25 апрел аз ҷониби кормандони прокуратура боздошт ва ҳоло дар СИЗОи муваққатии н.Шоҳмансур қарор дорад. Тибқи баъзе маълумот, ба боздоштшуда пешниҳоди айбномаҳо дар мавриди ғайриқонунӣ додани қарз, камомад ва азхудкунии маблағҳои «Тоҷпромбонк» (амонатгузорон) имкон дорад.  Қаблан зикр шуда буд, ки замони роҳбарӣ ба «Тоҷпромбонк» Зиёев воситаҳои ҷалбшудаи амонатгузоронро ба равнақи тиҷорати худаш равона мекардааст. Инро гӯё бо роҳи ба номи хешовандону наздиконаш ба расмият даровардани қарзҳо амалӣ мекардааст.

Ҳуқуқшиноси н.Шаҳритус бо пора дар ӯтоқи кориаш аз ҷониби кормандони Агентии назорати давлатии молиявӣ ва мубориза бо коррупцияи ҶТ боздошт шудааст. Як манбаъи СССР аз ҳукумати ноҳия дар сӯҳбат ин хабарро тасдиқ карда гуфт, ки Содиқов Абдулмаҷид-ҳуқуқшиноси ҳукумати ноҳияро рӯзи 24 апрел тақрибан соатҳои 15:40 дақиқа баъд аз пора гирифтанаш ба миқдори 5500 сомонӣ аз сокини ҷамоати деҳоти “Пахтаобод” кормандони коррупция боздошт намуданд. Ҳамсӯҳбати мо афзуд, ки ҳангоми боздошт аз ӯтоқи кории ӯ қарорҳои раиси ноҳия барои ҷудо намудани заминҳои наздиҳавлигӣ низ пайдо кардаанд. Гуфта мешавад, ки Содиқов зодаи н.Ёвон буда, қариб 3 сол пеш ба ин ноҳия оиладор шуда, ба вазифаи ҳуқуқшинос фаъолият намуда, то ин ҷониб дар вазифаҳои гуногуни прокуратура низ фаъолият кардааст.

Баҳодур Уроқов СССР вилояти Хатлон

Абдуалим Исмоилзода, раиси ш.Бохтар 22 апрелро дар ин шаҳр Рӯзи ятимони кулл эълон намуд. Дар ин рӯз Абдуалим Исмоилзода 17 нафар ятимони куллро ба ҳузураш даъват намуда, дар баробари оростани дастархони идона ва ташкили сайругашт ба ҳар яки онҳо ба андозаи 500 сомонӣ кӯмаки молӣ намуд.
Раис ш.Бохтар зимни мулоқоти хеш бо кӯдакон қайд намуд, ки ба номи хар яки онҳо дар бонки давлатии «Амонатбонк» суратҳисоби махсус боз карда шуда, ала-кай маблағи муайане дар ин суратҳисобҳо гузошта шудааст. Кӯдакон дар оянда метавонанд аз ин суратҳисоб ба хотири пешбурди зиндагӣ ва таҳсил истифода бу-баранд.

Баҳодур Уроқов, СССР, мухбири минтақавӣ дар в.Хатлон

Эҳдо ба 61-умин солгарди зуҳури Сурайёи Қосим дар саҳнаи ҳунари Тоҷик: 1970-2018

Бо дастуру супориши раиси в.Суғд Раҷаббой Аҳмадзода барои тоҷирон ва савдогарони Тоҷику ӯзбек, ки ҳафтаи гузашта дар майдони «Регистон»-и назди бозори «Панҷшанбе» бозори сунъӣ ташкил намуда, маҳсулоти хӯроквориро дар ҳолати номусоид ба фурӯш гузошта буданд, мувофиқ ба маҳсулоти ба фурӯш гузоштаашон ҷойҳои нави савдо дар бозорҳои дигари ш.Хуҷанд ҷудо карда шуд.
 Бино ба итиллои Маъмур Юсуфов, котиби матбуотии раиси ш.Хуҷанд, тоҷирон мувофиқ ба номгӯйи маҳсулоташон ба бозорҳои атрофи мавзеъи «Панҷшанбе», аз ҷумла «20 солагии Истиқлолият», «Бадри мунир», «Афросиёб», ҶСП «Фортуна» бо ташкили шароити мусоиди фаъолият вобаста карда шуданд.    Майдони «Регистон»-и назди бозори «Панҷшанбе» бошад ҳоло тозаю озода гардида, барои сайру гашти бемайлони шаҳрвандон ва сайёҳон шароит муҳайё карда шуд.

Раёсати БДА ҶТ тариқи нашри 1 эълон аз ҳамаи ронандагони воситаҳои нақлиёте, ки шишаҳояшон сиёҳу хиракардашуда аст, хоҳиш кардааст, ки ба Ҷумҳурии Ӯзбекистон сафар накунанд. Сафар намудан ба ин кишвар бо автомашинаҳои сиёҳшиша тибқи қонунгузорӣ ва қоидаҳои амалкунанда он қатъиян манъ аст.
 РБДА ВКД ҶТ аз тамоми ронандагон эҳтиромона хоҳиш ва талаб менамояд, ки ба қоидаҳои ҳаракати роҳ ва дигар меъёрҳои амалкунандаи ин кишвар риоя ва итоат намоянд.

Додгоҳи вилояти Хатлон 5 нафар сокини ноҳияи Ёвонро 16 сол зиндонӣ кард. Самадов Нодирхон, Холов Маҳмасаид, Баротов Бунёд, Файзуллоев Сафарали ва Милошевич Сергей аз соли 2012 то моҳи октябри соли 2015 ба ҷараёни экстремистии «Салафия» шомил гардида ҷиноят содир намуданд. Чунончӣ, Самадов Нодирхон таввассути барномаҳои телевизионии  «Калима ТВ, Висоли ҳақ, Нур,» оид ба ақидаҳои ҷараёни экстремистии «Салафия» маълумот пайдо намуда, баъди  аз худ намудани ақидаҳои «Салафия» байни сокинони ноҳия Ёвон аз соли 2012 то 2015 ташвиқоту тарғибот бурдааст…

Баҳодур Уроқов СССР вилояти Хатлон

Маркази матбуоти Раёсати ВКД ҶТ дар ш.Душанбе хабар медиҳад, ки дар натиҷаи амалинамоии маҷмӯи чорабиниҳои мақсаднок ҳафтаи сипаришуда, яъне аз санаи 10 то 16 апрели соли ҷорӣ, дар ҳудуди ш.Душанбе 3500 адад қоидавайронкуниҳои ҳаракат дар роҳ ошкор ва нисбати ронандагону дигар иштирокчиёни ҳаракат дар роҳ маводҳои маъмурӣ тартиб дода шуд.
   Аз ҷумла:
-Идоранамудани воситаи нақлиёт дар ҳолати мастӣ – 5 адад;
-Бе рақами қайди давлатӣ – 16 адад;
-Идора намудани воситаи нақлиёт бе ҳуҷҷати ронандагӣ – 4 адад;
-Баланд намудани суръати ҳаракати воситаи нақлиёт аз меъёри муқаррашуда – 135 адад;
-Истифода бурдани телефонии мобилӣ ҳангоми идора намудани воситаи нақлиёт – 115 адад;
-Итоат накардан ба талаботи чароғаки роҳнамо – 13 адад;
-Итоат накардан ба талаботи қонунии корманди милитсия оиди манъ кардани воситаи нақлиёт – 19 адад;
-Вайрон намудани қоидаҳои сабқат, манёвркунӣ – 84 адад;
-Худсарона баромадан аз хати сайр – 49 адад;
-Нагузаронидани воситаи нақлиёт аз муоинаи техникӣ – 65 адад;
-Вазъияти хавфнок – 17 адад;
-Аз меъёри муқаррарӣ зиёд савор намудани мусофирон – 174 адад;
-Ҳаракати гуруҳӣ – 7 адад;
-Риоя накардани Қоидаҳои ҳаракат дар роҳ аз ҷониби пиёдагардон –802 адад;
-Дигар намуди ҳуқуқвайронкуниҳо – 1 990 адад;
-Ба ҷармагоҳ дастрас карда шуд – 30 адад.
   Дар ин муддат аз ҷониби нозирони роҳ дар ҳудуди роҳҳои мошингарди пойтахт 5 ҳолати идораи автомобил дар ҳолати мастӣ ошкор ва муайан карда шуда, нисбати ронандагон парвандаҳои маъмурӣ тартиб карда шуд. Инҳо Холов Холмурод Сафаралиевич – ронандаи автомашинаи тамғаи Мерседес-Бенс, рақами қайди давлатиаш 0999ВА 07, Маҳмадшарифов Умедҷон Маҳмадзарифович – ронандаи автомашинаи тамғаи Опел-Астра, рақами қайди давлатиаш 9386СР01, Алиев Қудратулло Абдусаломович – ронандаи автомашинаи тамғаи Хундай, рақами қайди давлатиаш 5771ТТ05, Батиров Музаффар Муратович – ронандаи автомашинаи тамғаи Опел-Зефира, рақами қайди давлатиаш 1597СР01 ва Салимов Сайруддин Саидҷаъфарович – ронандаи автомашинаи тамғаи Ваз-21099, рақами қайди давлатиаш 3469ВЕ07 мебошанд.