6.06.1922. Бо Декрети Шӯрои Комиссарони Халқӣ дар аввалин кишвари Шӯроҳо Раёсати асосӣ оид ба адабиёт ва корҳои нашриётӣ (Главлит) таъсис дода шуд. Аз ин ба баъд тамоми адабиёти нашрмешуда дар СССР мебоист аз назорати ин Раёсат мегузашт.
6.06.1922. Дар Маскав мурофиаи додгоҳии роҳбарони ҳизби эссерон оғоз гардид. Дар ин мурофиа 34 роҳбари ҳизби инқилобиёни сотсиалист ба муҳлатҳои гуногун зиндонӣ шуданд. Мурофиаи эссерон аввалин мурофиаи бузурги сиёсӣ дар Русияи шӯравӣ ба шумор меравад.

6.06.1957. Дар Маскав-пойтахти СССР аввалин мағозаи "Олами кӯдакон" (“Детский мир”) ифтитоҳ ёфт. Баъдан чунин мағозаҳо дар тамоми ҷумҳуриҳои иттифоқӣ ва шаҳрҳои бузурги Иттиҳоди Шӯравӣ қомат афрохтанд.

Сафаргуфта-3

Эмомалӣ Раҳмон, президенти Ҷумҳурии Тоҷикистон қарор аст шоми фардо дар маросими ифтитоҳи Ҷоми ҷаҳонии футбол 2018 дар Маскав ширкат варзад. Дар ин бора имрӯз котиби матбуотии президенти ФР Дмитрий Песков хабар дода, таъкид кардааст, ки Эмомалӣ Раҳмон яке аз меҳмонони фахрии мундиал буда, Владимир Путин эшонро пагоҳ шахсан қабул хоҳад кард.
Бино ба итиллои Дмитрий Песков, дар маросими ифтитоҳи Ҷоми ҷаҳонии футбол 2018 инчунин шоҳзодаи Арабистони Саудӣ Муҳаммад бин Салмон, президенти Абхозистон Раул Хаҷиба, президенти Озарбойҷон Илҳом Алиев, президенти Белоруссия Владимир Лукашенко, президенти Боливия Эво Моралес, президенти Қазоқистон Нурсултон Назарбоев, Қирғизистон Сооронбой Ҷээнбеков, президенти Панама Хуан Карлос Варела, президенти Парагвай Орасио Картес, президенти Руанда Пол Кагаме, нахуствазири Арманистон Никол Пашинян ва раиси Парлумони Республикаи Корея Ким Ен Нам иштирок менамоянд.
  

Вазорати маориф ва илми мамлакат мегӯяд, ки шояд аз соли нави таҳсил таътили қаблӣ барои хонандагони мактабҳои миёнаи ҷумҳурӣ ва низоми пештараи кории мактабҳо аз сари нав ҷорӣ гашта, айни замон комиссияи махсуси вазорати номбурда барои омӯзиши ин масъала таъсис ва кори хешро оғоз кардааст.
Бино ба итиллои Эҳсони Хушбахт, котиби матбуотии вазорати маориф ва илми ҶТ, тағийрот дар низоми таҳсил ҳатман сурат мегиранд ва шояд аз соли нави таҳсил таътилҳои қаблӣ дубора ҷорӣ карда мешаванд. Ин масъала пас аз омӯзиши комиссия дар коллегияи вазорати мазкур баррасӣ хоҳад шуд.
Бояд қайд намоем, ки ҳафтаи гузашта 1 гурӯҳ фаъолони шабакаи ичтимоиӣ Фейсбук ба номи Озода Раҳмон, роҳбари Дастгоҳи иҷроияи Президенти ҶТ нома навишта, аз эшон хостаанд, ки ба масъалаи баргардонида шудани таътилҳои мактабӣ ва низоми қаблии хониш дар мактабҳои кишвар таваҷҷӯҳ зоҳир намояд. Чуноне ки дар нома навишта мешавад аз байн бурдани таътилҳои тирамоҳӣ ва баҳорӣ, тамдиди соли хониш ва 1 моҳи истироҳат дар фасли зимистон ба вазъи рӯҳӣ ва ҷисмонии хонандагон, алалхусус толибилмони синфҳои ибтидоӣ таъсири манфӣ расонида, ба аз байн рафтани шавқу рағбат нисбат ба хониш оварда мерасонад.

 Ширкати ҳавопаймоии «Сомон Эйр» аз 1.07.2018 парвозҳои чартериро дар хатсайри Душанбе -Анталия (Туркия) оғоз менамояд. Парвозҳо дар ин масир дар даҳ рӯз 1 маротиба анҷом дода шуда, фармоишгари хатсайри мазкур ширкати сайёҳии «Компас», намояндаи ширкати мазкур дар бозори сайёҳӣ — ҶДММ «Transavia Express» мебошад.
 Бино ба итиллои Тимур Биндишоев, котиби матбуотии ширкати мазкур, парвозҳо дар хатсайри Душанбе- Анталия дар ҳавопаймоҳои Боинг 737-800 ва 900 амалӣ гашта, парвоз 5 соат тӯл кашида, самти бозгашт ба Душанбе 4 соату 40 дақиқаро ташкил медиҳад. Аз моҳи майи соли равон ширкати ҳавопаймоии «Сомон Эйр» парвозҳоро дар самти Душанбе-Истанбул дар 1 ҳафта 3 маротиба – рӯзҳои сешанбе, ҷумъа ва якшанбе зиёд карда,  ҳамчунин вақти парвозро тағйир дод.
Ба хотири роҳати  мусофирон аз 18 май вақтҳои парвоз аз Душанбе ва аз Истанбул тағйир дода шуданд. Акнун вақти парвоз аз Душанбе соати 05:30 ва аз Истанбул ба Душанбе соати 21:30 ба вақти маҳаллӣ муқаррар карда шудааст. шуд.
 Ҷадвали мазкур ба мусофирони тоҷир имкон медиҳад, ки субҳ ба Истанбул парвоз намуда, 1 рӯзашонро ба манфиат гузаронанд ва субҳи дигар боз ба Душанбе баргарданд. Дӯстдорони саёҳат имкон доранд рӯзҳои истироҳатиро истифода намуда, дар муддати 3 рӯз манзараҳои зебои Истанбулро тамошо кунанд ва ба Душанбе дар рӯзи аввали ҳафтаи корӣ баргарданд.

Хонандаи ниҳоят гиромиқадр! Нияти моҳи шарифи Рамазонро ба шумо арза медоштам. Нияти рӯза гирифтан: Ният кардам рӯзаи фарзии фардоро, ки аз моҳи Рамазон аст. Ва шомгоҳон нияти рӯза кушодан чунин аст: Парвардигоро, танҳо барои ту рӯза доштам ва ба ту имон овардам. Ва ба ту таваккул кардам ва аз ризқи додаат ифтор мекунам.
Рӯза яке аз рукнҳои асосии Ислом аст, бародарони азиз! Рӯза гирифтан дар моҳи мубораки Рамазон дар қатори намоз, закот, зиёрати хонаи Каъба ва ба забон рондани калимаи тайиба ва шаҳодат, аз ҷумлаи 5 рукни асосии Ислом аст.