Комроншоҳ Устопириён, паҳлавони Тоҷик дар давраи ниҳоии Ҷоми ҷаҳонии дзюдо, ки дар Анталияи Туркия баргузор гашт, бар рақибони худ пирӯз омада, ғолиби ин мусобиқот гашт.
Комроншоҳ Устопириён шоми 8.04.2018 дар қувваозмоии ниҳоӣ бо паҳлавони дигари ҷаҳонӣ Неманҷа Маҷдов гӯштин гирифта, пирӯзӣ ба даст овард. Ҷоми ҷаҳонии дзюдо “Анталия Гран При”, ки ҳамасола дар Анталияи Туркия баргузор мешавад, паҳлавонони тамоми оламро ҷамъ менамояд. Паҳлавони дигари Тоҷик Беҳрӯз Хоҷазода дар даври 3-юм мағлуб гардида, аз медал маҳрум гашт. Саидҷалол Саидов, боз 1 паҳлавони дигари мо низ натавонист то марҳилаи ниҳоӣ роҳ ёбад, зеро бо 2 ғолибият ва 2 шикаст аз гирифтани медал бебаҳра монд.

СССР

(Ҷиддитарин таҳқиқот дар дафтари аъмолу рӯзгори эҷодии Ҳунарпешаи шоистаи Тоҷикистон Лутфулло Давлатзода)

Зарринаи Ғайрат, донишҷӯи курси 4-и факултаи филологияи Донишгоҳи давлатии омӯзгории Тоҷикистон, сокини деҳаи Ашти ноҳияи Ашт (тел: 93 146 56 78) дар меҳмонии СССР гуфт, ки ман 4 сол боз дар Душанбе, дар хобгоҳи Маркази таълимии бонувони «Сарвар» ҳамроҳи ҳамкурсону ҳамсолонам зиндагонӣ дорам ва аз нақлиёти мусофиркаш бештар истифода мебарам. 1 мушкил ва ё ташвиши сахти нақлиётии пойтахт маро зери ғам гузоштааст. Хатсайрҳои №3 ва №1 аз ҳад зиёд мусофир мегиранд, иловатан, дар ҳар 1 истгоҳ 6-7 дақиқа ист мекунанд, ки мо ноилоҷ ба дарсҳо ҳар рӯз дер мемонам ва устодони мо бо ин «ҷурм» барои дермонӣ аз дарс «НБ» мегузоранд. Ҳамчунин, мусофирони автобусҳо намедонанд, ки аз дари 1 дароянд, ё аз дари 2-ву 3, яъне маълум нест, ки аз кадом дар дароем, ё фароем. Маршруткаҳои мусофиркаши хатсайрҳои №2, №13, №11 ва №22 низ бе мушкил нестанд. Ронандагони онҳо бошанд дар «Старекс»-ҳо дар 1 қатор ба ҷои 3 нафар 4 кас мегиранду бо ҳама мусофирон муомилаи дағалонаву дурушт доранд. Кондукторҳо бошанд бо овози баланд аз дари мошин калла бароварда, клиент ҷамъ мекунанд. Чаро мақомоти дахлдор оид ба ин мушкилот корҳои фаҳмондадиҳӣ намебаранд?

Владимир Тимошков-дӯсти Сергей Скрипал-ҷосуси собиқи Русия, ки оғози моҳи марти имсол дар Англия заҳролуд шуд, гуфт, Сергей чанд вақт пеш ба Владимир Путин нома навишта, хоста буд, ки иҷоза диҳад, ӯ ба Русия баргардад. Ба қавли Тимошков, ӯ дар номааш худро хоин надониста, айни замон аз он таассуф хӯрдааст, ки ҷосуси дугона буд, яъне барои 2 кишвар кор мекард. Ёдовар мешавем, ки Скрипал ва духтари 33-солааш Юлия 3 ҳафта боз дар ҳолати кома-беҳушӣ дар бемористони Лондон ҳастанд.

Президенти Қазоқистон Нурсултон Назарбоев дар рӯзи таҷлили Наврӯз бо 1 сафари ғайриинтизор меҳмони президенти Узбекистон Шавкат Мирзиеёв шуд ва ба ш.Самарқанд рафт. Вебсайти Мирзиёев навишт, ки мулоқоту музокироти президентони Узбекистону Қазоқистон дар худи Самарқанд сурат гирифт. Дар ин мулоқот сӯҳбат аз зарурати пешравии ҳамкориҳо рафтааст.

Ҳайати эҷодии Газетаи мардумии СССР дар рӯзҳои наврӯзӣ аз 22 то 26 марти соли ҷорӣ дар вилояти Суғд қарор дошт ва дар баробари ширкат дар тантанаҳои идонаи мардуми шаҳрҳои Хуҷанду Исфараву Истаравшан ва ноҳияҳои Бобоҷон Ғафурову Мастчоҳ, ҳамчунин ба бархе аз руасо, ки сазовори эътимоди мардуми диёр гашта, дар лоиҳа-озмуни «Раиси мардумӣ кист?» овозҳои бештарро соҳиб шуданд, ҷоиза ва дипломҳои вежаи Газетаи мардумии СССРро бо тантана супорид. Наврӯзи СССР дар Суғд чӣ гуна гузашт, ҳатман бароятон хоҳем гуфт. Бо мо бош, хонанда, ки Мо метавонем!