Дар вилояти Хатлон якбора нархи сӯзишвории газ то 3.50-3.60 сомонӣ ҷаҳид. Кирокаш (таксист)-ҳои самти Қурғонтеппа-Душанбе бошад нархро то 25 сомонӣ бардоштанд. Ҳамзаи Абдуссалом-кирокаши Қурғонтеппа-Душанбе дар сӯҳбат бо хабарнигори СССР гуфт, ки «баъд аз «депортатсия» шуданам аз Русия маҷбур шудам, ки ба кирокашӣ машғул шаваму зиндагиро пеш бубарам». Ҳамза сабаби қимат кардани роҳкирои Қурғонтеппа-Душанберо дар болоравии нархи сӯзишвории нафтӣ рабт дод. «Мо-кирокашон маҷбур шудем, ки роҳкироро зиёдтар кунему зиндагиамонро пеш барем. Ҳоло барои шумо ҳам аён аст, ки 1 литр газ 3.60 сомонӣ шудааст. Агар бо нархи пешина кирокашӣ кунем, ба ҷуз зарар ягон дирам фоидае ба кисаи мо намедарояд» - мегӯяд ҳамсӯҳбати ман.
Бахтиёр Давлатов-корманди Раёсати зиддимонополӣ дар вил.Хатлон дар сӯҳбат бо СССР гуфт, ки сабаби баланд шудани нархи сӯзишворӣ ин баста шудани роҳи Душанбе-Суғд аст, лек нисбати чанд рӯз пеш ҳоло нархи сӯзишвории газ поён шудааст.
Зимни 1 мушоҳида рӯзи 17 феврал НФС-«Умед 88» умуман сӯзишворӣ надошт. Ясриби Карим-коршиноси маҳаллӣ мегӯяд, ки «нуқтаҳои сӯзишворӣ захира доранд, вале бо истифода аз ҳолатҳои изтирорӣ қимати онро якбора боло мебаранд. Ин таъсир натанҳо ба ронандагон дорад, балки роҳкиро дар чанд масир тағйир меёбад. Ин ҳамаро бояд Хадамоти зиддимонополӣ назорат кунад ва қимати маводи сӯхт, хоса, газ дар ҳама мавсим бояд контрол шавад. Ман дирӯз аз н.Панҷ дидан кардам. Роҳкироро ба хотири қимати сӯзишвории газ боло бардоштаанд, вале кирокашҳо-таксиҳо асос низ доранд…».
Мушоҳидаҳо нишон медиҳанд, ки агар 1 НФС нархро баланд бардорад, дар 1 лаҳза ҳамаи нуқтаҳои сӯзишворӣ нархҳоро мехезонанд. Ҳини 1 сафар ба н.Хуросон аён шуд, ки нархи сӯзишвории нафтӣ ин ҷо назар ба дигар манотиқ арзон аст. Аз корманди НФС пурсидам, ки чаро нархи сӯзишвории шумо арзон аст? Дар ҷавоб гуфт, ки «сардори мо ҳоҷӣ асту Худотарс ва дар чунин ҳолатҳо ҳич вақт нархро баланд намекунад». Аз дил гузарондам, ки ҳоҷӣ бояд чунин бошад ва ана инро мусалмонӣ мегӯянд. Кош, ҳама туҷҷору соҳибкор Худотарс бошанду ба мардум ҷабр накунанд. Мо Метавонем!
Баҳодур Уроқов,
вилояти Хатлон, СССР
Ширкати ватании ҳавопаймоии Тоҷикистон «Тоҷик Эйр» аз санаи 25.02.2017 ба иҷрои хатсайри Душанбе – Хоруғ – Душанбе шурӯъ менамояд.
Дар ин бора ба СССР котиби матбуоти ширкати «Тоҷик Эйр» Азиз Хайруллоев иттилоъ дода, зикр кард, ки сабаби асосии муваққатан манъ намудани парвозҳои доимӣ дар хатсайри Душанбе – Хоруғ ин гузаронидани корҳои хизматрасониҳои техникӣ дар ҳавопаймои АН – 28 мебошад.
