Ин навиштаҷотест, ки пештоқи ҳамаи биное, ки он ҷо беморон табобат мешаванд, насб шудааст. Ба андешаи ман беморхона гуфтан хушоҳанг набуда, дар ҳар шахс эҳсосоти нохуберо ба вуҷуд меоварад. Воқеан беморхона  маконест, ки дар он макон касал, мариз, ранҷур муввақатан табобат мегирад. Бемористон ё беморхона хушоҳанг нест.

Агар дуруст андеша кунем, мебинем, ки касал, мариз аввалтар аст, баъдан барои илоҷи мариз ё ки касал дармон ё ки тадбир лозим меояд. Бинобар ҳамин ба ҷойи беморхона, дармонгоҳ гуфтан саҳҳеҳтар асту ҳам хушоҳангтар. Чунки дармонгоҳ ҷой ё ки маконест, ки бемор дар он ҷо табобат мегирад. Истилоҳи дармон муқобили беморӣ аст. Ба андешаи ман беморхона ҳаргиз ҷои маънои дармонгоҳро гирифта наметавонад. «Беморӣ» чизи дигар асту дармон чизи дигар.

Бинобар ҳамин пешниҳод мекунам ба ҷои «Беморхона» «Дармонгоҳ» нависем  . Ҷои дигар мехонем «Шуъбаи амрози қалб»- амроз ва қалб истилоҳ ё ки вожаи арабӣ аст.Чаро нанависем «Дармонгоҳи бемориҳои дил» ё ки  вожаҳои арабиро истифода бурдан бофарҳангии моро нишон медиҳад?

Муҳамадулло Аминов 

Президенти Россия Владимир Путин қабри президенти аввали ин кишвар Борис Елтсинро зиёрат кард. Путин Елтсинро масъулиятшинос хонд ва хеле аз ӯ ситоиш карда, гуфт: Елтсин Россияро дар яке аз сахттарин давраҳои таърихӣ, гуфтан мумкин давраи ҳассос сарварӣ кард. Елтсин аз дигарҳо бо ин фарқ мекард, ки ҳеҷ гоҳ аз пазируфтани масъулият намеҳаросид. Қисмат ба дӯши ин мард масъулияте гузошт ва Борис Николаевич бо сарбаландӣ ин масъулиятро иҷро кард. Кишвар бояд ҳеҷ гоҳ ин гуна афродро фаромӯш накунад. 

PS. Владмир Владимирович каме иғроқ мекунад. Ин Елтсин буд, ки Россияро ба он ҳолати “ҳассос” расонид. Чандон масъулиятшинос ҳам набуд. Ҳазорон ваъдаи хушку холӣ доду ҳеҷ кадомашро иҷро накард. Вале Путин дуруст мегӯяд кишвар бояд Елтсину елтсинбаринҳоро дар хотир дошта бошад ва ҳеҷ гоҳ фаромӯш накунад... 

   Нисбати кор накардани ноқилҳои интенетии ширкати “Tcell” дар боғи “Куруши Кабир”-и пойтах, дар бораи ҳадя намудани 50 мегабайт бар ивази маблағи муштариён аз ширкати “Babilon” ва дар бораи якчанд мушкилиҳои ширкати “Мегафон”-у “Билайн” борҳо гуфта будем. Аммо ва мутаассифона, қисмати зиёди ин мушкилиҳо ҳалли худро пайдо накарда, бар замъи ин, ҳама мутасаддиён ҳатто вокунише наменависанд...

Чатҳои онлайнии дурӯғин

   Ширкатҳои мобилӣ ба ҳама ҷо даст дароз карда, фаъолияти худро таблиғ мекунанд ва мардум гумон мекунад, ки инҳо пештарин ва беҳтаринанд. Аммо ба оддитарин мушкилӣ посухи расмӣ гуфта наметавонанд. Бубинед, барои пешрафти кори муштарӣ ва дастрасӣ бо оператор, ширкатҳои мобилӣ чатҳои интернетиро ба роҳ андохтаанд, ки тавассути онҳо муштариён метавонанд ба ҳамаи саволҳояшон ҷавоб пайдо кунанд. Дар аввал ин барои мо беҳтарин хабар буд. Лекин вақте, ки ба чати онлайнии ширкати “Babilon” ворид шуда, 1 саволи оддиро пурсидем, дар ҷавоб чунин гуфтанд: “муштарии муҳтарам мо наметавонем ба ин саволи шумо посух гардонем ва шумо метавонед бо операторони мо тариқи телефони 616161 ҳамсуҳбат шуда, саволатонро пешниҳод кунед”. Акнун бинед, ки ба саволҳо посух гуфта натавонад, пас барои чи ба муштариён ваъдаи дуруғин медиҳанд, ки ба чатҳои онлайнӣ пайваст шуда, ба саволҳояшон посух гиранд? Ин оё роҳи навбатии пулкоркунӣ нест? Ҳаст! 

