Имрӯз дар Сарраёсати агентии омори назди Президенти ҶТ, дар вилояти Хатлон нишасти матбуотӣ  бо иштироки доираи васеи хабарнигорон доир гашт. Давлатзода Зарина-сардори Сарраёсат қайд намуд, ки шумораи аҳолӣи вилоят ба 3.124.300 расидааст, ки нисбати соли 2016 76700 зиёд аст. Аз ин шумора 1 574 600 мард, 1 549 700 занҳо ва мардҳои қобили меҳнат аз 15 то 62-сола, занҳо аз 15 то 58-сола 1 855 800 нафарро ташкил медиҳад.

Баҳодур Уроқов
СССР вилояти Хатлон

Имрӯз, 13 июл зимни нишасти хабарӣ дар ҶСК «Шабакаҳои барқи ҷануб»-и вилояти Хатлон муовини директори ин ниҳод-Ҷамшед Файзализода оид ба бақияи қарзи барқи истифодашуда аз шаҳру ноҳияҳо нигаронӣ кард. Ӯ афзуд, ки 12 шаҳру навоҳии вилоят зери назоратанд ва бо барқ таъминанд. Аммо ин ноҳияҳо қарздоранд: Сарбанд 22 349 820, А.Ҷомӣ 16 826 640, Шаҳритус 7 691 690, Ҷ.Балхӣ 16 881 590, Вахш 25 767 200, Қубодиён 11 549 600, Панҷ 7 362 150, Дӯстӣ 7 234 570, Бохтар 28 349 130, Хуросон 9 962 150 ва НХусрав 870 010. Аз ташкилоту саноатҳо: ғайри саноат, хоҷагиҳои пахтакор, хоҷагиҳои ғайри пахтакор, буҷети ҷумҳуриявӣ, буҷети маҳаллӣ, соҳаи савдо, ИДБЗ ва обёрии хоҷагиҳои коммуналӣ, зеристгоҳҳои ШБҶ, тиҷорат, аҳолӣ, аз ҷумла, хоҷагиҳои об то 1.07.2017 дар маҷмӯъ 161 050 880 аз ШБҶ қарздоранд.

Баҳодур Уроқов
СССР вилояти Хатлон

Таркиш аввал 30.01.2017 ва такроран моҳи феврал дар кӯч.С.Айнии ш.Қурғонтеппа, ки ҷони 1 нафарро рабуда буд, аз сӯи мақомоти расмии вилояти Хатлон дигаргуна шарҳ дода шуд. Ҳасанбой 67-сола, посбони Литсейи тамоюли техникии Қурғонтеппа на худро таркондааст, на қасди суиқасд ба ҷони худ доштааст. Ин ҳодиса аввал дар миёни бисёриҳо ангезаи суиқасд ё худтаркониро боло карда буд, чун ин мард дар бағалаш зери ҷома 1 шишаи арақ дошт, ки дар камераҳои назоратӣ зоҳир шудааст ва дар бағал чизеро нигоҳ доштанаш низ сабт шудааст. Бисёриҳо ҳадс мезаданд, ки ин марди 67-сола худро таркондааст. Ҳатто овозаҳое буд, ки ин мард мехостааст ҷои дигареро битарконад, вале ба мақсад нарасида, лавозимоти тарканда дар дасташ таркида, дар наздикии бинои Прокуратураи гарнизони ҳарбии ш.Қурғонтеппа ҷон додааст.
Имрӯз, 12 июл зимни нишасти хабарӣ Насрулло Маҳмудзода-додситони вилояти Хатлон дар робита ба ин таркиш афзуд, ки хулосаи тафтишот аз ҷониби мақомоти ҳифзи ҳуқуқ ин аст, ки ин ҷиноят ошкор ва дар натиҷа нисбати 5 нафар парвандаи ҷиноӣ боз карда шуд. Ба 2 нафари онҳо сокинони шаҳри Қурғонтеппа аз деҳаи Зарбдор-бародарон Шарифҷони Зокир ва Раҷабҷони Зокир, Файзиев Равшан, Амирхоҷаи Рустам, Саидов Саъдӣ бо моддаҳои 104, қисми 2 , 172 ,195 ва 307 айб эълон карда шуда, ҳоло парванда дар баррасии Суди олӣ қарор дорад.

Баҳодур Уроқов
СССР вилояти Хатлон

Сиҷоуддин Саломзода, раиси ш.Турсунзода ният дорад дар маркази шаҳр, ки онҷо муҷассамаи шоир Мирзор Турсунзода қомат афрохтааст, боғи муосири фарҳангиву фароғатии ҳамноми шоирро бунёд намояд. Ин нуктаро ӯ рӯзи 12.07.2017 зимни нишасти матбуотӣ вобаста ба ҷамъбасти натиҷаҳои рушди ичтимоию иқтисодии шаҳр дар нимсолаи 1-ум зикр намуд.
Бино ба иттиллои Сиҷоуддин Саломзода, мутобиқи Нақшаи генералии ш.Турсунзода, ки ояндаи наздик амалӣ меёбад, бозори марказии шаҳр барканор шуда дар ҷойи он боғӣ замонавӣ ва 1 қатор иншоотҳои дигари маишиву хизматрасонӣ барои сокинони Турсунзода бунёд хоҳанд гашт. Дар баробари бозори марказӣ, инчунин, теминали ғайриқонунии мусофиркашоние, ки имрӯз майдони назди муҷассамаи Мирзо Турсунзодаро ғасб кардааст, аз байн хоҳад рафт.

