29.05.1965. Дар пойтахти Олмони Демократӣ-шаҳри Берлин, чемпионати XVI-уми Аврупо оид ба бокс баргузор шуд. Дар он боксчиёни шӯравӣ аз 10 медали тилло 8 медали тилло ба даст оварданд.
29.05.1975. Дар РСС Беларуссия истеҳсоли бузургтарин мошини боркаш дар СССР - «БелаАЗ-7520» ба роҳ монда шуд.
29.05.1988.Сафари расмии президенти ИМА Роналд Рейган ба СССР. Ӯ дар ин сафар шахсан бо М.Горбачев, ки тибқи назари баъзе, дастнишондаи ғарбиҳо буд, вохӯрд. Аслан вазифаи Горбачев таҳрики мардум ва амал накардан ба ваъдаҳояш буд, ки хеле хуб аз ӯҳдаи вазифааш баромад. Ҳеҷ ваъдаи додаашро амалӣ накард ва мардум ҳам аз ин ба дод омада, ба майдонҳо рехтанд.
30.05.1918.Дар Русияи Шӯравӣ Георгий Чичерин Комиссари халқии корҳои хориҷӣ таъин шуд. Ӯ дар ин симмат Лев Тротскийро ҷойгузин карда, яке аз боистеъдодтарин афрод дар ҳукумати болшевикӣ будӣ.
31.05.1918. Баъди пошхӯрии импературии Австро-Венгрия, дар Питсбурги ИМА чехҳо бо словакҳо иттиҳоди сиёсӣ баста, кишвари нав-Чехословакияро таъсис доданд. Ин кишвар чанд даҳсола арзи вуҷуд карда, ахир чехҳо ва словакҳо дубора аз ҳам ҷудо шуда, ҳар кадом кишвари мустақили худро созмон доданд.
31.05.1943.Дар совхозҳо ва МТСҳои шӯравӣ шӯъбаҳои сиёсӣ барҳам дода шуданд.
1.06.1922.Дар СССР аввалин хатсайри ҳавоии байналмилалӣ Маскав-Кёнигсберг ифтитоҳ ёфт.
1.06.1931.СССР бо ИМА шартномаи ҳамкорӣ баст ва тибқи он муҳандисони амрикоӣ мебоист дар сохтмони 90 заводи металлургии СССР ширкат мекарданд. Онҳо воқеан вориди СССР шуда, дар интустриякунонии аввалин кишвари шӯроҳо саҳми бориз гузоштанд. Ҳатто дар Тоҷикистон ҳам муҳандисони амрикоӣ дар сохтмони канали калони Вахш ширкати фаъолона доштанд. Дар ин боб ҳатто филми маъруфи «Одам пӯсташро иваз мекунад» ба навор гирифта шудааст.
2.06.1924. Ҳукумати болшевикӣ ҳайъати Бюрои сиёсии баъдиленинии ҳизби коммунистро интихоб намуд. Ба Бюро Бухарин, Зиновев, Каменев, Риков, Сталин, Томский ва Тротский шомил шуданд. 1 гурҷӣ ва 6 яҳудӣ.
22.05.1940. Дар СССР бо Фармони Раёсати Шӯрои Олӣ медали тилоии «Досу болға» таъсис дода шуд. Онро ба Қаҳрамонони Меҳнати Сотсиалистӣ тақдим мекарданд.
22.05.1950. Ҳукумати коммунистии Чин ба мардуми Тибет мухторияти ҳудудиро пешниҳод кард, албатта ба шарте, ки ин минтақа ба тобеъияти ҳукумати коммунистӣ дарояд.
22.05.1972. Аввалин сафари Президенти ИМА Ричард Никсон ба СССР.
23.05.1963. Ҳукумати СССР ба Фидел Кастро унвони Қаҳрамони Иттиҳоди Шӯравиро дод.