Кадом чат, вақте интернет нест!?

   Агар бо рақами болозикр занг занем, якчанд дақиқа интизор шуда, танҳо реклама гӯш мекунем ва дар охир гӯширо бардошта посух медиҳанд. Дар ин маврид чандин хонандаи ҳафтанома, ки аз ширкати “Мегафон” истифода мекунанд, занг зада гуфтанд, ки мо телефонҳои оддӣ истифода мекунем ва бо интернет пайваст нестем. Аммо ҳангоми занг задан ба операторони ширкат мешунавем, ки “Муштарии муҳтарам, ба чати онлайнии мо нависед”. Қисми зиёди мардум танҳо барои сӯҳбати оддии телефонӣ, аз симкортҳо истифода мебаранду ба интернет паваст нестанд, инро низ бояд ба назар гирифт.

   Аз оғоз то инҷониб дар фазои кишвари мо танҳо мавҷи 4 ширкат ҳуқуқи фаъолият доранд. Паҳлӯи дигари масъала дар он аст, ки чаро ғайр аз ин 4 ширкат дигарон фаъолият намекунанд? Шояд ин ҷо раванди монополия рафта истодаасту роҳи ин бозор ба дигарон баста аст? 

Шералӣ Давлатов, СССР 

Бонки миллии Тоҷикистон дар соли 2020 сиёсати пулию қарзӣ ва асъориро баҳри нигоҳдории сатҳи муътадили нархҳо бо назардошти раванди ҳадафгирии таваррум,  танзими ҳаҷми пул дар иқтисодиёт, таъмини суботи молиявӣ ва мусоидат ба рушди устувори иқтисодиёт равона намуд.

Рушди иқтисодиёт дар соли 2020 муътадил арзёбӣ гардида, маҷмӯи маҳсулоти дохилии кишвар ба 82,5 млрд. сомонӣ баробар шуда, афзоиши воқеии он 4,5 фоизро ташкил дод. Афзоиши ММД аз ҳисоби истеҳсоли маҳсулоти саноатӣ 9,7 фоиз ва кишоварзӣ 8,8 фоиз таъмин гардид.

Сатҳи таваррум дар соли 2020 9,4 фоизро ташкил намуд, ки нисбат ба ҳамин давраи соли 2019 1,4 банди фоизӣ зиёд мебошад. Нишондиҳандаи мазкур асосан аз афзоиши сатҳи нархҳои маҳсулоти хӯрокворӣ 13,0 фоиз, ғайрихӯрокворӣ 5,8 фоиз ва арзиши хизматрасониҳои пулӣ ба аҳолӣ 4,0 фоиз ба амал омад. 

Дар сохтори маҳсулоти хӯрокворӣ дар ин давра бештар тағйирёбии нархи маҳсулоти ниёзи аввалия, ки асосан маҳсулоти воридотӣ ва мавсимӣ мебошад, аз қабили орди навъи якум 16,4 фоиз, шакар 40,8 фоиз, равғани пахта 50,7 фоиз, равғани офтобпараст 42,6 фоиз, гӯшти гов 6,2 фоиз, тухм 18,9 фоиз, картошка 19,8 фоиз ва сабзӣ 12,8 фоиз ба қайд гирифта шуданд. Афзоиши нархи маҳсулоти ниёзи аввалия дар натиҷаи таъсири омилҳои берунӣ вобаста ба авҷ гирифтани пандемияи коронавирус (COVID-19) ва дар ин замина маҳдуд шудани ҳамлу нақл тавассути сарҳади давлатҳои шарикони савдо ба вуқӯъ пайваст.

