Узви Ихвон-ал-СССР, маорифпарвари собиқадор Ҳабибулло Искандаров, сокини маҳаллаи 32-уми ноҳияи Синои пойтахт бо телефони 88 608 00 33 ба газетаи мардумии СССР занг задаву гуфт, ки чанд рӯз боз мо-сокинони ин маҳал барқи доимӣ надорем. Барқро ҳар сари вақт зуд-зуд ва бе огоҳӣ қатъ мекунанд. Ба телефони боварии райсети ноҳия борҳо занг мезанем, гудок меравад, аммо касе гӯширо намебардорад. Хуллас, барқро ҳар рӯз 2-3 соат бидуни огоҳӣ мекушанд. Мардум дар хона яхдон дораду дар дохилаш таъому маҳсулоти вайронмешударо гузоштаанд. Дар сурати бебарқӣ тамоми хӯрокаҳо вайрону турш мешаванду ба ҷайби мардум зарари иқтисодӣ мерасад. Аз раҳбарияти ноҳия хоҳиш дорам, ки иллати бебарқиро ба мо фаҳмонанд ва барқро пешакӣ огоҳ намуда, қатъ кунанд.

28.05.1987. Дар Рӯзи сарҳадчиён ҳавонаварди 19-солаи немис Матиас Руст бо тайёраи сабуки варзишии "Sessna 173R" дар Майдони сурхи Маскав фуруд омад. Баъди нишаст ӯ иддаъо кард, ки мехост дар масоили сулҳ дар саросари ҷаҳон бо Михаил Горбачев-ГенСеки СССР суҳбат кунад.
29.05.1923. Дар СССР Иттиҳоди Ҷамъияти Салиби Сурх ва Ҳилоли Аҳмар таъсис дода шуданд.
29.05.1975. Дар РСС Белорус истеҳсоли бузургтарин мошини боркаши СССР "БелАЗ-7520" оғоз гардид. Ин мошин 110 тонна бор мебардошт ва метавонист корвони мошинҳои боркаши маъмулиро ҷойгузин кунад.

31.05.1918. Баъди шикаст ва парокандашавии имературии Австро-Венгрия чехҳо ва словакҳо дар шаҳри Питтсбурги ИМА бо ҳам иттиҳоди сиёсӣ баста, кишвари нав-Чехословакияро таъсис доданд.

«Ҳоҷӣ Шариф» яке аз бузургтарини бозор дар қаламрави вил.Хатлон ба ҳисоб рафта, сокиноне, ки дар ҳамсоягии ин бозор зиндагӣ мекунанд, ба дод омадаанд. Қисматҳои ин бозор дар 2 канори роҳи мошингард ҷойгир буда, бозор бениҳоят калон аст. Сокиноне, ки дар биноҳои баландошёна мезиянд, ба мухбири СССР аз он шиква намуданд, ягона майдончаи хурдакаке, ки барои бозии кӯдакони атроф муайян шуда буд, айни замон аз ҷониби роҳбарияти ин бозор ғасб шуда, ба қисмати оҳакфурӯшӣ табдил ёфтааст. Сокинон мегӯянд, дар робита ба ин борҳо ба вакили маҳалла ва ба роҳбарияти бозор арз кардаанд, лек касе то имрӯз чорае наандешидаасту зарари оҳак бошад рӯз аз рӯз дар ҳоли афзоиш аст. Чуноне, ки мухбири СССР дар минтақаи вилоят шоҳид гашт, воқеан ин майдони бозии кӯдакона ҳоло ба бозори оҳакфурӯшӣ табдил ёфтааст. Ин дар ҳолест, ки аз ин мавзеи оҳакфурӯшӣ то бинои зист 30 метр масофа буда, кӯдакон дар назди оҳакҳо бозӣ карда, атрофи ин қисмат маҳкам нест. Худи оҳакфурӯшон бошанд бо ниқоб фаъолият карда, мегӯянд, онҳоро роҳбарияти бозор дар ҳамин макон ҷой кардааст. Мардум мегӯянд, ҳангоми холӣ кардани оҳак аз мошинҳои гаронвазн чанги оҳак ба фалак печида, ба хонаҳои сокинон медарояд ва ин ба саломатии мардум зиён дорад. Табибон мегӯянд, чанги оҳак ба сиҳатии одам зарари ҷиддӣ дошта, бояд макони фурӯши оҳак аз ҷои зист дар масофа аз 200 то 300 метр дур ва атрофаш маҳкам бошад. Мо натавонистем роҳбарияти бозори мазкурро пайдо карда, дар бораи чӣ гуна ба бозор табдил ёфтани майдончаи кӯдакон бипурсем. Инчунин, бароямон хеле аҷиб намуд: Чаро вақте дар ш.Душанбе масъулин кӯшиш ба харҷ медиҳанд, ки дар ҳар 1 микрорайону маҳалла майдончаи варзишиву бозии кӯдакона бунёд кунанд, дар Бохтар баръакс, ба ҷои бунёду нигоҳ доштани майдончаҳои мавҷуда онҳоро ба бозор табдил медиҳанд!?