СССР

Дар 5 моҳи соли 2017 аз тарафи ноболиғон 304 ҷиноят содир гардидааст, ки ин нисбат ба ҳамин давраи соли гузашта 34 ҳолат камтар аст. Таҳлилҳо нишон медиҳанд, ки зиёдшавии ҷиноят дар байни ноболиғон дар ноҳияҳои тобеи ҷумҳурӣ ба қайд гирифта шуда, он 131 ҳолатро ташкил медиҳад.
Бино ба иттиллои Нуриддин Саид, вазири маориф ва илми ҶТ, бо мақсади пешгирии ҷинояткорӣ ва ҳуқуқвайронкунӣ, муноқишаи байни хонандагон, шомилшавии онҳо ба ҳизбу ҳаракатҳои экстремистӣ ва равияҳои динӣ, тарбияи онҳо дар рӯҳияи ватандӯстӣ ва ифтихори миллӣ дар муассисаҳои таҳсилоти умумӣ дар якҷоягӣ бо вазорати корҳои дохилӣ нақшаи чорабиниҳо таҳия карда шуда, амалӣ гардидани он зери назорат қарор гирифтааст.

СССР

Вазири маориф ва илми кишвар таъкид медорад, ки санҷишҳои дар 3 соли охир гузаронидаи мутахасссиони соҳаи маориф ва илм аз он гувоҳӣ медиҳад, ки азхудкунии барномаҳои таълимӣ аз ҷониби хонандагон ва сифати таҳсилот дар муассисаҳои таълимӣ сол аз сол беҳтар шуда истодааст. Дар ин бора рӯзи 10.07.2017 зимни нишасти матбуотӣ вазири маориф ва илми мамлакат Нуриддин Саид хабар дод
Дар соли таҳсили 2016-2017 дар шаҳру ноҳияҳои ҷумҳурӣ 3865 муассисаи таҳсилоти умумӣ, аз ҷумла 364 муассисаи таҳсилоти умумии ибтидоӣ, 522 муассисаи таҳсилоти умумии асосӣ ва 2979 муассисаи таҳсилоти миёнаи умумӣ фаъолият менамоянд. Дар давраи ҳисоботӣ дар муассисаҳои таҳсилоти умумии ҷумҳурӣ 1 миллиону 837 ҳазору 762 хонанда ба таҳсил фаро гирифта шудааст, ки назар ба ҳамин давраи соли гузашта 53 ҳазору 395 нафар бештар аст.

СССР

Шоми сешанбеи 4 июл дар ҳудуди н.Восеи вилояти Хатлон як гурӯҳи ҳаводорони «Давлати Исломӣ» (ДИ), ки шаҳрвандони Ҷумҳурии Тоҷикистон будаанд, безарар гардонида шуданд.

Судяи суди ноҳияи Панҷ Қурбонов Тоҷиддин бо гумони гирифтани пора аз ҷониби кормандони Агентии назорати давлатии молиявӣ ва мубориза бо коррупсияи Тоҷикистон дастгир карда шудааст. Баъд аз боздошт шудани судяи суди ноҳияи Паннҷ шаби 21 ба 22 июн иттифоқан ҳамон рӯз хонааш дар маркази ноҳияи низ Панҷ низ ба коми оташ рафт.
1 манбаъи мӯътамади СССР дар сӯҳбат гуфт, ки доманаи сӯхтор васеъ набуда то омадани  хадамоти давлатии оташнишонии ноҳия он аллакай аз ҷониби ҳамсояҳо хомӯш карда шудааст. Шоҳидон ва ҳамсоягоне, ки  бо Қурбонов Тоҷиддин рафту омад доштан мегӯянд, ки пеш аз ба коми оташ рафтан, ҷиҳози пурқиммат, аз қабили телевизор, яхдон ва дигар ашёҳои гаронбаҳо пайдо карда нашудааст. Аз ин рӯ, дар шӯъбаи корҳои дохилии ноҳия нисбат ба ин ҳодиса парванда боз шудааст ва мавриди таҳқиқ қарор дорад. Гуфта мешавад, ки оташ аз болои кат диван-е, ки дар 1 кунҷи хона буд, сар задааст ва метавон гуфт, ки сӯхтор сохта аст, зеро ягон нишонаи расиши кутоҳи барқӣ дар ноқилҳо ба мушоҳида намерасад.
Манобеи СССР афзуд, ки 4 нафар сокинони ноҳияи мазкур ва 1 нафар сокини шаҳри Ваҳдат, ки дар кофтуков қарор дорад, аз боздошти Қурбонов Тоҷиддин огаҳ буданд. Онҳо дар набудани касе ба хона даромада чизҳои қиматбаҳоро ғорат карда, оташ задаанд.
Президенти ҶТ Эмомалӣ Раҳмон рӯзи 30 июн бо судури 1 фармон Тоҷиддин Мирзо Қурбониёнро "бинобар риоя накардани қонун ҳангоми баррасии парвандаҳо ва содир намудани кирдоре, ки шаъну эътибори судяро паст мезанад, аз вазифаи судяи суди ноҳияи Панҷи вилояти Хатлон озод кард.

Баҳодур Уроқов, СССР, вилояти Хатлон