Сиёсати пулию қарзии Бонки миллии Тоҷикистон дар соли ҳисоботӣ баҳри коҳиш додани фишорҳои таваррумӣ, қурбӣ, идоракунии самараноки сатҳи пардохтпазирии бонкҳо ва нигоҳ доштани раванди муътадилии ҳаҷми пул равона карда шуд. Дар ин давра бо мақсади татбиқи босамари сиёсати пулию қарзӣ, рушди низоми молиявӣ ва бозори аввалияи коғазҳои қиматнок ба маблағи 14,3 млрд. сомонӣ коғазҳои қиматнок ба муомилот бароварда шуда, тавассути амалиёти амонатҳои шабонарӯзӣ аз ташкилотҳои қарзӣ ҳамарӯза ба ҳисоби миёна 1,2 млрд. сомонӣ ҷалб карда шуд.

Меъёри бозтамвил ҳамчун фишанги асосии монетарӣ дар соли ҳисоботӣ бо мақсади коҳиш додани осебпазирии иқтисодиёт аз буҳрон, нигоҳ доштани суботи молиявӣ ва мусоидат ба рушди бахши воқеии иқтисодиёти кишвар тадриҷан 2,0 банди фоизӣ паст карда шуда, дар сатҳи 10,75 фоизи солона нигоҳ дошта шуд.

Ҷиҳати андешидани тадбирҳои саривақтӣ ва дастгирии пардохтпазирии низоми бонкӣ дар муқобили таъсири манфии пандемияи коронавирус (COVID-19), меъёри захираҳои ҳатмии ташкилотҳои қарзии молиявӣ аз рӯи пасандозҳо ва уҳдадориҳои дигари ба онҳо монанд, аз 01 апрели соли 2020 муваққатан то 

31 декабри соли 2020 бо пули миллӣ ба андозаи 2,0 банди фоизӣ ва бо асъори хориҷӣ 4,0 банди фоизӣ паст карда шуда, мувофиқан 1,0 фоиз ва 5,0 фоиз муқаррар карда шуданд. 

Иқдоми пешгирифта дар самти татбиқи чораҳои зиддибуҳронӣ андешида шуда,  имкониятҳои молиявии ташкилотҳои қарзиро дар давраи мазкур беҳтар намуда, ба маблағи 241,7 млн. сомонӣ дастрасии манбаъҳои иловагии пардохтпазириро барои ташкилотҳои қарзӣ  таъмин намуд.

Дар давраи ҳисоботӣ қурби расмии сомонӣ 16,6 фоиз коҳиш ёфта, баъд аз тасҳеҳи (коррексияи) якдафъаина барои 1 доллари ИМА 11,30 сомонӣ муқаррар гардид, ки фарқияти байни қурби расмӣ ва қурби бозори ғайрибонкии доллари ИМА ба 0,8 фоиз баробар шуд. 

Тағйирёбии қурби асъор дар соли ҳисоботӣ асосан дар натиҷаи вазъи номуътадили иқтисоди ҷаҳонӣ бинобар идома ёфтани таъсири пандемия, коҳиш ёфтани қурби асъори миллии кишварҳои шарикони асосии савдо,  камшавии вуруди интиқолҳои пулӣ  ва сармояи хориҷӣ ба ҷумҳурӣ, маҳдуд гардидани равобити марзӣ, болоравии нархи молу маҳсулотҳои воридотӣ, инчунин идома ёфтани касри тавозуни савдои кишвар  ба амал омад. 

Ба ҳолати 31 декабри соли 2020 дар қаламрави Ҷумҳурии Тоҷикистон дар маҷмӯъ 69 адад ташкилоти қарзии молиявӣ, аз ҷумла 18 бонки анъанавӣ, 

1 бонки исломӣ, 18 ташкилоти амонатии қарзии хурд, 5 ташкилоти қарзии хурд ва 27 фонди қарзии хурд фаъолият менамоянд.

Шумораи филиалҳо бо назардошти равзанаи бонкии исломӣ ва марказҳои хизматрасонии бонкии ташкилотҳои қарзии молиявӣ дар соли ҳисоботӣ 1 935 ададро ташкил дода, нисбат ба ҳамин давраи соли 2019 10 адад зиёд шуданд, ки ин ба васеъ намудани доираи амалиётҳои бонкӣ, таъмини дастрасии аҳолӣ ба захираҳои қарзӣ, пешниҳоди хизматрасониҳои босифату муосири молиявӣ ҷиҳати рушди иқтисодиёти ҷумҳурӣ мусоидат менамояд.