Баҳодур Уроқов,
СССР, вилояти Хатлон

Шӯрои уламои Маркази исломии Тоҷикистон рӯзи таҷлили иди саиди Фитрро дар Ҷумҳурии Тоҷикистон имрӯз эълон намуд-15 июн.
 Ҳамин тариқ, рӯзи ҷумъа, 15 июн, соати 6-и субҳ дар тамоми масҷидҳои ҷомеи кишвар намози ид баргузор хоҳад шуд.

31 сол қабл, 28.05.1987, ҷавони 19-солаи немис Матиас Руст тайёраи варзишии худро дар назди девори Кремл фуруд овард. Парвози ў сару садоҳое зиёде эҷод кард ва ба системаи зиддиҳавоии абарқудрати шарқӣ зарбаи сахт зад. Аз ҳама аламовар ин буд, ки ў дар Рӯзи сарҳадбонони СССР дар Маскав нишаст.

Иштибоҳи навбатдор
Руст субҳи 28 май дар тайёраи варзишии "Cessna 172R" аз фурудгоҳи Хелсинкии Финляндия мебоист ҷониби пойтахти Шветсия-шаҳри Стокголм парвоз мекард. Ба Хелсинки 1 рӯз пеш, аз шаҳри Гамбурги Олмон парида буд. Соати 13:10-и нисфирӯзӣ ба ў иҷозаи парвоз доданд ва ҷониби Стокголм парид. Баъди 20 дақиқа ба навбатдори фурудгоҳ дар боби идомаи парвозаш хабар дода, хайрухуш кард. Баъди ин дастгоҳи радиёии тайёраашро хомӯш ва ҷониби халиҷи Фин ҳаракат кард. Болои халиҷ тайёраро то баландии 80-100 метр поин овард ва бо ин аз назари радари навбатдор ғоиб шуд. Ў дар баландї парвозро идома дода ба хатсайри байналмилалии Хелсинки-Маскав наздик шуд. Системаи зиддиҳавоии шӯравӣ ҳанӯз дар назди марзи давлатии СССР тайёраи ўро ошкор кард.

Сафаргуфта-2

Аз рӯи тахминҳои пешакӣ расиши кӯтоҳи ноқилҳои барқӣ боиси сар задани оташдар қаҳвахонаи «Мерве» шудааст.
Рӯзи гузашта, 6.06.2018, соати 16:00 дар қаҳвахонаи «Мерве» воқеъ дар хиёбони Рӯдакии пойтахт сӯхтор ба амал омад. Барои хомӯш намудани он 4 мошини оташнишонӣ сафарбар карда шуда, талафоти ҷонӣ ба қайд гирифта нашудааст. Зарари аз ин ҳодиса ба қаҳвахона расида низ зиёд набуда, ҳангоми сар задани сӯхтор кормадони қаҳвахона бо омода намудани мизу курсиҳо ба ифтор машғул будаанд ва тавонистаанд мардумро зуд ба берун бароранд.

Намояндагии Агентии «Тоҷикстандарт» дар ВМКБ пас аз санҷишу омӯзиш 39 адад фаъолияти мағозаи фурӯши машруботи спиртиро, ки дар ш.Хоруғ бе иҷозатнома фаъолият менамуданд, қатъ намуд.
Чуноне ки ба мухбири мо дар маркази матбуоти Агентии номбурда хабар доданд, ҳафтаи гузашта бо супориши раиси ВМКБ Шодихон Ҷамшед ҳамаи нуқтаҳои фурӯши машруботи спиртӣ дар ш.Хоруғ мавриди санҷиш қарор дода шуда, пас аз ин рейд маълум шуд, ки аз 48 ошхонаву тарабхона, қаҳвахонаву мағоза 39 адад бидуни иҷозатномаи мақомоти шаҳрдорӣ ба фурӯши машруботи спиртӣ машғул будаанд. Бояд гуфт, ки ин муассисаҳо на танҳо барои фурӯши машрубот ягон ҳуҷҷат пешниҳод карда натавонистанд, балки ташхиси озмоишгоҳ нишон дод, ки аксари шишаҳои арақ худсохт буда, ба ягон меъёри стандартӣ ҷавобгӯ нестанд ва ба саломатии инсон зарари ҷиддӣ мерасонанд.
Тибқи хулосаи санҷиш ва пас аз баррасии натиҷаҳои он танҳо ба 9 мағоза дар ш.Хоруғ иҷозати фурӯши машруботи спиртӣ дода шуда, аз 164 адад мағозаҳое, ки ба фурӯши машруботи спиртӣ дар ҳудуди вилоят машғул буданд, танҳо ба 64 адади онҳо иҷозат шуд, то машруботи спиртӣ фурӯшанд.