24.05.1918. Киштии ҷангии амрикоӣ-»Олимпия» вориди халиҷи Колск шуд ва ба мудохилаи ҳарбии ИМА дар шимоли Русия, ҳини ҷанги шаҳрвандӣ оғоз бахшид.
24.05.1977. Пленуми КМ ҲКИШ лоиҳаи Сарқонуни нави СССРро таъйид кард ва ба Раёсати Шӯрои Олии кишвар тавсия дод, лоиҳаи Сарқонунро ба муҳокимаи умумии мардум гузорад.
25.05.1926. Дар пойтахти Фаронса-шаҳри Париж пешвои миллигароёни украинӣ Симон Петлюра ба қатл расид. Ӯро террористи яҳудӣ Шалом Швартсбард барои қатли оми яҳудиён дар Украина кушт.
25.05.1956. Бо Фармони Раёсати Шӯрои Олии СССР аз 1.07.1956 дар аввалин кишвари Шӯроҳо, барои коргарон ва хизматчиёни аз 16 то 18-сола рӯзи кории 6-соата ҷорӣ карда шуд.
25.05.1957. Дар ш.Маскав «Украина»-меҳмонхонаи бузургтарин дар СССР ифтитоҳ ёфт.
25.05.1989. Дар Маскав Анҷумани 1-уми вакилони мардумии СССР ба кор шурӯъ кард. Дар он М.Горбачев Раиси Шӯрои Олии СССР интихоб шуд.
26.05.1918. Федератсияи Закавказия ба 3 ҷумҳурии ҷудогона-РСС Озарбойҷон, РСС Гурҷистон ва РСС Арманистон тақсимбандӣ шуд.
26.05.1947. Дар СССР ҳукми қатл бекор ва албатта с.1950 дубора барқарор карда шуд.
26.05.1991. Дар Гурҷистон интихоботи президентӣ доир шуд ва дар он Звиад Гамсахурдиа, яке аз миллигароёни гурҷӣ ғалаба карда, президенти Гурҷистон шуд.
14.05.1917. Дар Маскав аввалин Анҷумани умумирусиягии мусалмонҳо ифтитоҳ ёфт. Дар Анҷуман наздики 800 вакил аз ташкилот ва ҳизбҳои гуногун ширкат варзиданд. Танҳо вакилони мусалмони ба болшевикон пайваста, аз ширкат дар кори ин Анҷуман худдорӣ карданд.
14.05.1972. Дар шаҳри Каунаси РСС Литва, ҷавони литвонӣ Ромаз Каланта ба нишони эътироз аз ишғоли кишвараш тавассути СССР худро оташ зад.
14.05.1990. Президенти СССР Михаил Горбачев бо Қарори худ Эъломияҳои соҳибистиқлолии Литва ва Эстонияро ғайриқонунӣ эълон кард.
15.05.1934. Дар СССР бо Қарори КМ ВКП(б) ва ШКХ СССР, таълими ҳатмии таърихи пеш аз инқилобии кишвар дар мактабҳои СССР роҳандозӣ гардид.
15.05.1943. Дар Маскав бо қарори ҳукумати Шӯравӣ Коминтерн (Интернатсионали саввум) расман пароканда карда шуд.
16.05.1930. Дар СССР дар тамоми соҳаҳои истеҳсолот тарификатсияи музди меҳнат аз нав роҳандозӣ гардид. Миқдори (норма) коркард зиёд карда шуда, нархи он поин бурда шуд. Дар натиҷа музди меҳнати кормандон дар кишвар якуним-ду маротиба коҳиш ёфт.
16.05.1966. Роҳбари Чин Мао Дзэдун бо қарори худ дар Чин, «инқилоби маданӣ»-ро роҳандозӣ намуд..
17.05.1918. Дар минтақаи Сибири Русия шӯриши корпуси чехословакӣ оғоз мегадад. Шӯриши ин корпусро бисёриҳо оғози ҷанги шаҳрвандӣ дар Русия қаламдод мекунанд.
