ХАБАРИ ДОҒ
Панҷшанбе, 21 Июн 2018 08:49


Санаи 21.08.2017 соҳиби набераи нав (духтарча) шудам, ки онро волидайнаш Назифа (покиза, тоза, нозук) ном гузоштанд. Бо падараш (писарам Хуршед Ализода) ба идораи САҲШ рафта гуфтем, ки ному насабашро «Ализода Назифа Хуршед» мегузорем. Бобоева-корманди ин ниҳод рад карда, гуфт: «Хуршедзода Назифа Хуршед мегузорем, ҳоло ҳамин тавр шудааст». Бо эътироз гуфтам, ки ин нодуруст аст. Ӯ нусхаи аризаи тайёри чопиро дода, бо ному насаби боло аз мо ҳуҷҷатҳоро гирифта, таъкид кард, ки баъди 1 ҳафта зодномаашро омада мегиред! Рафтам, ки тайёр нест. Гуфт, ки худи падараш ояд… Хуллас, тавре мехостем, нашуд!
Баъди 10 рӯз (1.09.2017) тағобачаам Ҳомид Мирбобоев наберадор шуд. Писараш Темур зодномаи духтарчаашро бо чунин ному насаб: «Ҳомид Сафияи Темурҷонзода» гирифта овард. Ҳайрон шудам! Чаро ба ӯ чунин ному насаб бо номи (бобою кӯдаку падар) мумкин будаасту ба набераи ман (номи писарам 2 маротиба омадааст) мумкин нест? Магар чунин номгузорӣ дуруст аст? Яъне, чаро ному насаби набераам «Ализода Назифаи Хуршед» намешудааст?!
Ҳама ному насаби келинҳоямро ба номи худам (Ализода) гузаронидаам. Пештар келини хурдиам Ҳотамова (бобояш) Дурдона (худаш) Турсуновна (падараш) номгузорӣ шуда буд. Банда шиносномаи ӯро баъди ақди никоҳ «Ализода Дурдона (и) Турсун» гузоштанӣ будам. Аммо кормандони ЗАГС ҳуҷҷати ақди никоҳро «Ализода Дурдона Турсуновна» навиштанд. Ба ин ҳам эътироз кардам, ки «Турсуновна» боз русию номи миллӣ нест! (бандаки «овна» дорад). Суханамро напазируфтанд. Оё чунин ному насаб меъёри забони давлатист?

Алӣ Бароти Истаравшанӣ,
сокини кӯчаи М. Турсунзода, 75.

Чоршанбе, 20 Июн 2018 16:19


Имрӯз дар ш.Истаравшан корхонаи коркарди маҳсулотҳои ширии “Асил” ифтитоҳ гардид. Зикр кардан ба маврид аст, ки корхонаи мазкур намояндагии «Комбинати Шири Душанбе» буда, бо коркард кардани шири маҳаллӣ 8 номгӯи маҳсулотро истеҳсол хоҳад кард. 
 Бино ба итиллои Шералӣ Азимӣ, сухангӯи раиси ш.Истаравшан, корхонаи коркарди маҳсулоти ширии “Асил” дорои озмоишгоҳҳи муосир буда, ҳама маҳсулотҳои истеҳсолшаванда аз санҷиш гузаронида мешаванд. Айни замон дар корхонаи мазкур 20 нафар коргарони маҳаллӣ ҷалб ва бо ҷойи кор ва маоши хуб таъмин мебошанд.



Чоршанбе, 20 Июн 2018 15:52


   Гурбонгулӣ Бердимуҳаммадов, президенти Ҷумҳурии Туркманистон имрӯз зимни суханронии хеш дар Конфронси байналмилалии сатҳи баланд оид ба Даҳсолаи байналмилалии амал «Об барои рушди устувор 2018-2028», ки дар Душанбе ба кори худ шурӯъ намуд, пешниҳод кард, ки дар назди СММ сохтори махсус оид ба масъалаҳои об дар Осиёи Марказӣ таъсис дода шавад.
- Ман мутмаинам, ки барои ҳалли масоили об бояд аз 3 роҳ истифода намуд: нахуст бояд ба санадҳои меъёрӣ ва ҳуқуқии байналмилалӣ такя кард, сипас манфиатҳои ҳар 1 кишвари минтақаи Осиёи Марказиро ба назар гирифт ва сеюм аз таҷрибаи ташкилоту созмонҳои байналмилалӣ, аз он ҷумла СММ истифода бурд. Барои ҳалли масоили оби минтақаи Осиёи Марказӣ бошад бояд дар назди СММ 1 сохтори махсус таъсис дода шуда, яке аз зерсохторҳои муҳими онро бояд барномаи ҳифзи вазъи экологии кишварҳои ҳавзаи баҳри Арал ташкил диҳад. Мо дигар бояд барои нигоҳ доштани баҳри Арал фикр накунем, зеро он алакай мӯҳтавои хешро гум кардааст, лек мебояд баҳри ҳифзи дастрасӣ ба оби тозаи ошомиданӣ ва муҳити зист дар ин минтақа таваҷҷӯҳи хосса бидиҳем ва минбаъд танҳо дар ин бора фикр намоем, иброз дошт Гурбонгулӣ Бердимуҳаммадов.