Дороиҳои умумии ташкилотҳои қарзии молиявӣ ба  санаи 31 декабри соли 2020 маблағи 26,3 млрд. сомониро ташкил дода, нисбат ба ҳамин санаи соли 2019 19,7 фоиз зиёд шудаанд. Уҳдадориҳои умумӣ ва сармояи тавозунии ташкилотҳои қарзии молиявӣ бошанд, мувофиқан ба 19,1 млрд. сомонӣ ва 

7,2 млрд. сомонӣ баробар шуда, зиёдшавии онҳо дар муқоиса ба ҳамин санаи соли 2019 мутаносибан 21,5 фоиз ва 15,2 фоизро ташкил доданд. Меъёри кифоятии сармоя ва пардохтпазирӣ дар низоми бонкӣ дар доираи талаботи нишондиҳандаи мақбул таъмин гардида, даромаднокии дороиҳо ва сармоя нисбат ба соли қаблӣ афзуданд.

Ба ҳолати 31 декабри соли 2020 бақияи умумии пасандозҳо 11,4 млрд. сомониро ташкил дод, ки нисбат ба ҳамин давраи соли 2019 1,7 млрд. сомонӣ  ё 17,2 фоиз зиёд мебошад. Фоизи миёнавазни пасандозҳои муҳлатнок дар низоми бонкӣ бо пули миллӣ 9,9 фоиз ва бо асъори хориҷӣ 5,1 фоизро ташкил медиҳад, ки нисбат ба соли қаблӣ мувофиқан 0,7 ва 1,1 банди фоизӣ зиёд мебошанд.

Теъдоди пасандозҳои ҷалбшуда бошад, 5,9 млн. ададро ташкил намуда, нисбат ба ҳамин давраи соли 2019 ба андозаи 7,0 фоиз зиёд мебошад. Нишондоди мазкур аз зиёд шудани эътимоди аҳолӣ ба ташкилотҳои қарзӣ гувоҳӣ дода, аз ҷониби дигар далели беҳтар гардидани сатҳи некӯаҳволии мардум мебошад.

Соли 2020 ҳаҷми умумии қарзҳои додашудаи ташкилотҳои қарзӣ     10,0 млрд. сомониро ташкил дод, ки нисбат ба соли 2019 4,7 фоиз ё ба маблағи 446,1 млн. сомонӣ зиёд мебошад. Ҳаҷми бақияи умумии сандуқи қарзӣ дар ин давра ба 11,0 млрд. сомонӣ баробар шуда, нисбат ба соли 2019 12,0 фоиз ё 

1,2 млрд. сомонӣ афзуд. 

Аз ҷумла, аз ҳаҷми умумии қарзҳои додашуда дар соли 2020 41,0 фоиз ё 

4,1 млрд. сомонӣ ба соҳибкорони истеҳсолӣ рост меояд. Меъёри фоизи ба соҳаи соҳибкории истеҳсолӣ додашуда ба 17,7 фоиз бо пули миллӣ ва 13,3 фоиз бо асъори хориҷӣ ташкил намуда, нисбат ба соли 2019 мувофиқан 1,2 ва 3,4 банди фоизӣ паст мебошад.

Ҳамзамон, ҳаҷми умумии қарзҳои дар ин давра додашуда 29,7 фоиз ба соҳаҳои истеъмолот, 15,8 фоиз савдои хориҷӣ, 15,3 фоиз кишоварзӣ, 12,3 фоиз хизматрасонӣ, 11,6 фоиз саноат, 10,5 фоиз сохтмон, 1,0 фоиз хӯроки ҷамъиятӣ, 0,7 фоиз нақлиёт, 0,2 фоиз миёнаравии молиявӣ ва  дигар соҳаҳо 2,9 фоиз рост меояд.

Ба ҳолати 31 декабри соли 2020 шумораи банкоматҳо ва терминалҳои электронӣ дар ҷумҳурӣ мувофиқан 1 281 адад ва 5 710 ададро ташкил намуда, дар муқоиса ба ҳамин санаи соли 2019 шумораи банкоматҳо 403 адад ва терминалҳои электронӣ 362 адад зиёд шудааст. 