- Айни ҳол талаботи ҷомеаро ба инобат гирифта мо омода ҳастем, ки парвозҳоро дар ин самт ба таври мунтаззам бо истифодаи чархболи МИ–8 ба роҳ монем. Ин чархбол дар шароити мувофиқати обуҳаво ҷиҳати парвоз ба ҳама гуна самтҳо муддати 24 соат дар як шабонарӯз омода аст. Бо чархболи Ми-8 метавон 22 нафар мусофиронро ба нуқтаи таъинот расонид, ки шуморашон аз ҳавопаймои АН-28 зиёдтар мебошад, - изҳор намуд Азиз Хайруллоев.
Тибқи нақша парвози нахустин санаи 25-уми феврал анҷом дода мешавад.
Арзиши чипта – 615 сомонӣ. Хоҳишмандон барои дастрас намудани чипта метавонанд ба кассаи фурӯши чиптаҳо, ки дар ошёнаи якуми бинои ҶСК «Тоҷик Эйр» (кӯчаи М.Мастонгулов, 32/1) воқеъ аст, муроҷиат намоянд. Телефон барои тамос: (+992 48) 701 50 42.
СССР
Ҳуснитдин Ҳосилов, сарменеҷер ва сармуҳандиси ширкати давлатии "Узбекистон темир йӯллари” гуфтааст, барои барқарор кардани роҳи оҳан ба вилояти Хатлони Тоҷикистон омода аст, вале ба шарте ки дар ин роҳи оҳан дар баробари қаторҳои мусофиркаш қаторҳои боркашро низ сар диҳанд. Мақомоти Узбекистон пешниҳодҳои худ пиромуни шартҳои барқарор кардани роҳи оҳани Амузанг-Ғалаба, танҳо роҳи оҳанеро, ки ба вилояти Хатлони Тоҷикистон мебурд, дар як нома ба Душанбе ирсол кардаанд ва ҳоло мунтазири посухи мақомоти Тоҷикистон ба ин пешниҳоданд. Ҳосилов гуфтааст, дар ин нома мавқеи ҷониби Узбекистон ба масъала ва пешниҳодҳояш зикр шудаанд. Ба ақидаи менеҷери асосии "Узбекистон темир йӯлларӣ”, агар дар роҳи Амузанг-Ғалаба боз ҳам танҳо қаторҳои мусофиркаш ҳаракат кунанд, кушодани ин хатти роҳи оҳан аз нигоҳи иқтисодӣ фоидаовар нест: "Агар ин роҳ кушода шавад, мо бояд тавассути он қаторҳои боркашро низ сар диҳем. Ин ҳанӯз музокирот нест, вале пешниҳоди мо ин аст, ки ҷониби Тоҷикистон имкон бидиҳад, тавассути ин роҳ нафақат танҳо як қатори мусофиркаш, балки борҳоро низ интиқол диҳанд. Кушодани роҳ танҳо барои як қатори мусофиркаш фоида намеорад. Мо мехоҳем, ки тавассути ин роҳ қаторҳои боркаш низ ҳаракат кунанд. Мо ҳамин пешниҳодро додем ва ҷониби Тоҷикистон ҳоло рӯяш фикр мекунад. ”
Агроинвсетбонк ҳамакнун рӯзе ба мизоҷон то 1000 сомонӣ медиҳад, вале $1 ё 100 рубли русӣ не. Мушкили калидӣ кай ҳаллу фасл мешавад? Хабарнигори мо дар Хатлон гузориш медиҳад. Мо Метавонем!
Душанбе, 20 феврали соли 2017. Ширкати ватании ҳавопаймоии Тоҷикистон «Тоҷик Эйр» аз санаи 27 феврал ба иҷрои хатсайри Душанбе Пекин Душанбе шурӯъ менамояд.
Дар ин бора котиби матбуоти ширкати «Тоҷик Эйр» Азиз Хайруллоев иттилоъ дода, зикр кард, ки васеъ гардидани хатсайри парвозҳои ширкати ватании «Тоҷик Эйр» барои рафтуомади сокинони мамлакат ба хориҷи кишвар ва ворид шудани шумораи зиёди сайёҳони хориҷӣ ба мамлакат мусоидат мекунад.
Парвозҳо аз Душанбе ба Пекин рӯзҳои душанбе соати 16:40, тариқи ҳавопаймои бароҳати Боинг 757 200 сурат мегиранд ва аз Пекин ба Душанбе рӯзҳои сешанбе соати 3:30 шабона до вақти Пекин анҷом меёбанд. Вақти расидан ба Душанбе 07:10. Давомнокии парвоз аз Душанбе ба Пекин 5 соат 30 дақиқа. Давомнокии парвози хатсайри Пекин Душанбе 6 соат 40 дақиқа.