Чоршанбе, 20 Июн 2018 11:08


Минтақаи Осиёи Марказӣ мисоли возеҳи ҳамкории созанда дар соҳаи об аст, ки дар он нобаробарии ташаккулёбии захираҳои об ҷой дорад. Чунин вазъ дар баробари талаботи фарқкунандаи кишварҳои минтақа ба истифодаи захираҳои об аз лиҳози соҳавӣ ва мавсимӣ, чанде пеш чун омили баҳсу мунозираҳо ва ихтилофоти эҳтимолӣ арзёбӣ мешуд. Вале тавре ки замон ва амалия нишон медиҳад, мо тавонистем дар ҳалли мушкилоти мавҷуда  ба пешрафти назаррас ноил шавем, - гуфт зимни баромади хеш Эмомалӣ Раҳмон, президенти ҶТ дар робита ба мушкилоти об дар минтақаи Осиёи Марказӣ дар маросими ифтитоҳи Конфронси байналмилалии сатҳи баланд оид ба Даҳсолаи байналмилалии амалиёт «Об барои рушди устувор, солҳои 2018-2028».
-Айни ҳол дар минтақа имконоту инфрасохтори нав барои ҳамкории самарабахш ва таъмини рушди кишварҳои шомили он эҷод гардидаанд. Ҷиҳати ноил шудан ба ин натиҷаҳо нақши чунин сохторҳои минтақавӣ, ба монанди Бунёди байналмилалии наҷоти Арал ва ниҳодҳои он, бешубҳа, назаррас аст. Ҳамзамон бо ин, имрӯз мо дар рӯ ба рӯи мушкилоту таҳдидҳои нави замони муосир қарор дорем, ки аз ҳарвақта бештар муттаҳид сохтани талошҳои муштарак ва иқдомоти ҳамоҳангшударо тақозо менамоянд. Мисоли равшани ин таҳдидҳо мавсими камобии соли равон мебошад. Бо сабаби боришоти ками мавсимӣ кишварҳои минтақа аллакай дучори камобӣ шуданд. Ҳаҷми оби дарёҳо аз меъёрҳои миёнаи солона паст буда, дар мавсими обёрӣ ҳамагӣ дар ҳаҷми 60-70 фоиз пешгӯӣ мешавад. Чунин ҳолат ҳамкорӣ ва ҳамоҳангии зичи талошҳои моро барои ҳалли ин қабил мушкилот тақозо менамояд. Мушоҳидаҳои бисёрсола гувоҳӣ медиҳанд, ки таъсири тағйирёбии иқлим ба табиат ва вазъи иҷтимоиву иқтисодӣ дар Тоҷикистон ва Осиёи Марказӣ тақвият меёбад. Тибқи ин мушоҳидаҳо, тайи шаст соли ахир ҳарорати ҳаво дар Тоҷикистон ба ҳисоби миёнаи солона ба андозаи як градус аз рӯйи Селсия боло рафта, миқёсу миқдори ҳодисаҳои табиии вобаста ба обу ҳаво рӯ ба афзоиш ниҳодааст. Зери таъсири ин омилҳо дар Тоҷикистон офатҳои табиӣ дар шакли обхезӣ, аз маҷрои дарёҳо баромадани об, сел, фаромадани тарма ва ярч ҳамасола ба аҳолӣ ва иқтисоди кишвар хисороти ҷиддӣ мерасонанд. Гузашта аз ин, тайи чанд даҳсолаи охир мо тақрибан як ҳазор пиряхи хурду миёнаро талаф додем. Бо мақсади мониторинги ин равандҳо ва андешидану татбиқ намудани тадбирҳои мутобиқшавӣ ба омилҳои тағйирёбии иқлим имсол мо дар назди Академияи илмҳои Тоҷикистон Маркази омӯзиши пиряхҳоро таъсис додем ва дар таҳкими иқтидорҳои он ба дастгирии шарикони рушд умед дорем.  Итминон дорам, ки дар ояндаи наздик ин марказ дар раванди банақшагирӣ ва идораи захираҳои об на танҳо дар сатҳи миллӣ, балки дар зинаи минтақавӣ низ саҳми арзанда хоҳад гирифт. Ҳоло дар Тоҷикистон тақрибан 98 фоизи неруи барқ дар неругоҳҳои барқи обӣ истеҳсол карда мешавад. Ҳукумати мамлакат оид ба мутавозин сохтани истеҳсол ва истеъмоли неруи барқ аз тариқи навсозии неругоҳҳои барқи обии амалкунанда, бунёди иқтидорҳои нави тавлиди неруи барқ ва ҷорӣ намудани усулҳои муосири сарфаи он тадбирҳои ҳаматарафа меандешад. Дар навбати худ, обанборҳои неругоҳҳо ба таъмини намудани танзими боэътимоди бисёрсолаву мавсимии ҷараёни об, пешгирии обхезиҳо ва кам кардани оқибатҳои хушксолӣ мусоидат мекунанд. Истифодаи иқтидорҳои бузурги гидроэнергетикии Тоҷикистон барои таъмин намудани кишварҳои минтақа бо неруи барқи аз лиҳози экологӣ тоза – яке аз асосҳои рушди “иқтисоди сабз” – метавонад ба кам кардани партовҳои газҳои гулхонӣ (карбон) ба атмосфера мусоидати ҷиддӣ намояд. Дар робита ба ин мехостам аҳамияти татбиқи лоиҳаи минтақавии КАСА-1000, ҳамчунин барқарор намудани фаъолияти ҳамзамони шабакаи энергетикии Тоҷикистонро бо низоми муттаҳидаи энергетикии Осиёи Марказӣ, ки имконияти интиқоли энергияи “сабз”–и моро ба ҳамсоягони дуру наздик фароҳам меоранд, зикр намоям. Дар кишвари мо таъмин намудани аҳолӣ бо оби нӯшокии босифат ва беҳдошт чун афзалияти дигари муҳим боқӣ мемонад. Мо аллакай ба таҳияи Барномаи нав оид ба таъмин намудани аҳолӣ бо оби нӯшокии тоза барои давраи то соли 2030 шурӯъ намудем. Ин Барнома яке аз ҳадафҳои калидии рушди устувор – дастрасии умуми аҳолӣ ба оби нӯшокии бехатар ва беҳдоштро фаро мегирад. Истифодаи оқилонаи танҳо захираҳои нодири кӯли баландкӯҳи Сарез, ки 17 километри кубиро дар бар мегирад, имкони таъмини дарозмуддату устувори аҳолии минтақаи моро бо оби босифати нӯшокӣ медиҳад, - афзуд дар фарҷоми суханронии хеш Эмомалӣ Раҳмон.

