Узви Ихвон-ал-СССР, Ҳомид Расулов (тел: 92 729 32 90) сокини деҳаи Ферегати ноҳияи Мастчоҳ дар меҳмонии СССР гуфт, ки ман ҳамин ҳоло аз қисми ҳарбии №87740, воқеъ дар ноҳияи Абдураҳмони Ҷомӣ баргаштам, ки он ҷо ҷиянам-Файзизода Мунаффар нав савганд ёд карду ба хизмат шуруъ намуд. Лақаби ман дар Мастчоҳ «афғон» аст, аз он ки ҷанговари башардӯст ҳастам. Инро ба он хотир гуфтам, ки доимо хизмат дар Артиши миллиро дар байни ҷавонон таблиғ менамоям. Таблиғоти ман дар хусуси хизмат дар Армия чунин аст: «Гови нар барои куштан аст! Оне, ки аз хизмат мегурезад, духтар аст ва духтар барои шавҳар кардан!!! Агар аз хизмат метарсӣ, раву шавҳар кун! Йигит барои ҷанг аст ва ӯ бояд дар набард бошад!». Ин аст, ки ман аз пеши худ 2 писарамро ихтиёран ба артиш фиристодам. 1 писарам-Беҳрӯз дар 1 қисми ҳарбӣ воқеъ дар ноҳияи Восеъ хизмати ҳарбиро адо намуд. Писари дувумам-Некрӯз низ дар н.А.Ҷомӣ хизмат кардан дорад. Ин ҷои таъриф нест, на танҳо дар ноҳия, балки дар қаламрави вилояти маро бо тахаллуси «афғон» мешиносанд ва эҳтиромам мекунанд. Эҳтироми ман аз он аст, ки ҳар кору амал ва тасмиме барои ободии Ватан аст, якумин шуда аз ҷо мехезам!

27.05.1940 дар пойтахти Мексика-шаҳри Мехико аввалин суиқасд ба ҷони Лев Давидович Тротский, яке аз чеҳраҳои намоёни ҳизби болшевикӣ ва душмани сарсахти Иосиф Сталин ба вуқуъ пайваст. Левро яке аз меъморони инқилоби октябрӣ муаррифӣ мекунанд. Ҳатто Сталин низ инро эътироф мекард ва дар ёддоштҳояш навишта буд:

26.05.1918.Федератсияи ҷамоҳири он сӯи Қафқоз (ЗСФР) ба 3 ҷумҳурии мустақил, РСС Гурҷистон, РСС Арманистон ва РСС Озарбойҷон тақсимбандӣ гардид.

26.05.1928. ФИФА дар нишасти навбатии худ қарор дод, ки дар ҳар 4 сол 1 бор чемпионати ҷаҳонии футболро баргузор гардонад.

Холиқов Ҳикматулло бо гурӯҳи экстремистӣ-террористии «Давлати исломӣ» шиносоӣ пайдо намуда, онҳоро қабул ва ҷонибдорӣ карда, хилофи ғайриқонунӣ будани иштироки шаҳрвандони Тоҷикистон дар воҳиди мусаллаҳ, задухӯрди мусаллаҳона ё амалиёти ҷангӣ дар ҳудуди дигар давлатҳо, ки хилофи қонун асту ҷиноят эътироф шудааст, дидаю дониста мақсади ба давлати Сурия рафтан ва дар амалиётҳои ҷангӣ дар сафи гурӯҳи террористӣ иштирок намуданро кардааст.
А.Сафозода-судяи суди вилояти Хатлон дар сӯҳбат бо хабарнигори СССР афзуд, ки Холиқов (с.тав.1989), сокини деҳаи «Ҷонназартеппа»-и ҷамоати деҳоти Н.Хусрави н.Қубодиён, муҷаррад аст. Баъди хатми мактаби миёна бо хоҳиши бародараш Ҳадятулло ба Федератсияи Русия, шаҳри Қазони Тотористон рафта, ба сохтмонӣ машғул будааст. Дар ин муддат ӯ бо мақсади шиносоӣ аз пайравони «ДИИШ» аз тамошои наворҳои ҷонибдорони «Давлати исломии Ироқу Шом» дар сомонаи иҷтимоиии «Одноклассники», Ватсап бо номи мустаори «Мустафо» пайваст шуда, ҷиҳод намуданро дар ҳудуди кишвари Сурия бар зидди Ҳукумати қонунии арабии Сурия ташвиқ ва тарғиб мекардааст.