Миқдори умумии кортҳои пардохтии аз ҷониби бонкҳои ватанӣ ба муомилот баровардашуда ба санаи ҳисоботӣ 3,25 млн. ададро ташкил дод, ки ин нишондиҳанда нисбат ба соли 2019 дар ҳаҷми 30,8 фоиз зиёд мебошад. 

Теъдоди умумии ҳамёнҳои электронии ташкилотҳои қарзии молиявӣ дар давраи ҳисоботӣ 1 ,7 млн. ададро ташкил дода, дар муқоиса нисбат ба ҳамин давраи соли 2019 наздики 1,4 млн. адад (4,9 маротиба) афзудааст. Дар давраи ҳисоботӣ тавассути ҳамёнҳои электронӣ 10,7 млн. адад амалиётҳои пардохти ғайринақдӣ ба маблағи 543,1 млн. сомонӣ анҷом дода шудаанд, ки ин нишондиҳандаҳо нисбат ба соли 2019 аз рӯи шумораи амалиёт 8, 8 млн. адад 

(5,7 маротиба) ва аз рӯи ҳаҷми амалиёт 440,8 млн. сомонӣ (5,3 маротиба) зиёд мебошанд.   

Умуман, дар муассисаҳои савдою хизматрасонии кишвар тавассути воситаҳои электронии пардохтӣ 48,8 млн. адад амалиёти ғайринақдӣ ба маблағи 1,9 млн. сомонӣ гузаронида шуданд, ки ин нишондиҳандаҳо нисбат ба соли 2019 аз рӯи шумора 40,2 фоиз ва аз рӯи ҳаҷми амалиёти гузаронидашуда 

2,2 маротиба зиёд мебошанд.

Дар самти ҳимояи ҳуқуқҳои истеъмолкунандагони хизматрасониҳои молиявӣ Бонки миллии Тоҷикистон қабули муроҷиати шаҳрвандонро тариқи шифоҳӣ, телефонӣ, хаттӣ ва тавассути почтаи электронӣ ба роҳ монда, тибқи тартиби муқарраргардида ва дар доираи салоҳияти ҷойдошта аз рӯи онҳо чораҳои дахлдор андешида шуданд.

Ба санаи 31 декабри соли 2020 дар бозори суғуртаи Ҷумҳурии Тоҷикистон шумораи ташкилотҳои суғуртавӣ 18 ададро ташкил намуданд, ки аз онҳо 

2 ташкилоти суғуртавии давлатӣ, 15 ташкилоти суғуртавии ғайридавлатӣ ва 

1 Маркази дастгирии суғуртаи мутақобила мебошанд.

Дороиҳои ташкилотҳои суғуртавӣ ба санаи ҳисоботӣ 412,4 млн. сомониро ташкил дода, уҳдадориҳои қабулгардидаи ташкилотҳои суғуртавӣ вобаста ба шаклҳои суғурта 50,4 млрд. сомониро ташкил дод. Воридоти мукофоти суғуртавӣ (ҳаққи суғуртавӣ) ба андозаи 0,7 фоиз зиёд гардида, 235,8 млн. сомониро ташкил дод, ки дар таркиби он суғуртаи ихтиёрӣ раванди зиёдшавӣ дорад. Пардохту ҷубронҳои суғуртавӣ бошанд, дар соли 2020 ба 19,0 млн. сомонӣ баробар гардиданд, ки нисбат ба соли қаблӣ ба андозаи 24,6 фоиз афзудааст.

Дар маҷмӯъ, фаъолияти молиявии ташкилотҳои суғуртавӣ дар соли 2020 бо фоида ба маблағи 75,9 млн. сомонӣ ҷамъбаст шуд, ки ин нишондиҳанда нисбат ба соли 2019 ба андозаи 39,2 фоиз зиёд мебошад. 

Шуъбаи матбуоти БМТ

“Ветнами Иттиҳоди Шӯравӣ”

    Даргирӣ миёни нерӯҳои ҳукуматии Афғонистон ва гурӯҳҳои муҷоҳиддини афғон, ки бо Ҷанги Афғонистон дар таърихнигорӣ маъруф аст, аз авохири соли 1978 шурӯ шуд. СССР дар ин ҷанг, Ҳизби Халқи Демократии Афғонистонро дастгирӣ карда, ба Афғонистон лашкар кашид. Ҷанги СССР дар Афғонистон 10 сол идома дошт ва барои абарқудрати шарқӣ фарҷоми нохубе ба бор овард, то ҷое, ки иддае онро “Ветнами Шӯравӣ” ҳам унвон намудаанд. 