Чоршанбе, 20 Июн 2018 11:04


Эмомалӣ Раҳмон, президенти ҶТ имрӯз зимни суханронии хеш дар Конфронси байналмилалии сатҳи баланд оид ба Даҳсолаи байналмилалии амалиёт «Об барои рушди устувор, солҳои 2018-2028», ки дар ш.Душанбе оғоз ёфт, таъкид дошт, ки дар дунё зиёда аз 800 миллион нафар ба оби нӯшокии бехатар ва зиёда аз дувуним миллиард нафар ба хизматрасонии оддитарини соҳаи беҳдошт (санитария) дастрасӣ надошта, ҳар сол то сесад ҳазор нафар кӯдак дар синни то панҷсола ба иллати набудани дастрасӣ ба оби нӯшокии бехатар ва беҳдошт ба ҳалокат мерасад. Ҳамаи ин гувоҳи он аст, ки мо то ҳол дар иҷрои воқеии вазифаҳо ва ҳадафҳо дар арсаи таъмин намудани дастрасӣ ба оби нӯшокии бехатар ва беҳдошт ҷиддан ақиб мондаем.
-Имрӯз дар олам зиёда аз ду миллиард нафар аз норасоии об танқисӣ мекашанд. Тибқи пешгӯии коршиносон, соли 2050 ин нишондиҳанда метавонад то панҷ миллиард нафар, яъне тақрибан ба нисфи аҳолии сайёра, баробар гардад. Зимнан, тамоюли афзоиши аҳолӣ ва ниёзмандӣ ба захираҳои об дар назди мо вазифаҳои нави маҷмӯиро мегузорад. Дар ҷаҳон талабот ба захираҳои об бо суръати баланд афзоиш меёбад ва ин, дар навбати худ, боиси шиддат гирифтани муносибатҳо миёни соҳаҳои иқтисод мегардад. Шиддати рақобат барои дастрасӣ ба захираҳои об дар шароити афзоиши камбуди об метавонад ҳатто дар дохили як кишвар пайомадҳои манфиро ба бор орад. Маҳз ҳамин ду омил – тағйироти глобалии иқлим ва афзоиши демографӣ – чаҳорчӯба ва имконотро барои иқдомоти мо муайян хоҳанд кард. Дар баробари ин омилҳо як силсила масъалаҳои дигаре вуҷуд доранд, ки муносибати маҷмӯӣ ва ҳамкории фаъолро дар соҳаи об тақозо доранд. Дар маҷмӯъ баланд бардоштани самаранокии истифодаи об, кам кардани ифлосшавии захираҳои об, истифодаи такрории онҳо ва таҳияи технологияҳои нави тавлиди оби тоза дар миқёси саноатӣ аз ҷумлаи чунин масъалаҳо мебошанд. Таҷрибаи андӯхташуда нишон медиҳад, ки дар арсаи истифодаи захираҳои об якбора ба натиҷаҳои назаррас ноил шудан мушкил аст. Бо дарназардошти маҳз ҳамин таҷриба, Даҳсолаи оғозёфта, пеш аз ҳама, ба ташаккули майдони васеъ барои таҳкиму тавсеаи муколамаи мунтазами бисёрҷониба дар соҳаи об бо таваҷҷуҳ ба иқдомоти амалии мушаххас равона карда шудааст,- иброз дошт Эмомалӣ Раҳмон.