17.05.1919. Дар Русияи шӯравӣ моликияти калисоиҳо ва ташкилотҳои динӣ миллӣ кунонида шуд.
17.05.1944. Дар СССР Ҷумҳурии автономии Қрим барҳам дода шуд. Дар як шаб наздики 200 ҳазор тоторони Қрим ба навоҳии Осиёи Миёна, Урал ва назди Волга бадарға гардиданд.
17.05.1956. Дар СССР Қарори КМ ва Шӯрои Вазирон бобати фиристодани ҷавонон барои кор ба сохтмонҳо ва корхонаҳои муҳимтарин дар навоҳии шарқӣ ва шимолии кишвар ба тасвиб расид.
17.05.1960. Дар пойтахти Фаронса, шаҳри Париж конфронси халъи силоҳ миёни 4 кишвар (ИМА, СССР, Фаронса ва Англия) ба кори худ шурӯ кард. Аммо дар ҳамон лаҳзаҳои аввали ифтитоҳи ин конфронс, намояндагони Шӯравӣ ба нишони эътироз онро тарк карданд ва конфронс сар нашуда, ба итмом расид.
18.05.1967. Дар СССР Юрий Андропов, Раиси Кумитаи Бехатарии Давлатӣ дар назди Шӯрои Вазирони СССР таъин гардид.
19.05.1922. Дар СССР Конфронси умумииттиҳодии комсомол қарор «Бобати таъсиси дастаҳои пионерӣ дар сар то сари кишвар»-ро ба тасвиб расонид. Ин сана дар СССР чун Рӯзи таъсиси ҳаракти пионерӣ васеъ ҷашн гирифта мешуд.
3.05.1919. Охирон нишасти ҳукумати Ҷумҳурии Шӯравии Бавария. Ин Ҷумҳурии шӯравӣ таҳти таъсири бевоситаи инқилоби болшевикии Русия 13.04.1919 таъсис ёфт. Ба аввалин ҳукумати ҶШБ драматург, сиёсатмадор, носир, сенариянавис, шоир, адвокати немис Эрнст Толлери 25-сола сарварӣ мекард.
3.05.1957. Дар Иттиҳоди Шӯравӣ бо қарори ҳукумат бештари колхозҳо ба совхозҳо табдил дода шуданд.
3.05.1991. Дар пойтахти Намибия-шаҳри Виндхук ҳуҷҷате ба имзо расид, ки бо "Эъломияи Виндхук" маъруф шуд. Он аз тамоми ҳукуматҳои кишварҳои дунё даъват мекард, ки озодии матбуот ва хусусияти демократии онро таъмин намоянд. Ин рӯз бо қарори ЮНЕСКО чун Рӯзи ҷаҳонии озодии матбуот ҷашн гирифта мешавад.
4.05.1946. Бюрои сиёсии КМ ВКП(б) бо қарори худ дар кишвар Нашриёти давлатии адабиёти хориҷӣ ва китобхонаҳои адабиёти хориҷиро роҳандозӣ кард.
4.05.1960. Шӯрои Вазирони СССР қарор "Оид ба тағйири меъёри қимматҳо ва иваз кардани пули ҷорӣ бо пули нав"-ро ба имзо расонид. Тибқи ин қарор 1.01.1961 дар СССР пули нав ҷорӣ ва нархҳо 10 баробар поин оварда шуданд.
4.05.1990.Шӯрои Олии РСС Латвия шомил шудани Латвияро ба СССР зери танқиди сахт гирифта, барқарор шудани соҳибистиқлолии ин кишварро эълон кард.
5.05.1912.Аввалин шумораи рӯзномаи "Правда" рӯи чоп омад. Ин рӯз то декабри с.1991 дар СССР ва кишварҳои хориҷии сотсиалистӣ чун Рӯзи матбуот ҷашн гирифта мешуд.
