Далерӣ кун, ки майдон аз далер аст-5

29.06.2017 соати 21:48-дақиқа дар хобгоҳи Муассисаи давлатии «Хона-интернати беморони руҳӣ»-и шаҳри Ҳисор сӯхтор ба амал омад.
Чуноне ки маркази матбуоти ВКД ҶТ хабар медиҳад, ба ҷои ҳодиса 2 адад нақлиёти оташнишонӣ сафарбар карда шуда сӯхтор сари вақт ба пуррагӣ хомӯш карда шуд.
Дар натиҷаи сӯхтор ягон нафар шаҳрванд ба ҳалокат нарасида, ҷароҳати сӯхтани бадан низ нагирифтааст. Сабаби сар задани сӯхтор аз ташхиси мутахассисон расиши кӯтоҳи ноқилҳо дар хомушкунаки барқӣ мебошад.

СССР

Вазорати корҳои дохилии ҶТ мегӯяд, ки аз рӯи хулосаи пешакӣ расиши кӯтоҳи ноқилҳо боиси сар задании сӯхтор шоми 2.07.2017 дар бозори «Корвон» шудааст.
Бино ба иттиллои маркази матбуоти ВКД ҶТ, рӯзи 2.-7.2017, соати 20:03-дақиқа, дар ҶДММ «Бозори Корвон» дар масоҳати 480 метри мураббаъ сӯхтор ба амал омад, ки дар натиҷа 25 мағоза ва 260 нуқтаи савдо зарар диданд. Ба ҷои ҳодиса 28 адад автомашинаҳои сӯхторхомӯшкунӣ ва зиёда аз 2000 нафар ҳайати шахсии мақомоти корҳои дохилӣ сафарбар карда шуданд.
Дар натиҷаи саривақт пешгирӣ намудани сӯхтор пеши роҳи паҳншавии он гирифта шудааст. Сӯхтор ба пуррагӣ хомӯш карда шуд. Сабаби сар задани сӯхтор аз рӯи хулосаи пешакӣ ин расиши кӯтоҳи ноқилҳои барқӣ мебошад. Дар сӯхтор ягон нафар ҷароҳати ҷисмонӣ набардошта, талафоти ҷонӣ ба қайд гирифта нашудааст. Зарари сӯхтор муайян карда мешавад.
Айни замон тоҷирон ва савдогарони зарардида ба қабули раиси ш. Душанбе Рустами Эмомалӣ рафтаанд. Тафсилоти бештар нашр хоҳад шуд.

СССР