Чоршанбе, 20 Июн 2018 09:06

Сафаргуфта-4

Чоршанбе, 20 Июн 2018 08:57


Имрӯз дар ш.Душанбе, дар Кохи Сомон Конференсияи байналмилалӣ оид ба оғози Даҳсолаи байналмилалии амал «Об барои рушди устувор», солҳои 2018-2028 ба кори худ шуруъ кард. Бояд қайд намуд, ки Даҳсолаи байналмилалии амал «Об барои рушди устувор» бо ибтикори Президенти Ҷумҳурии Тоҷикистон Эмомалӣ Раҳмон аз ҷониби СММ қабул шуда, ҳадафи асосии қабули Қатъномаи Маҷмаи умумии СММ оид ба Даҳсолаи байналмилалии амал «Об барои рушди устувор», солҳои 2018-2028 ташкили ҳамкории судманди байни кишварҳо дар сатҳи байналмилалӣ барои кам кардани хатарҳои бамиёномада аст. Дар Конференсия 65 ҳайати расмӣ бо фарогирии 1100 нафар аз 118 кишвари ҷаҳон ҷиҳати иштирок дар ин ҳамоиши байналмилалӣ ба қайд гирифта шудаанд. Аз ҷумла, дар иштироки сарварони давлатҳо ва ҳукуматҳо аз 4 мамлакат-Туркманистон, Покистон, Афғонистон ва Ҷибутӣ, вазирону муовинони вазирон аз 35 кишвар, инчунин роҳбарону намояндагони беш аз 41 созмони байналмилалӣ дар назар дошта шудааст. Ҳайати СММро дар ин ҳамоиш муовинони Дабири кулли СММ роҳбарӣ хоҳанд намуд. Дар назар аст, дар кори Конференсия то 1500 нафар аз саросари олам ширкат кунанд.

Сешанбе, 19 Июн 2018 09:46


Газетаи мардумии СССР чандин маротиба аз ошхона ва тарабхонаи «Эҳсон ва «Нилуфар»-и ш.Бохтар дидан карда, нисбати камбудиҳои онҳо эрод гирифта буд. Алалахусус, муносибати дағалонаи пешхизматҳо, зарфҳои шикаста ва саҳлангории масъулони ин муассисаҳои хӯроки умум борҳо мавриди интиқод қарор гирифта буданд.
Инак, баъди гузоришҳои мухбирони газетаи СССР Агентии давлатии ҳифзи иҷтимоӣ ва шуғли аҳолии ш.Бохтар барои пешхизматҳои ошхона ва тарабхонаҳои шаҳр курс-семинари махсус ташкил намудааст, ки мақсади он боло бардоштани сатҳи хизматрасонӣ мебошад. Назиров Аюб, сардор Агентии ҳифзи ичтимоӣ ва шуғли аҳолии ш.Бохтар дар сӯҳбати СССР афзуд, ки барои пешхиматҳои тарабхонаю ошхона курси семинари таъсис дода, гурӯҳи аввалин иборат аз 25 нафар алакай ба такмили ихтисос шурӯъ намуда, бо стипендия таъминанд.

Баҳодур Уроқов, СССР, вилояти Хатлон

саҳ 5 аз 11

Китобҳо

Flag Counter