«Муҷоҳид»-и ношуд...
Ҳикматулло ҳамроҳи Умар ном шахс бо мақсади иштирок намудан дар воҳиди мусаллаҳ ё амалиёти ҷангӣ дар ҳудуди давлати Сурия дар сафи ташкилоти экстремистӣ-террористии «Давлати исломӣ» чиптаи ҳавопаймои хатсайри Москва-Истанбулро харидорӣ намуда, ба Туркия сафар намудааст. Санаи 18.11.2016 Ҳикматулло кӯшиши аз ҳудуди ҷумҳурии Туркия ба ҷумҳурии арабии Сурия сафар карданро кардааст, аммо дар шаҳри Килиси Туркия аз ҷониби кормандони ҳифзи ҳуқуқи ин кишвар боздошт шуда, ба Тоҷикистон фиристода шудааст. Додгоҳи вилояти Хатлон нисбати Холиқов бо моддаҳои 32, қисми 3-401 прим 1, Кодекси ҷиноятии ҶТ 12 солу 6 моҳ аз озодӣ дар колонияҳои ислоҳии дорои низомаш сангин таъин намуд.

406 хатлонӣ дар ҷанги Сурия
Тибқи маълумоти омори мақомоти қудратии вилояти Хатлон то ба имрӯз 406 нафар - 298 нафар мард, 46 нафар зан, 62 нафар ноболиғ дар муқовиматҳои мусаллаҳонаи кишварҳои Сурия ва Ироқ ҳастанд ва меҷанганд. Ҳамзамон то ба имрӯз нисбати 377 нафар аз шуъбаи тафтишоти КДАМ дар вилояти Хатлон 81 адад ва дар ҳамбастагӣ бо дигар мақомоти ҳифзи ҳуқуқ 298 адад парвандаҳои ҷиноятӣ бо моддаи 32, қисми 3 ва 401, яъне «ҷалб ва иштироки ғайриқонунии шаҳрвандони Тоҷикистон ва шахсони бешаҳрванд дар воҳиди мусаллаҳ, задухӯрди мусаллаҳона ё амалиёти ҷангӣ дар қаламрави дигар давлатҳо» оғоз карда шудааст ва идома дорад. Аз н.Бохтар дар ДИИШ 92 нафар меҷанганд, аз инҳо 6 нафар зан ва 16 ноболиғ мебошанд, нисбати 78 нафар парвандаи ҷиноятӣ оғоз карда шудааст. Тибқи маълумоти Кумитаи давлатии амнияти миллӣ дар вилояти Хатлон, аз ин миён 17 нафарашон дар задухӯрди мусаллаҳона дар Сурия ва Ироқ кушта шуда, 61 нафари онҳо дар ҷустуҷӯ қарор доранд.