Арзиши чипта дар ду самт 1 748 сомонӣ.
Қурбонзода Азизулло Маҳмуд-сардори шуъбаи тафтишоти Агентии назорати давлатии молиявӣ ва мубориза бо коррупсия дар вилояти Хатлон, дар нишасти матбуотӣ ба хабарнигорон гуфт, ки дар 3 ҳолат кормандони Бонкҳо маблағи мизоҷонро ғайриқонунӣ аз худ карда, ба суди шахсии худ истифода кардаанд.
Нозимов Миралӣ нозир-хазинадори маркази хизматрасонии №501-и филиали №57-и «Амонатбонк» дар шаҳри Кулоб оид ба пардохтҳои коммуналӣ ва дигар пардохтҳо бо мақсади тасарруфи маблағҳои дар ихтиёраш буда, 172 ҳазору 113 сомониро, ки дар 1 рӯз ҷамъоварӣ гардида буд, гирифта ба манфиати худ сарф кардааст. Нозимовро бо моддаи 245, қисми 4, яъне азонихудкунӣ ё исрофкорӣ, тасарруфи молу мулки ғайр, муҷрим дониста, делои ӯ ба суд ирсол шудааст.
Чунин ҳолати азхудкунии маблағ дар ноҳияи Бохтар низ рӯй додааст. Иқтисодчии пешбари шуъбаи қарздиҳии филиали Амонатбонк дар н.Бохтар-Кабулов Маҳмадалӣ бо экс.қарзии филиали ҶСК Агроинвестбонк дар н.Бохтар-Холов Рустам тибқи маслиҳати пешакӣ ғайриқонунӣ ва сохтакорӣ ба номи 20 нафар сокинони навоҳии Бохтару Вахш ҳуҷҷатҳои қарзӣ тартиб дода, аз ҳар 2 бонки мазкур дар маҷмуъ 239 ҳазору 903 сомониро аз худ кардаанд. Нисбати Кабулов ва Холов бо моддаҳои 265, 340, қисми 2, банди “б,в” парвандаи ҷиноӣ боз шуда, ба суд ирсол гардидааст.
Чунин ҳолати ғайриқонунӣ аз худ кардану ба манфиати шахсӣ истифода бурдани маблағи мардум дар ноҳияи Шамсиддини Шоҳин (Шӯрообод) низ ба назар мерасад. Файзалӣ Холов-сардори шуъбаи муҳосиботи амалиётҳои депозитӣ ва интиқоли пулии филиали ҶСК “Тоҷиксодиротбонк” дар н.Ш.Шоҳин бо мақсади тасарруфи маблағҳои дар ихтиёраш буда, 12 ҳазору 954 доллари ИМА-ро аз шаҳрванд К.Ф. ҳамчун пасандоз қабул карда, сохтакорона ҳуҷҷатҳои дахлдори бонкиро тартиб дода, ҳуҷҷатҳоро дар ҳамин бонк ба қайд нагирифта, маблағҳои қабул кардаашро пурра ба эҳтиёҷоти шахсии худ сарф намудааст. Нисбати Холов бо моддаи 245, қисми 4, банди “б” парвандаи ҷиноӣ боз шуда, ба суд ирсол карда шуда, тафтишоти судӣ аз болои ҳар 3 идома дорад…
Баҳодур Уроқов,
СССР, вилояти Хатлон
ХАБАРҲОИ ОХИРИН
- Деваштич: об нест, барқ проблема, картошка сӯхт... Назар
- Асрори мадрасаи Хоҷа Сарбоз Назар
- “Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030” Назар
- Резаахбор Назар
- Бародар қарори судро иҷро намекунад… Назар
- Таъминот кори мактаб нест Назар
- Абуҳанифа: таоруфи миллӣ ва Ислом Назар
- Беадолатӣ дар футболи тоҷик Назар
- Редаксия супориш дод: Чилучорчашма рав! Назар
- «Мардон» - мушкили №1 дар Душанбе Назар
- Дар як сатр Назар
- Адвокати хайрхоҳ меҷӯям… Назар