5.05.1949.Дар пойтахти Англия-шаҳри Лондон Низомномаи Шӯрои Аврупо ба имзо расид.
Маркази Шӯрои Аврупо ва ташкилотҳои идории он шаҳри Страсбург интихоб карда шуд. Ин рӯз дар Аврупо чун “Рӯзи Аврупо” ҷашн гирифта мешавад.
6.05.1990.Ҷумҳурии Шӯравии Молдавия марзи давлатиашро бо Руминияи ҳамнажоду ҳамзабон боз кард.
7.05.1934. Дар вилояти Амури СССР бо қарори Иосиф Сталин Вилояти мухтори яҳудӣ таъсис дода шуд. Маркази вилоят шаҳри Биробиджан таъин гардид.
7.05.1985.Шӯрои Вазирони СССР қарор "Оид ба чораҳои бартараф кардани бадмастӣ ва шаробхорӣ ва решакан кардани самагонпазӣ"-ро ба тасвиб расонид. Ин қарор миёни мардум эътирози зиёдеро ба бор овард ва буҷаи СССРро аз даромади ҳангуфт маҳрум намуд.
30.04.1920. Оғози ҷанги РСФСР бо Полша. Дар ин рӯз нерӯҳои поляк ба ҳуҷум гузашта, манотиқи зиёдеро дар Украина ва Беларусия ба тассаруф дароварданд. Худи ҳамон рӯз бо сабаби ҳуҷуми полякҳо дар рӯзномаи «Правда» Муроҷиати КМИ ва ШКХ РСФСР «Ба тамоми коргарон, деҳқонон ва шаҳрвандони содиқи Русия» ба нашр расид, ки аз мардум даъват мекард ба Артиши Сурхро дар мубориза бо полякҳо кӯмак кунанд.
30.04.1944. Дар СССР бо қарори махсуси ҳукуматӣ мактабҳои коргарони ҷавон таъсис дода шуданд.
30.04.1945. Дар Берлин, пойтахти Рейхи саввум Адолф Гитлер ва маъшуқааш Ева Браун даст ба худкушӣ заданд.
30.04.1960. Дар рӯзномаҳои СССР аввалин хабар бобати кашфи нафт дар ҷангалзори Тюмен ба нашр расид. Кашфи нафт дар Сибир барои СССР аҳамияти вежа дошт ва фурӯши нафт солҳи тӯлонӣ қисмати зиёди будҷаи СССР-ро таъмин мекард.
30.04.1961. Роҳбари Куба Фидел Кастро соҳиби ҷоизаи сулҳи Ленинӣ гардид.
1.05.1890. Барои авваллин бор, ҷашни байналмилалии 1 Май аз ҷониби коргарони Австро-Венгрия, Белгия, Олмон, Дания, Испания ва дигар кишварҳои Аврупо таҷлил гардид.
1.05.1891. Аввалин ҷашнгирии 1 Май дар Русия. 1 Майро дар Русия бори аввал, гурӯҳи сотсиал демократҳо бо сарварии М. Бруснев дар Петербург таҷлил намуданд.
1.05.1907. Дар бештари пойтахтҳои кишварҳои аврупоӣ, роҳпаймоии меҳнаткашон бахшида ба иди 1 Май баргузор гардиданд. Аммо аз ҳама пуршӯртар 1 Майро дар пойтахти Полша, шаҳри Варшава бо корпартоии умумии коргарон истиқбол намуданд.
1.05.1918. Дар майдони Ходински Маскав, аввалин паради ҳарбии Артиши Сурх доир гардид.
2.05.1945. Артиши Шӯравӣ дар рафти амалиёти Берлин, комилан пойтахти Рейхи саввумро ба тассаруф даровард.
2.05.1949. Дар СССР аввалин пахши телевизионии бозии футбол намоиш дода шуд. Дар ин бози дастаҳои Динамо ва ЦДКА бо ҳам қувваозмоӣ намуданд.