Бозии бузург

   Мавқеи геополитикии Афғонистон, ки дар маркази қитъаи Авруосиё ҷойгир гардида, ду қорраи ин қитъа-Осиёи Ҷанубӣ ва Марказиро бо ҳам мепайвандад, ин кишварро ба яке аз кишварҳои калидии минтақа табдил додааст. Афғонистон дар қарни XIX ба майдони мубориза миёни Британия ва Россия табдил ёфт ва ин 2 кишвар мекӯшиданд дар он нуфуз дошта бошанд. Ин мубориза, ки бо  “Бозии бузург” маъруф аст, солҳои тӯлонӣ идома дошт. 

   Баъди Инқилоби болшевикӣ дар соли 1919 Амонуллохон Афғонистонро кишвари мустақил эълон кард ва ҷанги 3-юми афғону-англис шурӯ шуд. Дар ин шароит, Россияи Шӯравӣ аввалин кишваре буд, ки истиқлолияти Афғонистонро ба расмият шинохт. Соли 1929 СССР бори аввал ба Афғонистон нерӯи низомӣ ворид кард. Қисмҳои Артиши Сурх барои тарафдорӣ аз Амонуллохони сарнагуншуда, ба Афғонистон ворид гардиданд ва як сол баъд (1930), бо баҳонаи торумори марказҳои таҷаммӯи босмачиҳо, қисмҳои савораи Артиши Сурх, бори дуввум вориди хоки Афғонистон шуда буданд.  

Инқилоби савр

   27 апрели соли 1978 дар Афғонистон инқилоби мардумӣ ба вуқӯъ пайваст ва Ҳизби халқӣ-демократӣ (НДПА) сари қудрат омад. Ин Ҳизб Афғонистонро Ҷумҳурии Демократӣ эълон карда, кӯшиш намуд, дар кишвар ислоҳотеро роҳандозӣ кунад. Мутаассифона, роҳандозии ислоҳоти ҷадид, ба мухолифати сахти нерӯҳои исломгаро рӯ ба рӯ шуд ва дар кишвар ҷанги шаҳрвандӣ аланга зад. СССР дар ин ҷанг аз НДПА тарафдорӣ мекард. 

   8 маи соли 1978 ҳукумати Афғонистон тавассути сафири СССР дар Кобул расман ба ҳукумати шӯравӣ муроҷиат карда, аз СССР хост фавран ба Афғонистон мушовирони шӯравиро равона кунад. Нимаи дуввуми моҳи маи соли 1978 аввалин гурӯҳи мутахассисони шӯравӣ, ки бештарашон кормандони КГБ буданд ба Афғонистон фиристода шуданд. 30 июни соли 1978 бо қарори Шӯрои Вазирони СССР, Намояндагии КГБ СССР дар назди ниҳодҳои амниятии Афғонистон таъсис дода шуд. 18 марти соли 1979 барои ҳалли масъалаи Афғонистон, дар КМ КПСС комиссияи Бюрои сиёсӣ бобати Афғонистон таъсис гашт. Ба ин комиссия М. Суслов, А. Громико, Д. Устинов, Ю. Андропов, Б. Понамарёв ва И. Архипов шомил гардиданд.  

Шӯриши Ҳирот

   Моҳи марти соли 1979 дар Ҳирот шӯриши зиддиҳукуматӣ оғоз гардид ва дар рафти пахши ин шӯриш, ҳукумати Афғонистон бори аввал аз Иттиҳоди Шӯравӣ хост, ки нерӯҳои низомиашро вориди хоки Афғонистон кунад. Дар маҷмӯъ ҳукумати Тараккӣ ва Амин зиёда аз 20 бор аз СССР чунин дархост карда буданд. Аммо комиссияи афғонистонии КМ КПСС ба Бюрои сиёсӣ гузориш дод, ки дахолати мусаллаҳонаи СССР ба Афғонистон пасомадҳои манфӣ дорад ва ин хоҳиши афғонҳо рад карда шуд. 19 марти соли 1979 дар нишасти Бюрои сиёсии КМ КПСС Леонид Брежнев мегӯяд: