Шаҳри Исфара нақшаи даъвати наваскарони тирамоҳиро дар рӯзи аввали даъват 100% иҷро намуд. Бояд гуфт, ки чунин натиҷа бори нахуст дар таърихи ин шаҳр пас аз даст омадани Истиқлолияти давлатӣ сурат гирифта, 260 нафар ҷавонони шуҷоъу матин ва қавиирода аз ин сарзамин бо хоҳиши худ ба сафи Қувваҳои мусаллаҳи кишвар ва хизмати Ватан пайвастанд.

   Тавре ба мухбири СССР Иқбол Илёсзода, котиби матбуотии раиси ш. Исфара хабр дод, дар рӯзи аввали сафарбарнамоии ҷавонон ба сафи Қувваҳои мусаллаҳи ҶТ 32 нафар ҷавонони шуҷоатманду ватандӯсти деҳаи Ворухи ш.Исфара ба ҳифзу ҳимояи Ватани азиз ва хоку марзу буми аҷдодии хеш камари ҷавонмардӣ бастанд. Мувофиқи иттилои расида, теъдоди ҷавонбачаҳои ворухӣ, ки ба сафи Артиши миллӣ равонаанд, аз 40 нафар бештар аст.

Насими инқилоб дар Боку

20.09.1918 миёни истгоҳҳои Перевал ва Ахча-Қуймаи роҳи оҳани Красноводск-Ашқобод 26 комиссари Боку аз ҷониби эссерон ба қатл расонида шуданд. Ин рӯйдод сару садои зиёде дар Русия ба бор овард ва ҳизби эссеронро дар ҳолати бисёр бад қарор дод. Агарчи эссерон айбро ба гардани англисҳо партофтанд, лек тарафи англисӣ мегӯяд, аслан аз ин қазия хабар надоштаанд. Дар Боку ноябри с.1917, баъди 1 ҳафта аз суқути Ҳукумати Муваққат дар Петроград Шӯрои вакилони коргарӣ, деҳқонӣ ва аскарӣ (Шӯрои Боку) таъсис дода шуд. Ба он болшевик Степан Георгиевич Шаумян сарварӣ мекард. Апрели с.1918 ШБ бо ёрии дашнакҳои арманӣ қудратро дар шаҳр ба даст овард. 25.04.1918 дар нишасти ШБ шӯрои комиссарони халқӣ таъсис ёфт, ки аз болшевикону эссерони чап иборат ёфта буд. Ба ШКХ Боку болшевикон С.Шаумян, П.Ҷапаридзе, Я.Зевин, М.Азизбеков, Г.Корганов, Н.Нариманов, И.Фиолетов, А.Каринян, Н.Колесников ва аз эссерони чап-М.Вазиров ва И.Сузартсов шомил шуданд. Ҳукумати нав ба фаъолияти худ сар кард ва моҳи апрел Эъломияи барҳам додани моликияти хусусӣ ба амволи ғайриманқул дар шаҳрҳоро ба тасвиб расонид. Хонаҳои бисёре аз соҳибони қаблиашон гирифта ва ба коргарони бехона дода шуданд. Моҳи июн ШКХ Боку эъломияи милликунонии саноати нафтӣ ва милликунонии Флоти тиҷоратии каспиягиро қабул кард. Дар корхонаҳо вақти кории 8-соата ҷорӣ ва музди меҳнати коргарон зиёд шуд. Дар Боку Донишгоҳи халқӣ ва мактабҳо барои калонсолон ифтитоҳ ёфтанд. 18.06.1918 ШКХ Боку таҳти имзои Мир Ҳасан Вазиров эъломияи мусодиракунии заминҳои помешикҳои калонро ба тасвиб расонида, мусодиракунии заминҳо оғоз шуд.

20.09.1990. РСС Украина Эъломияи соҳибистиқлолии худро қабул намуд.

20.09.1990. Ҷумҳурии мухтори Осетияи Ҷанубӣ эълон намуд, ки аз Гурҷистон ҷудо мегардад. Ин ҷудошавӣ ба ҷанги осетину гурҷӣ мунҷар шуд, ки яке аз аввалин ва хунинтарин даргирӣ байни миллатҳо дар собиқ СССР ба шумор мерафт. 

21.09.1920. Шӯрои Комиссарони халқии РСС Украина бо қарори худ, таълими ҳатмии забони украиниро дар мактабҳои таҳсилоти ҳамагонӣ ҷорӣ намуд.

21.09.1949. Роҳбари коммунистони Чин - Мао Дзэдун кишварашро Ҷумҳурии Халқӣ эълон намуд.

21.09.1973.Дар СССР Академияи Вазорати Корҳои Дохила таъсис дода шуд.

22.09.1921.Латвия, Литва ва Эстония ба Лигаи Миллатҳо (СММ) пазируфта шуданд.