3.05.1957. Дар СССР бо қарори ҳукумати марказӣ колхозҳо ба совхозҳо тағйир дода шуданд.
22.04.1870. Дар шаҳри Симбирски Россия Владимир Ленин (Улянов), ходими сиёсӣ ва давлатӣ, инқилобгаро, бунёдгузори ҳизби болшевикӣ ва яке аз ташкилкунандагон ва роҳбарони Инқилоби октябрии соли 1917 таваллуд шуд.
22.04.1913. Дар пойтахти Россия-шаҳри Петербург аввалин шумораи рӯзномаи «Правда», ниҳоди матбуотии РСДРП рӯи чоп омад.
22.04.1918. Дар Россияи Шӯравӣ бо қарори КМИ таълими умумии ҳарбии меҳнаткашон ҷорӣ карда шуд.
22.04.1931. ШКХ-и СССР қарор бобати шаҳрвандии шӯравиро ба тасвиб расонид.
22.04.1975. Дар СССР сохтмони БАМ (роҳи оҳани Байкалу Амур) оғоз меёбад. БАМ яке аз бузургтарин сохтмонҳои собиқ СССР ба шумор рафта, нақши муҳиме дар иқтисоди шӯравӣ дошт.
23.04.1918. Дар РСФСР Декрети ШКХ «Бобати милликунонии савдои беруна» нашр гардид, ки монополияи давлатиро ба савдои беруна ҷорӣ мекард.
23.04.1929. Дар Маскав Конфронси XVI-уми ВКП(б) оғоз гардида, дар он нақшаи панҷсолаи 1-ум қабул гардид.
23.04.1985. Дар Маскав Пленуми апрелии КМ КПСС баргузор гардид, ки дар он оғози давраи бозсозӣ эълон карда шуд.
24.04.1965. Дар РСС Арманистон бори аввал Рӯзи ёдбуди қурбониёни қатли омми (генотсид) арманиҳо дар Туркияи усмонӣ дар солҳои 1915-1923 баргузор карда шуд.
25.04.1917. Дар Россия бори аввал дар таърихи ин кишвар Қонун бобати озодиҳои ҷамъомадҳо ва анҷуманҳо қабул карда шуд.
25.04.1945. Дар рафти ҶБВ сарбозони шӯравӣ ва амрикоӣ дар соҳили дарёи Элба бо ҳам дидор намуданд.
26.04.1920. Дар Осиёи Миёна ба ҷои хонигарии Хева Ҷумҳурии Халқии Шӯравии Хоразм таъсис дода шуд.
26.04.1986. Садама дар Нерӯгоҳи атомии Чернобили РСС Украина. Ин садама яке аз бузургтарин фоҷеаҳо дар СССР ба шумор рафта, оқибатҳои он то ба ҳол бартараф нагардидаанд.
27.04.1918. Дар РСФСР Декрети КМИ бобати бекор кардани ҳаққи меросбарӣ ба тасвиб расид. Ин Декрет соли 1922 бекор карда шуда, то ин замон, дар аввалин кишвари Шӯроҳо касе аз касе ирс намебурд.
27.04.1963. Роҳбари инқилобии Куба Фидел Кастро Рус бори аввал ба Маскав ташриф овард.
ХАБАРҲОИ ОХИРИН
- Деваштич: об нест, барқ проблема, картошка сӯхт... Назар
- Асрори мадрасаи Хоҷа Сарбоз Назар
- “Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030” Назар
- Резаахбор Назар
- Бародар қарори судро иҷро намекунад… Назар
- Таъминот кори мактаб нест Назар
- Абуҳанифа: таоруфи миллӣ ва Ислом Назар
- Беадолатӣ дар футболи тоҷик Назар
- Редаксия супориш дод: Чилучорчашма рав! Назар
- «Мардон» - мушкили №1 дар Душанбе Назар
- Дар як сатр Назар
- Адвокати хайрхоҳ меҷӯям… Назар