Баҳодур Уроқов,
СССР, вилояти Хатлон

Дар натиҷаи гузаронидани чорабиниҳои оперативӣ-ҷустуҷӯии муштарак бо субъектони муборизабарандаи терроризм ва экстремизми давлати Туркия, санаи 12.05.2017 шаҳрванди Ҷумҳурии Қирғизистон Кобилжан Уғли Хусанбой, ки шиносномаи шаҳрванди Ҷумҳурии Тоҷикистон Ғаюров Ҳидоятуллоро истифода мебурд, дар гумонбарӣ ба содир намудани ҷиноятҳои хусусияти экстремистӣ-террористидошта ва ҳангоми суиқасди гузаштани сарҳади давлати Туркия – Сурия ва ҳамроҳ гардидан ба сафи аъзоёни ташкилоти террористии «Давлати исломӣ» дастгир карда шуда, бо хатсайри Истанбул – Душанбе ба Ҷумҳурии Тоҷикистон оварда шуд.
ЧУноне ки сомонаи расмии ВКД ҶТ хабар медиҳад, дар натиҷаи ба роҳ мондани чорабиниҳои оперативӣ-ҷустуҷӯии иловагӣ муайян карда шуд, ки шаҳрванди Ҷумҳурии Қирғизистон Кобилжан Уғли Хусанбой, соли таваллудаш 1994, миллаташ ӯзбек, зода ва сокини вилояти Ош, шаҳри Узген, кӯчаи Ором-7 буда, шиносномаи шаҳрванди Ҷумҳурии Тоҷикистон Ғаюров Ҳидоятулло Давлатович, соли таваллудаш 1989-ро ғайриқонунӣ истифода бурдааст. Оид ба ҳодисаи мазкур тафтишот идома дорад.

СССР

Ба хотири дар моҳи шарифи Рамазон боло нарафтани нархи маҳсулот ва таъмини бозорҳо бо маҳсулоти нисбатан арзони мавриди ниёзи аввал Рустами Эмомалӣ, раиси ш. Душанбе ба роҳбарони КВД «Оид ба истеҳсол, харид, захира  ва фурӯши маҳсулоти мавриди ниёзи аввал дар шаҳри Душанбе», «Бозори Деҳқон», «Бозори  Шоҳмансур», «Бозори Саховат» ва дигар идораю муассисаҳои дахлдор дастур дод, ки тӯли ин моҳ барои соҳибкорону тоҷирон, Агентии захираҳои моддии давлатии назди Ҳукумати ҶТ ва иттифоқи «Тоҷикматлубот», ки ба бозорҳо маҳсулот мебароранд, шароит фароҳам оранд ва онҳоро аз пардохти маблағҳои яквақта озод намоянд.
Инчунин, тибқи қарори махсуси раиси ш. Душанбе дар моҳи шарифи Рамазон дар таваққуфгоҳи назди КВД «Бозори меҳргон», майдончаи назди бозори «Қарияи Боло», майдончаи назди Кумитаи меъморӣ ва сохтмон воқеъ дар кӯчаи Ҳусейнзода-36, қисмати ҷанубии Боғи «Дӯстии халқҳо» аз ҷониби кишоварзони минтақаҳои гуногуни мамлакат ярмарка-фурӯши молу маҳсулот доир карда мешавад. Илова бар ин, маъмурияти бозорҳо вазифадор шуданд, ки бевосита бо истифода аз маблағҳои молиявии худӣ, ҳамарӯза дар моҳи шарифи Рамазон мустақиман харид, ворид, захира ва фурӯши маҳсулоти аввалияро дар бозорҳо таъмин кунанд.     

СССР
 

Арбоби ҳунари Тоҷикистон Ҳошим Гадо аз намояндаи махсуси Президенти Федератсияи Россия оид ба муносибатҳои байналмилалии фарҳангӣ М. Швидкой ва вазири фарҳанги Федератсияи Россия В. Р. Мединский бахшида ба   80-солагии  Ҳошим Гадо барқияи шодбошӣ қабул намуд.
Дар матни ин барқия омадааст, ки Ҳошим Гадо ҳунарпешаи нотакрор, коргардони моҳир ва мутафаккири хирадмандест, ки на танҳо дар Тоҷикистон, балки берун аз он низ эътироф гардидааст. Фаъолияти бисёрсолаи ӯ дар рушди фарҳанги тоҷик дар ҳақиқат сазовори таҳсин ва эҳтиром  аст.
Хотиррасон менамоем, ки 10 майи соли 2017 ба зодрӯзи Ҳунарпешаи халқии Тоҷикистон, Ҳунарпешаи халқии СССР, дорандаи Ҷоизаи давлатии ба номи Рӯдакӣ ва Ҷоизаи давлатии СССР Ҳошим Гадо 80 сол пур шуд. Он рӯз бо президенти Ҷумҳурии Тоҷикистон Эмомалӣ Раҳмон Ҳошим Гадоро бо унвони ифтихории «Арбоби ҳунари Тоҷикистон» сарфароз гардонид.

