Фарҳод Калонов, сайёҳи шинохтаи Тоҷик азм намудааст танҳоӣ ба сайёҳат баромада, бо паймудани беш аз 100 000 км. аз 50 кишвари дунё боздид карда, оламро чарх бизанад. Фарҳод ният дорад 1.06.2018 таҳти шиори «Мо-Тоҷикон» ба роҳ барояд.
Мавсуф дар яке аз мусоҳибаҳои хеш гуфтааст, ки лоиҳаи «Мо-Тоҷикон» проекти байналмилалиест, ки дар Осиёи Марказӣ ҳамто надорад ва ҳадафи он муаррифӣ намудани давлату парчами Тоҷикистон дар тамоми масири сайёҳат мебошад. Ба ҷуз ин, Фарҳод Калонов ҳамеша саъй мекунад барои ҷалби бештари сайёҳон ба кишвари мо, таблиғи табиати нотакрори Ватан ва боло бардоштани имиҷи кишварамон кӯшиш ба харҷ диҳад.
Дар тайи 3 соли охир ширкаткунандагони ин лоиҳа 4 мотопробег ташкил карда, тамоми кишварҳои ИДМ, Туркия, Аврупо, ИМА ва Осиёро бо мотосиклҳо пурра гаштаанд.

 1 сокини ш.Бохтар дар ҳавлии хонааш ҳангоми кандани чоҳ барои ҳоҷатхона 2 адад кӯзаи калонҳаҷ пайдо намудааст, ки дар дохилаш устухонҳои (скелет) одам будаанд. Дар дохили яке аз он кӯзаҳо косахонаи сари одам буд. 
- Аслан дар ин ҷо мо барои ҳоҷатхона чоҳ канда истода будем. Ҳангомидидани ин кӯзаҳо аввал корамонро идома додем ва баъдан дидем, ки дар ҳақиқат ин ҷо ду адад кӯза ҳаст. Ҳайратовараш ин аст,ки дар даруни кӯза косахонаи сари одам ҷой дорад. Зимни кандан ва васеътар кардани гирду атрофи кӯзаҳо яке аз онҳо қисман шикаста пора гашт ва дидем, ки онҳоро пурра гирифта наметавонем. Бинобар ин корро қатъ карда, ба мақомоти иҷроияи ҳокимияти давлатии шаҳр хабар додем. Мақсад аз он иборат аст, ки онро гирифта дар ягон осорхонаҳои шаҳр чун ёдгории таърихӣ гузоранд. Зеро маълум аст, ки ин кӯзаҳо таърихи худро доранд,-гуфт Шамсиддин Ҷалолов, соҳибмулк зимни сӯҳбат бо хабарнигори СССР.

Баҳодур Уроқов, СССР, вилояти Хатлон

Дар бораи ин осоишгоҳ, ки имрӯз таблиғаш аз шабакаҳои телевизионии мамлакат канда намешавад, навиштанӣ набудам. Шояд барои мо-шаҳриён чунин имконият ғайри қобили қабул аст, аммо барои аксарият, ки аз музофот барои табобату истироҳат ба «АВИС-Сити» меоянд, шояд писанд уфтад. Пеши худ гуфтам, ки 1 шаб боке нест ва он зуд мегузарад, лек муносибати аз ҳад беш дағалонаи маъмурияти осоишгоҳ субҳи рӯзи дигар маро маҷбур сохт дар бораи 15 соати дар «АВИС-Сити» буданам чанд мушоҳидаамро бигӯям.

Алмосбек Отамбоев-президенти собиқи Қирғизистон раиси Ҳизби сотсиал-демократи он кишвар интихоб шуд. “Ҳадафи бозгашти ман омода кардани ҳизб ба интихоботи парламентии с.2020 аст» гуфт ӯ ва ба ин суол, ки дар мавриди он ки оё ҲСД ҳизби инқилобӣ хоҳад шуд, афзуд: «Худо инқилобро нишон надиҳад. Фикр мекунам, ончи то ҳол буд, кофист. Ва ҳадафи ҳизб ба нахуствазирӣ расондани Отамбоев ҳам нест. Нахуствазири кунунӣ хуб кор мекунад. Ҷавону бақувват аст. Гоҳо иштибоҳ мекунад, вале кор мекунад. Мо бояд кишвари воқеан демократӣ бошем”.

Оппозитсияи ҳукумати Озарбойҷон-гурӯҳи “Мусовот” ва «Шӯрои миллии нирӯҳои демократӣ» дар 1 митинги эътирозӣ аз мақомот хостанд, ки зиндониҳои сиёсиро пурра озод кунанд. Ин дар ҳолест, ки ба баргузории интихоботи пешазмуҳлати президентии Озарбойҷон камтар аз 2 ҳафтаи дигар мондааст. Илҳом Алиев-президенти феълӣ барои 7 соли дигар президенти Озарбойҷон хоҳад шуд.