22.09.1939.СССР ва Олмони фашистӣ сарҳадоти давлатии худро дар Полша тариқи рӯдхонаи Висла муайян карданд.

22.09.1991. Дар Тоҷикистон фаъолияти Ҳизби коммунист мамнӯъ эълон карда шуд. Албатта ин мамнӯъият ҳамагӣ 1 рӯз идома ёфт ва 1 рӯз пас парлумони кишвар қарори мамнӯъияти Ҳизби коммунистро бекор ва Қадриддин Аслоновро аз мансабаш сабукдӯш кард. Ба ҷои Аслонов коммунист Раҳмон Набиев сарвари Тоҷикистон таъин карда шуд.

23.09.1922.Иосиф Сталин дар рафти муҳокимаи барпошавии СССР лоиҳаи худро, ки "мухторикунӣ" (автономизатсия) ном дошт, барои муҳокима ба ШКХ пешниҳод намуд. Тибқи лоиҳаи ӯ ҳамаи ҷумҳуриҳои шӯравӣ ворид ва тобеъи РСФСР мешуданд. Аммо В.Ленин ин лоиҳаро рад кард ва СССР дар шакли дигар барпо карда шуд. 

23.09.1989.РСС Қазоқистон забони қазоқиро забони давлатии кишвар эълон кард.

МИҲД ш.Бохтар мақолаи «Аз фаъолият мондани садҳо корхона» (СССР, №25, 20.06.2019)-ро мавриди баррасӣ қарор дод. Бохтар маркази маъмурии вил.Хатлон буда, шаҳри саноатист ва 45 адад корхона, коргоҳҳои саноатӣ ба қайд гирифта шуда, дар асоси дастуру супоришҳои Ҳукумати ҶТ ва МИҲД вил.Хатлон аз тамоми захираю имкониятҳои мавҷуда самаранок истифода бурда, дар 6 моҳи с.2019 ба маблағи 96 млн. 918,0 ҳазор сомонӣ маҳсулоти саноатӣ истеҳсол намудаанд. Ин нишондод нисбат ба ҳамин давраи с.2018 ба маблағи 12 млн. 98,2 ҳазор сомонӣ зиёд буда, афзоиши истеҳсол 114,3%-ро дар бар мегирад. Дар баробари муваффақиятҳо камбудиҳо низ ҷой дорад. Аз 45 адад корхонаҳои саноатӣ 2 адад ҶДММ «Кристал АТТ» ва ҶДММ «Равғани Сомонӣ», ки самти фаъолияташон ба коркарди пахта ва истеҳсоли равған равона аст, бо сабаби мавсимӣ буданашон ва надоштани ашёи хом фаъолият накардаанд. Илова бар ин ҶДММ «Алӣ-1» ва МКЭҶ «Корхонаи нобиноён», ки самти фаъолияташон ба истеҳсоли маҳсулоти қаннодӣ, дӯзандагӣ ва симтур равона буда, бо сабаби дар бозор рақобат надоштани маҳсулот, истеҳсолро кам кардаанд. МИҲД ш.Бохтар минбаъд низ рафти иҷрои дастуру супоришҳои Ҳукумати ҶТ ва МИҲДи вилоятро таҳти назорати доимии худ қарор дода, кӯшиш ба харҷ медиҳад, ки бо мақсади бунёд ва ба истифода додани корхонаю коргоҳҳои нави саноатӣ, афзудани ҳаҷми истеҳсоли маҳсулоти саноатӣ ва ғанӣ гардонидани бозори истеъмолӣ, тамоми имкониятҳои мавҷударо самаранок истифода хоҳад бурд.

Исмоилзода А.А.

раиси ш.Бохтар

Хонанда, дӯст ва мухлиси доимии газетаи мардумии СССР, Аюбҷон Азизов, роҳбари хоҷагии деҳқонии «Сомон-2015», сокини ноҳияи Зафаробод бо телефони 92 700 15 62 ба СССР занг задаву гуфт, ки аллакай дар манотиқи ҷануб ва ҳам шимоли Тоҷикистон чиниш ва ҷамъоварии пахта шуруъ гардидааст. Аммо мо-пахтачинон ҳайронем, ки барои чӣ нархи пахтаро беҳад арзон (баробар ба хоки сиёҳ!) аз мо қабул кардан доранд? Охир, бо ин қимате, ки пахтаро харидан доранд, дар бозор нархи 1 халта орд 200 сомонӣ ва 1 кг гӯшт қариб 55 сомонист! Куҷо шуд инсофи пахтагӣ??? Раиси вилояти Суғд, муҳтарам Раҷаббой Аҳмадзода дирӯз дар 1 маҷлис гуфт, ки «пахтаро аз 5,50 дирам кам қабул накунед!» Аммо вақте мо-кишоварзон пахтаро ба пункт мебарем, бо қимати 4 сомониву 70 дирам гирифтан доранд. Дигар намедонем, ки арзи худро чи хел ба раиси вилоят бирасонем!