СССР
 

Шоми дирӯз президенти ҶТ Эмомалӣ Раҳмон тариқи шабакаҳои телевизионии мамлакат суханронӣ намуда тамоми ҷавонони кишварро бо Рӯзи ҷавонон, ки ҳамасола 23 май таҷлил мегардад, табрик намуд. Ӯ таъкид намуд, ки ҷавонон нерӯи созанда ва тавонои Тоҷикистон буда пешбарандаи ҷомеа ҳастанд.
«Боиси қаноатмандиву ифтихор аст, ки имрӯз ҷавонони мо доир ба мафҳумҳои ҳувияти миллӣ, худшиносиву худогоҳӣ ва масъалаҳои ҷамъиятиву давлатӣ назари солиму огоҳона ва диди густурда доранд, ки ин нишонаи возеҳи ташаккулёбии мафкураи соҳибватанӣ ва хештаншиносии насли ояндасози мамлакат мебошад.
Дар раванди давлатсозӣ ҷавонони мо дуруст дарк кардаанд, ки ширкати фаъолона ва саҳмашон дар марҳалаи кунунии ободсозии ватан, пеш аз ҳама, ба манфиати худи онҳо мебошад, зеро фардо худашон дар ҳамин сарзамин зиндагӣ карда, масъулияти идораи давлат ва рушди онро ба зиммаи хеш мегиранд.
Ҳамчунин, қобили зикр аст, ки ҷавонони даврони истиқлолият таҳаввулоту равандҳои ҷаҳони муосирро дуруст дарку таҳлил намуда, барои омӯзиши илму донишҳои замонавӣ, техникаву технологияҳои иттилоотиву коммуникатсионӣ ва забонҳои хориҷӣ пайваста азму талош мекунанд.
Тараққӣ додани варзиш ва ташвиқу тарғиби тарзи ҳаёти солим дар байни наврасону ҷавонон низ яке аз самтҳои муҳимтарини фаъолияти сохтору мақомоти давлатӣ маҳсуб меёбад, зеро наврасону ҷавонон ҳар қадар солим бошанд, давлату миллат низ ба ҳамон андоза нерӯманду тавоно мегардад. Хизмати содиқона кардан ба Ватан — модар, ҳифз намудани марзу буми он ва ҳушёр будан дар ҳимояи манфиатҳои давлату миллат қарзи фарзандии ҳар як ҷавони бонангу номус ва далеру қавиирода мебошад.
Дар шароити бисёр мураккабу печидаи ҷаҳони муосир, хусусан, афзоиш пайдо кардани таҳдиду хатарҳои нав, аз қабили экстремизму терроризм ҷавонони моро зарур аст, ки ба шукронаи давлати соҳибистиқлолу соҳибихтиёр барои суботу пешрафти сарзамини аҷдодӣ ҷаҳду талош намоянд. Хотиррасон менамоям, ки ифротгароиву хурофотпарастӣ сарчашмаи ҷаҳолату торикӣ буда, ба миллату давлат танҳо бадбахтӣ меорад ва ба рушду тараққиёти ҷомеаву давлат монеаи ҷиддӣ эҷод мекунад.» омадааст дар паёми Эмомалӣ Раҳмон ба ҷавонон.

СССР